Varisu Trp Rating: బుల్లితెర‌పై రికార్డ్ టీఆర్‌పీ రేటింగ్ ద‌క్కించుకొన్న విజ‌య్ వారిసు

Varisu Trp Rating: విజ‌య్ వారిసు సినిమా బుల్లితెర‌పై అదిరిపోయే రెస్పాన్స్‌ను సొంతం చేసుకున్న‌ది. ఫ‌స్ట్ టీవీ ప్రీమియ‌ర్‌ రికార్డ్ టీఆర్‌పీ రేటింగ్‌ను ద‌క్కించుకున్న‌ది. సంక్రాంతి కానుక‌గా థియేట‌ర్ల‌లో రిలీజైన ఈ సినిమా 300 కోట్ల వ‌సూళ్ల‌ను రాబ‌ట్టింది. విజ‌య్ కెరీర్‌లో బిగ్గెస్ట్ క‌మ‌ర్షియ‌ల్ హిట్‌ల‌లో ఒక‌టిగా నిలిచింది. ఇటీవ‌ల త‌మిళ్ న్యూ ఇయ‌ర్ సంద‌ర్భంగా స‌న్ టీవీలో ఈ సినిమా ప్రీమియ‌ర్ అయ్యింది.

ఈ ఫ‌స్ట్ ప్రీమియ‌ర్‌కు బుల్లితెర ఫ్యాన్స్ నుంచి అమెజింగ్ రెస్పాన్స్ వ‌చ్చింది. వారిసు టీవీ ప్రీమియ‌ర్ 19.60 టీఆర్‌పీ రేటింగ్‌ను సొంతం చేసుకున్న‌ది. త‌మిళంలో అత్య‌ధిక టీఆర్‌పీ రేటింగ్‌ను ద‌క్కించుకొన్న సినిమాల్లో ఒక‌టిగా వారిసు రికార్డ్ క్రియేట్ చేసింది. ఫ్యామిలీ ఎంట‌ర్‌టైన‌ర్‌గా రూపొందిన ఈ సినిమాకు వంశీపైడిప‌ల్లి ద‌ర్శ‌క‌త్వం వ‌హించాడు. అపార్ధాలు, అపోహ‌ల‌తో విడిపోయిన త‌న ఫ్యామిలీని ఓ యువ‌కుడు ఎలా ఏకం చేశాడ‌నే పాయింట్‌తో ఈ సినిమాను రూపొందించారు.

రొటీన్ క‌థ అంటూ విమ‌ర్శ‌లొచ్చినా విజ‌య్ క్యారెక్ట‌ర్‌ను ఆయ‌న అభిమానుల‌ను మెప్పించేలా తీర్చ‌దిద్ద‌డంలో ద‌ర్శ‌కుడు వంశీ పైడిప‌ల్లి స‌క్సెస్ కావ‌డంతో సినిమా భారీగా వ‌సూళ్ల‌ను రాబ‌ట్టింది. ఫ్యామిలీ ఆడియెన్స్‌కు క‌నెక్ట్ కావ‌డం కూడా స‌క్సెస్‌కు కార‌ణ‌మైంది. ఈ సినిమాలో విజ‌య్‌కి జోడీగా ర‌ష్మిక మంద‌న్న న‌టించింది. శ‌ర‌త్‌కుమార్‌, ప్ర‌భు, జ‌య‌సుధ‌, శ్రీకాంత్‌, సంగీత కీల‌క పాత్ర‌ల్ని పోషించారు. దిల్‌రాజు ఈ సినిమాను నిర్మించారు.