Vijay Sethupathi Remuneration For Farzi: ఫ‌ర్జీ సిరీస్ కోసం డ‌బుల్ రెమ్యున‌రేష‌న్ అందుకున్న విజ‌య్ సేతుప‌తి

Vijay Sethupathi Remuneration For Farzi: ఫ‌ర్జీ సిరీస్‌తో డిజిట‌ల్ ప్లాట్‌ఫామ్‌లోకి ఎంట్రీ ఇచ్చాడు కోలీవుడ్ వెర్స‌టైల్ యాక్ట‌ర్ విజ‌య్ సేతుప‌తి. ద‌ర్శ‌క‌ద్వ‌యం రాజ్ డీకే తెర‌కెక్కించిన ఈ సిరీస్‌తో విజ‌య్ సేతుప‌తితో (Vijay Sethupathi) పాటు బాలీవుడ్ హీరో షాహిద్ క‌పూర్ కూడా ఓటీటీలో అడుగుపెట్టాడు. దొంగ నోట్ల క్రైమ్ బ్యాక్‌డ్రాప్‌లో తెర‌కెక్కిన ఈ వెబ్‌సిరీస్‌లో స‌న్నీ అనే ఆర్టిస్ట్‌గా షాహిద్ క‌పూర్ న‌టించ‌గా మైఖేల్ అనే టాస్క్‌ఫోర్స్‌ ఆఫీస‌ర్‌గా విజ‌య్ సేతుప‌తి క‌నిపించాడు.

కాగా ఈ సిరీస్ కోసం షాహిద్ క‌పూర్ దాదాపు 30 కోట్ల రెమ్యున‌రేష‌న్ స్వీక‌రించిన‌ట్లు స‌మాచారం. ప్ర‌స్తుతం ఒక్కో సినిమాకు 30 నుంచి 35 కోట్ల మ‌ధ్య షాహిద్ క‌పూర్ రెమ్యున‌రేష‌న్ తీసుకుంటున్న‌ట్లు బాలీవుడ్ వ‌ర్గాలు చెబుతున్నాయి. ఫ‌ర్జీ సిరీస్‌కు సినిమాల‌తో స‌మానంగా రెమ్యున‌రేష‌న్‌ను షాహిద్ క‌పూర్ సొంతం చేసుకున్న‌ట్లు స‌మాచారం.

అలాగే ఈ సిరీస్ కోసం విజ‌య్ సేతుప‌తి ఏడు కోట్ల రెమ్యున‌రేష‌న్ ద‌క్కించుకున్న‌ట్లు తెలిసింది. ప్ర‌స్తుతం ద‌క్షిణాది భాష‌ల్లో ఒక్కో సినిమాకు విజ‌య్ సేతుప‌తి మూడు నుంచి నాలుగు కోట్ల రెమ్యున‌రేష‌న్ డిమాండ్ చేస్తున్నారు. ఫ‌ర్జీ సిరీస్ కోసం డ‌బుల్ రెమ్యున‌రేష‌న్ స్వీక‌రించిన‌ట్లు స‌మాచారం. ఫ‌ర్జీ సిరీస్‌ కోసం షాహిద్ క‌పూర్ త‌ర్వాత అత్య‌ధిక రెమ్యున‌రేష‌న్ అందుకున్న న‌టుడిగా విజ‌య్ సేతుప‌తి నిలిచాడు.

ఫ‌ర్జీ సిరీస్‌లో న‌టించినందుకు రాశీఖ‌న్నా కోటిన్న‌ర సొంతం చేసుకున్న‌ట్లు తెలిసింది. అప్పులు తీర్చ‌డం కోసం త‌ప్ప‌ని స‌రి ప‌రిస్థితుల్లో దొంగ నోట్ల దందాలోకి అడుగుపెట్టిన చిత్ర‌కారుడిగా షాహిద్ క‌పూర్, నిజాయితీప‌రుడైన తాగుబోతు పోలీస్ ఆఫీస‌ర్‌గా విజ‌య్ సేతుప‌తి పాత్ర‌లు ఈ సిరీస్‌లో పోటాపోటీగా సాగాయ‌ని ప్ర‌శంస‌లు ల‌భిస్తున్నాయి. రాజ్ డీకే ద‌ర్శ‌క‌త్వం వ‌హించిన ఈ సిరీస్ ఇటీవ‌లే ఆమెజాన్ ప్రైమ్‌లో రిలీజైంది. ఫ్యామిలీ మ్యాన్ త‌ర్వాత రాజ్ డీకే తెర‌కెక్కించిన సిరీస్ ఇది.