Tripti Dimri in Spirit: ప్రభాస్ నెక్ట్స్ మూవీలో ఫిమేల్ లీడ్‌గా యానిమల్ స్టార్!

Tripti Dimri in Spirit: యానిమల్‌లాంటి హిట్ సినిమా తీసిన డైరెక్టర్ సందీప్ రెడ్డి వంగా తర్వాత రెబల్ స్టార్ ప్రభాస్‌తో స్పిరిట్ అనే సినిమా తీస్తున్న సంగతి తెలుసు కదా. ఈ మూవీలో యానిమల్లో కీలకపాత్ర పోషించిన తృప్తి దిమ్రి నటించబోతున్నట్లు వార్తలు వస్తున్నాయి. ఈ సినిమాలో జోయా అనే పాత్రలో రెచ్చిపోయి నటించిన ఆమె.. పెద్ద ఆఫర్‌నే కొట్టేసినట్లు తెలుస్తోంది.

యానిమల్ మూవీలో చాలా వయోలెంట్ పాత్రలో కనిపించిన రణ్‌బీర్ కపూర్ తో ఓ సీన్ లో రొమాన్స్ పండించిన తృప్తి దిమ్రి అందరి దృష్టిని ఆకర్షించింది. ఆమె పర్ఫార్మెన్స్ చూసి ఇంప్రెస్ అయిన డైరెక్టర్ సందీప్.. తన తర్వాతి సినిమాలో ఛాన్స్ ఇచ్చినట్లు సమాచారం. ఈ మూవీ అలాంటిలాంటిది కాదు. ఏకంగా ప్రభాస్ తో చేస్తున్న స్పిరిట్ కావడం విశేషం.

రూ400 కోట్ల భారీ బడ్జెట్ తో తెరకెక్కుతున్న ఈ సినిమా గురించి ఇప్పటి వరకూ పెద్దగా ఏ విషయాలూ బయటకు రాలేదు. ఇన్నాళ్లూ సలార్, కల్కి 2898 ఏడీ మూవీతో బిజీగా ఉన్న ప్రభాస్.. తర్వాత స్పిరిట్ చేయనున్నాడు. ఆ సినిమాలో అతని పక్కన తృప్తి ఛాన్స్ కొట్టేయడం అంటే మామూలు విషయం కాదు. నిజానికి యానిమల్ మూవీలో పాత్ర కోసం కూడా తృప్తిని ఆడిషన్ చేసి సెలెక్ట్ చేశాడు సందీప్ రెడ్డి వంగా.

ఇప్పుడీ సినిమాలోనూ అదరగొట్టడంతో తన స్పిరిట్ లో అవకాశం ఇచ్చినట్లు తెలుస్తోంది. అయితే ఈ మూవీలో ఆమె పాత్ర ఏంటన్న దానిపై స్పష్టత లేదు. స్పిరిట్ లో ప్రభాస్ ఓ పోలీస్ ఆఫీసర్ పాత్రలో నటించబోతున్నాడు. యానిమల్ మూవీ కంటే ముందు తృప్తి దిమ్రి.. మామ్, పోస్టర్ బాయ్స్, లైలా మజ్నూలాంటి సినిమాలు చేసింది. యానిమల్ తర్వాత మరిన్ని అవకాశాలు ఆమెను వెతుక్కుంటూ వస్తున్నాయి.