Horror Web Series: సినిమాలకు ధీటుగా ట్విస్ట్‌ల‌తో వ‌ణికించే హార‌ర్ వెబ్‌సిరీస్ - యూట్యూబ్‌లో ఫ్రీగా స్ట్రీమింగ్‌!

Horror Web Series: ప్ర‌స్తుతం సినిమాల‌తో స‌మానంగా వెబ్‌సిరీస్‌లు ఆడియెన్స్‌ను మెప్పిస్తోన్నాయి. ఓ భాష‌లో రిలీజైన వెబ్‌సిరీస్‌ను టాలీవుడ్‌, కోలీవుడ్ అనే భేదాలు లేకుండా అన్ని లాంగ్వేజ్‌ల‌కు చెందిన ఆడియెన్స్ చూస్తున్నారు. ఓ భాష‌లో రూపొందిన సిరీస్‌ను ఇత‌ర భాష‌ల్లోకి డ‌బ్ చేసే ట్రెండ్ కూడా పెరిగిపోయింది.

హార‌ర్ వెబ్‌సిరీస్‌...

తాజాగా త‌మిళంలో రూపొందిన హార‌ర్ థ్రిల్ల‌ర్ వెబ్‌సిరీస్‌ క‌రువ‌న‌మ్ డైరెక్ట్‌గా యూట్యూబ్‌లో రిలీజైంది. మొత్తం మూడు ఎపిసోడ్స్ యూట్యూబ్‌లో ఫ్రీ స్ట్రీమింగ్ రూపంలో అందుబాటులోకి మేక‌ర్స్ తీసుకొచ్చారు.

ప్ర‌స్తుతం యూట్యూబ్‌లో ఈ వెబ్‌సిరీస్ ట్రెండింగ్‌లో ఉంది. ఇంగ్లీష్ స‌బ్‌టైటిల్స్‌తో ఈ సిరీస్ అందుబాటులో ఉంది.

ఈ హార‌ర్ వెబ్‌సిరీస్‌లో ఉద‌య సుంద‌రి, జ‌య‌శ్రీవిజ‌య‌న్‌, విఘ్నేష్ వ‌ర‌ద‌రాజ‌న్‌, వీర‌రాఘ‌వ‌న్ ప్ర‌ధాన పాత్ర‌లు పోషించారు. కుమ‌ర‌న్ సుంద‌ర‌న్ ద‌ర్శ‌క‌త్వం వ‌హించాడు.

త‌ల్లి మ‌ర‌ణంతో...

మీరా, షాలిని అనాథ‌లు. ఓ అనాథ‌శ్ర‌మంలో పెరిగిన వారిని ఓ గొప్పింటి మ‌హిళ ద‌త్త‌త తీసుకుంటుంది. త‌ల్లి మ‌ర‌ణించ‌డంతో అనుకోకుండా ఆమె ఇంట్లో మీరా, షాలిని కొన్నాళ్లు గ‌డ‌పాల్సివ‌స్తుంది. ఆ ఇంట్లో వారికి ఎలాంటి అనూహ్య ప‌రిణామాలు ఎదుర‌య్యాయి? అస‌లు వారి త‌ల్లి ఎలా చ‌నిపోయింది అన్న‌దే ఈ సిరీస్ క‌థ‌.

సినిమాల‌కు ధీటుగా...

క‌రువ‌న‌మ్ వెబ్‌సిరీస్ సినిమాల‌కు ధీటుగా ఇంట్రెస్టింగ్ ట్విస్ట్‌ల‌తో ఆక‌ట్టుకుంటుంద‌ని ఆడియెన్స్ కామెంట్స్ చేస్తున్నారు. బీజీఎమ్‌, క్వాలిటీ అద్భుత‌మంటూ కామెంట్స్ చేస్తున్నారు.

మొత్తం ఆరు నుంచి ఎనిమిది ఎపిసోడ్స్‌తో క‌రువ‌న‌మ్‌ వెబ్‌సిరీస్ రూపొందిన‌ట్లు స‌మాచారం. ప్ర‌స్తుతం మూడు ఎపిసోడ్స్ మాత్ర‌మే రిలీజ్ చేశారు. మిగిలిన ఎపిసోడ్స్‌ను త్వ‌ర‌లోనే విడుద‌ల‌చేసేందుకు మేక‌ర్స్ స‌న్నాహాలు చేస్తున్నారు.

ఉద‌య సుంద‌రి..

క‌రువ‌న‌మ్ వెబ్‌సిరీస్‌లో లీడ్ రోల్‌లో న‌టించిన ఉద‌య సుంద‌రి త‌మళంలో ప‌లు టీవీ షోస్‌కు హోస్ట్‌గా ప‌నిచేసింది. కొన్ని సీరియ‌ల్స్‌లో హీరోయిన్‌గా న‌టించింది. ఏ ఎల్లో బ‌ర్డ్‌, ప‌రందు సెల్ల వా అనే సినిమాలు చేసింది. ద‌ర్శ‌కుడు కుమ‌ర‌న్ సుంద‌ర‌న్ గ‌తంలో ప‌లు వెబ్‌సిరీస్‌ల‌ను తెర‌కెక్కించాడు.