Sukumar: వాల్తేర్ వీర‌య్య సెట్స్‌లో సుకుమార్‌....

మెగా ఫ్యామిలీతో ద‌ర్శ‌కుడు సుకుమార్‌కు చక్కటి అనుబంధం ఉంది. ప‌లు సంద‌ర్భాల్లో చిరంజీవి,రామ్‌చ‌ర‌ణ్ ప‌ట్ల త‌న‌కున్న ఇష్టాన్ని చాటుకున్నారు సుకుమార్‌. రామ్‌చ‌ర‌ణ్‌,సుకుమార్ క‌ల‌యిక‌లో రూపొందిన రంగ‌స్థ‌లం సినిమా బ్లాక్‌బ‌స్ట‌ర్ హిట్‌గా నిలిచింది. ఈ కాంబినేష‌న్ మ‌రోసారి రిపీట్ కావాల‌ని మెగా ఫ్యాన్స్ కోరుకుంటున్నారు. కాగా శుక్ర‌వారం చిరంజీవి 154వ సినిమా సెట్స్‌ను సుకుమార్ సంద‌ర్శించారు. బాబీ ద‌ర్శ‌క‌త్వంలో యాక్ష‌న్ ఎంట‌ర్‌టైన‌ర్‌గా ఈ చిత్రం రూపొందుతోంది.

ఇందులో వాల్తేర్ వీర‌య్య గా మాస్ పాత్ర‌లో చిరంజీవి క‌నిపించ‌బోతున్న‌ట్లు చెబుతున్నారు. అతడి పేరునే ఈ సినిమాకు టైటిల్‌గా నిర్ణ‌యించిన‌ట్లు స‌మాచారం. ప్ర‌స్తుతం ఈ సినిమా చిత్రీక‌ర‌ణ హైద‌రాబాద్‌లో శరవేగంగా జరుగుతోంది. ఇటీవ‌లే తాజా షెడ్యూల్‌ను మొద‌లుపెట్టారు. శుక్ర‌వారం వాల్తేర్ వీరయ్య సెట్స్‌లో ద‌ర్శ‌కుడు సుకుమార్ అడుగుపెట్టారు. షూటింగ్ వివ‌రాలు తెలుసుకోవ‌డ‌మే కాకుండా ర‌షెస్ చూసి సంతృప్తిని వ్య‌క్తం చేశారు. సుకుమార్ సెట్స్ కు వచ్చిన ఫొటోలను దర్శకుడు బాబీ ట్విట్టర్ ద్వారా షేర్ చేశారు.

బాబీతో సుకుమార్ ముచ్చ‌టిస్తున్న ఫొటోలు సోష‌ల్ మీడియాలో అభిమానుల‌ను ఆక‌ట్టుకుంటున్నాయి. వాల్తేర్ వీర‌య్య సినిమాలో శృతిహాస‌న్ క‌థానాయిక‌గా న‌టించ‌బోతున్న‌ట్లు స‌మాచారం. ర‌వితేజ ఓ కీల‌క పాత్ర‌ను పోషిస్తున్నారు. చిరంజీవి హీరోగా న‌టిస్తున్న 154వ సినిమా ఇది. ఈ చిత్రాన్ని మైత్రీ మూవీ మేక‌ర్స్ సంస్థ నిర్మిస్తోంది.కాగా ప్రస్తుతం పుష్ప- 2 షూటింగ్ మొదలుపెట్టే ప్రయత్నాల్లో సుకుమార్ ఉన్నారు. జూలై ఈ సినిమా చిత్రీకరణ ప్రారంభంకానుంది.