Sree Vishnu: అల్లూరి సీతారామరాజుగా శ్రీవిష్ణు...అల్లూరి సినిమా టీజర్ రిలీజ్

కెరీర్ లో తొలిసారి పోలీస్ డ్రెస్ లో కనిపించబోతున్నారు శ్రీవిష్ణు. అతడు హీరోగా అల్లూరి పేరుతో సినిమా రూపొందుతోంది. యాక్షన్ ఎంటర్ టైనర్ గా తెరకెక్కుతున్న ఈ చిత్రానికి ప్రదీప్ వర్మ దర్శకత్వం వహిస్తున్నారు. సోమవారం అల్లూరి టీజర్ ను విడుదలచేశారు. యాక్షన్ అంశాలతో టీజర్ ఆసక్తికరంగా సాగింది.

ఎక్కడి దొంగలు అక్కడే గప్ చుప్ పోలీస్ బయలు దేరాడు.. అంటూ టీజర్ లో శ్రీవిష్ణు ఎంట్రీ ఆసక్తిని పంచుతోంది. విప్లవానికి నాంది చైతన్యం, చైతన్యానికి పునాది నిజాయితీ, నిజాయితీకి మారుపేరు అల్లూరి అంటూ టీజర్ లో వచ్చే డైలాగ్స్ ఆకట్టుకుంటున్నాయి. అల్లూరి సీతారామరాజు అనే సబ్ ఇన్స్ పెక్టర్ ఆఫ్ పోలీస్ అంటూ చివరలో ఎమోషనల్ గా శ్రీవిష్ణు సినిమాలో తన క్యారెక్టర్ పేరును చెప్పడం ఆసక్తిని రేకెత్తిస్తోంది. యాక్షన్ అంశాలతో డిఫరెంట్ గా టీజర్ ను కట్ చేశారు. ఓ పోలీస్ ఆఫీసర్ జీవితంలో జరిగిన సంఘటనలతో రియలిస్టిక్ యాక్షన్ ఎంటర్ టైనర్ గా ఈ అల్లూరి సినిమాను రూపొందిస్తున్నారు.

ఓ నిజాయితీ పరుడైన పోలీస్ ఆఫీసర్ కు పై అధికారుల నుండి ఎలాంటి ఒత్తిళ్లు ఎదురయ్యాయి? సమాజంలో మార్పు కోసం అతడు ఎలాంటి పోరాటం సాగించాడనే అంశాలను దర్శకుడు ఈ సినిమాలో ఆవిష్కరించబోతున్నారు. అల్లూరి సినిమాతో కయాదు లోహర్ హీరోయిన్ గా టాలీవుడ్ లోకి ఇంట్రీ ఇస్తోంది. చిత్రీకరణ తుది దశకు చేరుకున్నది. త్వరలో ఈ చిత్రాన్ని ప్రేక్షకుల ముందుకు తీసుకొచ్చేందుక సన్నాహాలు చేస్తున్నారు.