Tollywood News: మరోసారి వినూత్న కథతో రాబోతున్న రాజశేఖర్ ముద్దుల తనయ

తెల్లవారితే గురువారం ఫేమ్ మణికాంత్ గెల్లీ దర్శకత్వంలో ఓ సినిమా రూపొందుతోంది. టైటిల్ ప్రకటించిన ఈ సినిమా ఇటీవలే లాంఛనంగా ప్రారంభమైంది. త్వరలోనే ఈ సినిమా రెగ్యూలర్ షూటింగ్ మొదలు కానుంది. ఈ చిత్రంలో రాహుల్ విజయ్ హీరోగా చేస్తున్నాడు. ప్రముఖ కథనాయకుడు డాక్టర్ రాజశేఖర్ ముద్దుల తనయ శివానీ రాజశేఖర్ ఈ చిత్రంలో హీరోయిన్‌గా చేస్తోంది.

ఇటీవలే ప్రారంభమైన ఈ సినిమాను ఎటర్నెటీ ఎంటర్టైన్మెంట్ సంస్థ నిర్మిస్తోంది. ఈ చిత్రానికి కల్యాణి మాలిక్ సంగీతాన్ని సమకూరుస్తున్నారు. గతేడాది అద్భుతం చిత్రంతో తనకంటూ గుర్తింపు తెచ్చుకున్న శివానీ రాజశేఖర్ మరోసారి వినూత్న కథతో ప్రేక్షకులను పలకరించనున్నారు. సూర్యకాంతం, కుడిఎడమైతే లాంటి వెబ్‌సిరీస్‌తో గుర్తింపు తెచ్చుకున్న రాహుల్ విజయ్ ఇందులో హీరోగా చేస్తున్నాడు.

ఇక దర్శకుడి దగ్గరకొస్తే.. కీరవాణి తనయుడు శ్రీసింహతో గతేడాది తెల్లవారితే గురువారం అనే చిత్రాన్ని తెరకెక్కించారు మణికాంత్ గెల్లి. తొలి సినిమాతోనే కుటుంబ ప్రేక్షకులను అలరించిన ఈ యువ దర్శకుడు.. ఏడాది గ్యాప్ తర్వాత ఈ చిత్రంతో రాబోతున్నారు. త్వరలోనే ఈ సినిమా రెగ్యూలర్ షూటింగ్ జరుపుకోనుంది. అన్నీ కుదిరితే ఈ ఏడాది చివర్లో లేదా వచ్చే ఏడాది ప్రారంభంలో ఈ సినిమా ప్రేక్షకుల ముందుకు వచ్చే అవకాశముంది.

అలాగే ఈ సినిమా పోస్టర్‌లో లాంగ్ లాంగ్ ఈగో స్టోరీ అని ప్రస్తావించారు. దీన్ని బట్టి చూస్తే ఈ చిత్ర కథాంశం ఈగో చుట్టూ తిరుగుతుందని తెలుస్తోంది. ఈ సినిమాలో నటించే ఇతర నటీనటులు, ఇతర సాంకేతిక నిపుణుల గురించి త్వరలోనే మేకర్స్ తెలియజేయనున్నారు.