Skanda OTT Release Date: ఓటీటీలోకి వచ్చేస్తున్న స్కంద సినిమా.. స్ట్రీమింగ్ డేట్ ఇదే!

Skanda OTT Release Date: ఎనర్జిటిక్ స్టార్, ఉస్తాద్ రామ్ పోతినేని హీరోగా నటించిన స్కంద సినిమా సెప్టెంబర్ 28న థియేటర్లలో రిలీజ్ అయింది. బోయపాటి శ్రీను దర్శకత్వం వహించడంతో భారీ అంచనాల మధ్య ఈ సినిమా వచ్చింది. అయితే, అంచనాలను మాత్రం స్కంద సినిమా పూర్తి స్థాయిలో అందుకోలేకపోయింది. మిక్స్డ్ టాక్ రావటంతో ఆశించిన స్థాయిలో కలెక్షన్లను రాబట్టలేకపోయింది. కాగా, స్కంద సినిమా ఓటీటీ స్ట్రీమింగ్ డేట్ ఖరారైనట్టు తాజాగా సమాచారం బయటికి వచ్చింది. ఆ వివరాలివే..

స్కంద సినిమా ఓటీటీ హక్కులను డిస్నీ+ హాట్‍స్టార్ దక్కించుకుంది. దీంతో అక్టోబర్ 27వ తేదీన స్కంద సినిమా డిస్నీ+ హాట్‍స్టార్ ఓటీటీ ప్లాట్‍ఫామ్‍లో స్ట్రీమింగ్ రానుందనే సమాచారం బయటికి వచ్చింది. తెలుగుతో పాటు హిందీ, తమిళం, కన్నడ, మలయాళంలోనూ ఈ సినిమా స్ట్రీమింగ్‍కు రానుందని తెలుస్తోంది. ఈ విషయంపై డిస్నీ+ హాట్‍స్టార్ నుంచి అధికారిక ప్రకటన రావాల్సి ఉంది.

స్కంద సినిమాను కూడా తన మార్క్ ఫుల్ యాక్షన్ సినిమాగా తెరకెక్కించారు డైరెక్టర్ బోయపాటి శ్రీను. ఈ చిత్రంలో యాక్షన్ సీక్వెన్సులు చాలా ఉన్నాయి. మాస్ యాక్షన్ లుక్‍తో రామ్ పోతినేని అదరగొట్టారు. అయితే, కథ, కథనం పరంగా స్కంద మూవీ ఆకట్టుకోలేదని కొందరు అభిప్రాయపడ్డారు. రివ్యూలు సైతం చాలా మిశ్రమంగా వచ్చాయి. దీంతో ఈ చిత్రం ఆశించిన స్థాయిలో బాక్సాఫీస్ వద్ద వసూళ్లను రాబట్టలేకపోయింది.

స్కంద చిత్రంలో రామ్ పోతినేని సరసన శ్రీలీల హీరోయిన్‍గా నటించారు. సాయి మంజ్రేకర్, శ్రీకాంత్, శరత్ లోహితస్వ, ప్రిన్స్ సెసిల్, అజయ్ పుర్కర్, దగ్గుబాటి రాజా, ప్రభాకర్, పృథ్వీరాజ్ కీలకపాత్రలు పోషించారు. ఊర్వశీ రౌతేలాతో కల్ట్ మామ అనే స్పెషల్ సాంగ్ కూడా ఉంది. ఈ చిత్రంలో రామ్, శ్రీలీల డ్యాన్స్ హైలైట్‍గా నిలిచింది.

స్కంద చిత్రానికి ఎస్ థమన్ సంగీతం అందించారు. శ్రీనివాస సిల్వర్ స్క్రీన్, జీస్టూడియోస్ బ్యానర్ల కింద శ్రీనివాస చిట్టూరి, పవన్ కుమార్ ఈ చిత్రాన్ని నిర్మించారు. తెలుగుతో పాటు తమిళం, కన్నడ, మలయాళం, హిందీలో సెప్టెంబర్ 28న రిలీజ్ అయిన స్కంద సినిమా.. ఆశించిన ఫలితాన్ని మాత్రం పొందలేదు.

రామ్ పోతినేని ప్రస్తుతం డబుల్ ఇస్మార్ట్ సినిమా చేస్తున్నారు. పూరి జగన్నాథ్ ఈ చిత్రానికి దర్శకత్వం వహిస్తున్నారు. 2019లో వచ్చిన ఇస్మార్ట్ శంకర్‌కు ఇది సీక్వెల్‍గా తెరకెక్కుతోంది.