Skanda OTT Release date: స్కంద ఓటీటీ స్ట్రీమింగ్ డేట్ ఇదే.. అధికారిక ప్రకటన వచ్చేసింది

Skanda OTT Release date: రామ్ పోతినేని హీరోగా నటించిన హైవోల్టేజ్ యాక్షన్ మూవీ స్కంద ఓటీటీలో స్ట్రీమింగ్‍కు వచ్చేందుకు రెడీ అయింది. ఈ సినిమా ఓటీటీ రిలీజ్ గురించిన అధికారిక ప్రకటన వచ్చేసింది. యాక్షన్ చిత్రాలకు మారుపేరైనా బోయపాటి శ్రీను ఈ సినిమాకు దర్శకత్వం వహించారు. సెప్టెంబర్ 28వ తేదీన థియేటర్లలో రిలీజ్ అయిన స్కంద సినిమా అనుకున్న స్థాయిలో కలెక్షన్లను రాబట్టలేకపోయింది. విజయాన్ని దక్కించుకోలేకపోయింది. ఇప్పుడు స్కంద మూవీ ఓటీటీలోకి వస్తోంది. ఈ సినిమా స్ట్రీమింగ్ డేట్‍ను డిస్నీ+ హాట్‍స్టార్ నేడు అధికారికంగా వెల్లడించింది.

స్కంద చిత్రం ఓటీటీ స్ట్రీమింగ్ డేట్‍ గురించి అధికారిక ప్రకటన వచ్చింది. స్కంద మూవీ నవంబర్ 2వ తేదీన డిస్నీ+ హాట్‍స్టార్ ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ విషయాన్ని ఆ ప్లాట్‍ఫామ్ నేడు (అక్టోబర్ 27) అధికారికంగా ప్రకటించింది. “యాక్షన్ అడ్వెంచర్‌లోకి తీసుకెళ్లేందుకు స్కంద వచ్చేస్తోంది. నవంబర్ 2వ తేదీ నుంచి ర్యాపో ర్యాంపేజ్ హాట్‍స్టార్‌లో స్ట్రీమింగ్ అవుతుంది” అని సోషల్ మీడియాలో పోస్ట్ చేసింది డిస్నీ+హాట్‍స్టార్.

స్కంద సినిమా అక్టోబర్ 27న డిస్నీ+ హాట్‍స్టార్ ఓటీటీలోకి వస్తుందని ముందుగా సమాచారం వచ్చింది. అయితే, ఆ ప్లాట్‍ఫామ్ మాత్రం ఆలస్యం చేసింది. నవంబర్ 2వ తేదీన స్కంద చిత్రాన్ని స్ట్రీమింగ్‍కు తీసుకురానున్నట్టు ఖరారు చేసింది.

స్కంద సినిమాలో రామ్ పోతినేని యాక్షన్ అభిమానులను విపరీతంగా ఆకట్టుకుంది. బోయపాటి శ్రీను తన స్టైల్‍లోనే ఈ చిత్రాన్ని తెరకెక్కించారు. అయితే, కథనం, ఈ మూవీని తెరకెక్కించిన విధానంపై మిశ్రమ స్పందన వచ్చింది. దీంతో ఆశించిన స్థాయిలో థియేటర్లలో కలెక్షన్లను దక్కించుకోలేకపోయింది స్కంద. భారీ అంచనాల మధ్య వచ్చి కాస్త పరాజయాన్ని మూటగట్టుకుంది.

స్కంద సినిమాలో రామ్ పోతినేని సరసన శ్రీలీల హీరోయిన్‍గా నటించారు. రామ్, శ్రీలీల డ్యాన్సులు ఈ చిత్రంలో అదిరిపోయాయయి. సాయి మంజ్రేకర్, శ్రీకాంత్, శరత్, అజయ్ పుర్కర్, దగ్గుబాటి రాజా, ప్రిన్స్ సెసిల్ ఈ సినిమాలో కీరోల్స్ చేశారు. థమన్ ఈ చిత్రానికి సంగీతం అందించారు. శ్రీనివాస సిల్వర్ స్క్రీన్స్, జీ స్టూడియోస్ సంయుక్తంగా స్కంద సినిమాను నిర్మించాయి.