Shilpa Shetty Raj Kundra: భర్తతో శిల్పాశెట్టి విడాకులు? - రాజ్ కుంద్రా ట్వీట్ వైర‌ల్‌

Shilpa Shetty Raj Kundra: బాలీవుడ్ న‌టి శిల్పాశెట్టి భ‌ర్త నుంచి విడాకులు తీసుకున్న‌ట్లు హిందీ సినీ వ‌ర్గాల్లో పుకార్లు షికారు చేస్తున్నాయి. శిల్పాశెట్టి భ‌ర్త రాజ్ కుంద్రా ఆర్ధ‌రాత్రి చేసిన ఓ ట్వీట్ చ‌ర్చ‌నీయాంశంగా మారింది. మేము విడిపోయాం. క‌ఠిన స‌మ‌యాన్ని దాటుకుంటూ జీవితంలో ముంద‌డుగు వేయ‌డానికి మాకు కొంత స‌మ‌యం కావాలి అంటూ రాజ్ కుంద్రా ట్వీట్ చేశారు.

బ్రేకింగ్ హార్ట్‌ ఎమోజీని త‌న ట్వీట్‌కు జోడించారు. అత‌డి ట్వీట్ సోష‌ల్ మీడియాలో వైర‌ల్‌గా మారింది. శిల్పాశెట్టి నుంచి అత‌డు విడాకులు తీసుకున్న‌ట్లు కొంద‌రు చెబుతున్నారు. మ‌రికొంద‌రు నెటిజ‌న్లు మాత్రం విడాకుల వార్త అబ‌ద్ధ‌మంటూ చెబుతోన్నారు.అశ్లీల చిత్రాల కేసులో రాజ్ కుంద్రా అరెస్ట్ అయిన స‌మ‌యంలో భ‌ర్త‌కు శిల్పాశెట్టి స‌పోర్ట్‌గా నిలిచింది. రాజ్ కుంద్రా న‌టుడిగా అరంగేట్రం చేస్తోన్న యూటీ69 ప్ర‌మోష‌న్స్‌లో పాల్గొన్న‌ది.

ఈ నేప‌థ్యంలో విడాకుల వార్త అవాస్త‌వ‌మంటూ చెబుతోన్నారు. న‌వంబ‌ర్ 3న‌ యూటీ 69 సినిమా ప్రేక్ష‌కుల‌ ముందుకు రానుంది. ఈ సినిమాకు ప్ర‌మోష‌న్ క‌ల్పించ‌డానికే రాజ్ కుంద్రా ఈ ట్వీట్ చేసిన‌ట్లు చెబుతోన్నారు. అశ్లీల చిత్రాల కేసులో అరెస్టైన త‌ర్వాత ముఖంపై మాస్క్ లేకుండా మొద‌టిసారి యూటీ69 ట్రైల‌ర్ లాంఛ్ ఈవెంట్‌లో క‌నిపించారు రాజ్ కుంద్రా.

ఇన్నాళ్లు త‌న వెంట ఉన్న మాస్క్‌ను ప‌క్క‌న‌పెట్టినందుకు రాజ్ కుంద్రా ఈ ట్వీట్ చేసిన‌ట్లు చెబుతోన్నారు యూటీ69 ట్రైల‌ర్ గురువారం రిలీజైంది. రాజ్ కుంద్రా అరెస్ట్ అయిన స‌మ‌యంలో వ‌చ్చిన బ్రేకింగ్ న్యూస్‌ల‌తో ఈ ట్రైల‌ర్ ప్రారంభ‌మైంది.

రిమాండ్ ఖైదీగా జైలులో అత‌డు ఎదుర్కొన్న క‌ఠిన ప‌రిస్థితుల‌ను ఈ ట్రైల‌ర్‌లో చూపించారు. యూటీ69 సినిమాకు రాజ్ కుంద్రా క‌థ‌ను అందించాడు. ష‌న్వాజ్ అలీ ద‌ర్శ‌క‌త్వం వ‌హించాడు. అశ్లీల చిత్రాల కేసులో దాదాపు రెండు పాటు జైలుశిక్ష‌ను అనుభ‌వించాడు రాజ్ కుంద్రా.