Samantha Counter to Chittibabu: నిర్మాతకు ఇచ్చిపడేసిన సమంత.. "చెవిలో వెంట్రుకలతో నువ్వూ.."అంటూ సాలిడ్ కౌంటర్..!

Samantha Counter to Chittibabu: టాలీవుడ్ స్టార్ హీరోయిన్ సమంత రూత్ ప్రభు ఇప్పుడు సోలో కథానాయికగా వరుస పెట్టి సినిమాలు చేస్తూ దూసుకెళ్తోంది. గతేడాది యశోధ లాంటి సూపర్ హిట్ అందుకున్న ఈ ముద్దుగుమ్మ ఇటీవలే శాకుంతలం(Shakuntalam) సినిమాతో సందడి చేసింది. గుణశేఖర్ దర్శకత్వం వహించిన ఈ మూవీ అనుకున్న స్థాయిలో ఆకట్టుకోలేదు. బాక్సాఫీస్ వద్ద వసూళ్లు కూడా బాగా తగ్గాయి. ఈ చిత్రంలో సామ్ యాక్టింగ్‌పై కూడా విమర్శలు తలెత్తుతున్నాయి. ఇటీవలే ఈ విషయంపై టాలీవుడ్ ప్రముఖ నిర్మాత చిట్టిబాబు స్పందించారు. స్టార్ హీరోయిన్‌గా సమంత(Samantha Ruth Prabhu) కెరీర్ ముగిసిపోయిందని షాకింగ్ కామెంట్స్ చేశారు.

ఓ యూట్యూబ్ ఛానల్ నిర్వహించిన ఇంటర్వ్యూలో మాట్లాడిన చిట్టిబాబు(Chittibabu).. సామ్‌పై సంచలన వ్యాఖ్యలు చేశారు. సమంతకు ముసలి ముఖం వచ్చిందని, ఆమె శకుంతల పాత్రకు ఎలా సూటవుతుందని ప్రశ్నించారు. అంతేకాకుండా జబ్బు లేకపోయినా.. ఉన్నట్లుగా నాటకాలు చేస్తుందని, సింపతితో ప్రేక్షకులు థియేటర్లకు వస్తారని అనుకుంటోని విమర్శించారు. ఆమె ఎప్పటికప్పుడు తన అనారోగ్యం గురించి ఎక్కువగా చెప్పుకోవడానికి ఆసక్తి చూపిస్తుందని చిట్టిబాబు ఘాటు వ్యాఖ్యలు చేశారు.

అంతటితో ఆగకుండా శాకుంతలం మూవీ రిజల్ట్‌పై ఆయన మాట్లాడారు. శకుంతల పాత్రకు సమంత సరిపోదని తెలిపారు. ఆమె చెప్పినట్లుగానే సామ్ పాత్ర బాగోలేదని, అందుకే ప్లాఫ్ అవుతుందని అన్నారు. అంతేకాకుండా సినిమా ప్రమోషన్లలో చీప్ ట్రిక్స్ ప్లే చేస్తోందని మండిపడ్డారు.

చిట్టిబాబు చేసిన వ్యాఖ్యలపై సామ్ గట్టి కౌంటర్ ఇచ్చారు. చెవిలో జుట్టు పెరగడం గురించి మాట్లాడుతూ పరోక్షంగా ఆయనకు చురకంటించారు. జనాలకు చెవుల్లో నుంచి జుట్టు ఎందుకు బయటకు వస్తుందంటూ గూగుల్‍‌లో సెర్చ్ చేసిన సామ్.. టెస్టోస్టిరాన్ హార్మన్ ఎక్కువగా ఉండటం వల్ల అలా వస్తుందని పేర్కొన్నారు. ఇందుకు సంబంధించిన స్క్రీన్ షాట్‌ను కూడా షేర్ చేశారు. ఈ పోస్టుకు ఇవ్ యూ నో యు నో (ఒకవేళ మీరు తెలుసుకోకపోతే తెలుసుకోండి) అంటూ కామెంట్ పెట్టింది. అయితే ఈ ఇన్‌స్టాగ్రామ్ పోస్టును సామ్ ఎక్కువగా తన ప్రొఫైల్‌లో ఉంచలేదు. వెంటనే డిలీట్ చేసినట్లు తెలుస్తోంది.

సామ్ పోస్టుపై నెటిజన్లు కూడా విశేషంగా స్పందిస్తున్నారు. తనపై కామెంట్ చేసిన వ్యక్తిగి అదిరిపోయే కౌంటర్ ఇచ్చిందంటూ స్పందనను తెలియజేస్తున్నారు. ప్రస్తుతం సమంత సిటెడల్ ఇండియన్ వెర్షన్‌లో నటిస్తోంది. దీంతో పాటు విజయ్ దేవరకొండతో ఖుషీ అనే లవ్ స్టోరీ కూడా చేస్తోంది.