Skanda Day 3 Collection: స్కంద 3 డేస్ కలెక్షన్స్.. వసూళ్లు డౌన్.. ఎన్ని కోట్లు వచ్చాయంటే?

Skanda 3 Days Collection: రామ్ పోతినేని హీరోగా, డాన్సింగ్ క్వీన్ శ్రీలీల, మేజర్ బ్యూటి సాయి మంజ్రేకర్ హీరోయిన్లుగా తెరకెక్కిన సినిమా స్కంద. దీన్ని హై ఓల్టేజ్ యాక్షన్స్ తో సుమారు రూ. 50 కోట్ల బడ్జెట్‌లో బోయపాటి శ్రీను తెరకెక్కించారు. ప్రోడ్యూసర్ శ్రీనివాస చిట్టూరి నిర్మాతగా వ్యవహరించారు. ఎస్ఎస్ తమన్ సంగీతం అందించారు.

3వ రోజు వసూళ్లు

స్కంద సినిమాకు తెలుగు రాష్ట్రాల్లో మూడో రోజు కూడా కలెక్షన్స్ పర్వాలేదనిపించాయి. ఏరియాల వారీగా చూస్తే.. నైజాంలో రూ. 1.57 కోట్లు, సీడెడ్‌లో రూ. 48 లక్షలు, ఉత్తరాంధ్రలో రూ. 37 లక్షలు, ఈస్ట్ గోదావరిలో రూ. 23 లక్షలు, వెస్ట్ గోదావరిలో రూ. 15 లక్షలు, గుంటూరులో రూ. 23 లక్షలు, కృష్ణాలో రూ. 14 లక్షలు, నెల్లూరులో రూ. 10 లక్షలు వసూళ్లు వచ్చాయి. దీంతో స్కందకు రూ. 3.27 కోట్ల షేర్, రూ. 5.55 కోట్ల గ్రాస్ వచ్చింది. అంటే వీకెండ్ అయినప్పటికీ ఫస్ట్ రెండు రోజులతో పోలిస్తే మూడో రోజు కలెక్షన్స్ తగ్గాయి.

3 డేస్ కలెక్షన్స్

స్కంద మూవీకి తెలుగు రాష్ట్రాల్లో 3 రోజులకు కలిపి నైజాంలో రూ. 6.32 కోట్లు, సీడెడ్‌లో రూ. 2.25 కోట్లు, ఉత్తరాంధ్రలో రూ. 1.97 కోట్లు, ఈస్ట్ గోదావరిలో రూ. 1.09 కోట్లు, వెస్ట్ గోదావరిలో రూ. 73 లక్షలు, గుంటూరులో రూ. 1.56 కోట్లు, కృష్ణాలో రూ. 75 లక్షలు, నెల్లూరులో రూ. 72 లక్షల వసూళ్లు నమోదు అయ్యాయి. దీంతో మొత్తంగా స్కంద చిత్రం రూ. 15.39 కోట్ల షేర్, రూ. 24.95 కోట్ల గ్రాస్ కలెక్షన్స్ రాబట్టింది.

ప్రపంచవ్యాప్తంగా

స్కంద ది అటాకర్ సినిమాకు 3 రోజుల్లో కర్ణాటక ప్లస్ రెస్టాఫ్ ఇండియాలో రూ. 1.55 కోట్లు, ఓవర్సీస్‌లో రూ. 1.44 కోట్లు వచ్చాయి. ఇలా స్కంద సినిమాకు 3 రోజుల్లో వరల్డ్ వైడ్‌గా రూ. 18.38 కోట్ల షేర్, రూ. 31.05 కోట్ల గ్రాస్ కలెక్షన్స్ వసూలు అయ్యాయి. ఇక రూ. 47 కోట్ల బ్రేక్ ఈవెన్ టార్గెట్‌ను పూర్తి చేసేందుకు స్కందకు ఇంకా రూ. 28.62 కోట్ల షేర్ రావాలి. అప్పుడే హిట్ అయినట్లు.

హాలీడేకు పెరుగుతాయా?

ఇదిలా ఉంటే ఇతర దేశాల్లో స్కంద సినిమా జోరు చూపిస్తోంది. యూఎస్ఏలో స్కంద సినిమాకు 250K డాలర్ల మార్క్ చేరుకుంది. అంటే రూ. 10.5 కోట్ల రేంజ్ షేర్ కలెక్షన్స్ సాధించింది. ఇంకా అక్కడ కలెక్షన్ల పరంపర కొనసాగుతోంది. కానీ, తెలుగులో మాత్రం వసూళ్లు తగ్గుతూ వస్తున్నాయి. మరి హాలీడే అయిన సండే కలెక్షన్స్ ఏమైనా పెరుగుతాయో చూడాలి.