Priyanka and Nick: రెడ్ డ్రెస్‌లో ప్రియాంక.. నిక్ ఫిదా.. ఏమన్నాడంటే?

బాలీవుడ్ నటి ప్రియాంక చోప్రా ఇటీవలే తన 40వ పుట్టిన రోజును జరుపుకున్న సంగతి తెలిసిందే. ఈ సందర్భంగా ఆమె భర్త తన బర్త్ డే సెలబ్రేషన్స్‌ను అత్యంత ఘనంగా నిర్వహించాడు. అంతేకాకుండా వీలు చిక్కినప్పుడల్లా ఇద్దరూ కలిసి ఉన్న ఫొటోలను సోషల్ మీడియా వేదికగా షేర్ చేస్తున్నాడు. తాజాగా మరోసారి ప్రియాంకాతో కలిసి దిగిన ఫొటోను పంచుకున్నాడు నిక్. ఈ ఫొటో ప్రస్తుతం సోషల్ మీడియాను షేక్ చేస్తూ.. పర్ఫెక్ట్ జోడీగా కనిపించిన ఫొటోలో ఇద్దరూ ఆకట్టుకున్నారు.

నిక్ జోనాస్ తన ఇన్‌స్టాగ్రామ్ వేదికగా ఈ చిత్రాన్ని షేర్ చేశాడు. "లేడీ ఇన్ రెడ్" అంటూ క్యాప్షన్‌ను ఈ చిత్రానికి జోడించాడు. పుట్టిన రోజు వేడుకల సందర్భంగా ప్రియాంకా ఈ ఎరుపు రంగు దుస్తుల్లో మెరిసింది. పూర్తి రెడ్ కలర్‌లో డ్రెస్‌కు మధ్యలో కట్స్ ఉండటం వల్ల ఆమె లో అందాలు బయటకు కనిపిస్తున్నాయి. ఈ ఫొటోను చూసిన వారు ప్రియాంక సౌందర్యాన్ని, పరువాలను పొగడ కుండా ఉండలేరు. అంతగా ఆకట్టుకుంటోంది ఈ ముద్దుగుమ్మ.

ప్రియాంక 40వ పుట్టిన రోజు(జులై 18) వేడుకలు ఇటీవలే జరిగాయి. ఈ సందర్భంగా కుటుంబంతో కలిసి సరదాగా గడిపింది ఈ బాలీవుడ్ బ్యూటీ. నిక్ షేర్ చేసిన ఫొటోలో అతడు క్యాజువల్ ప్రింటెడ్ ఔట్ ఫిట్‌తో మెరిశాడు. నెటిజన్లు కూడా వీరి జోడీని చూసి విశేషంగా స్పందిస్తున్నారు. పర్ఫెక్ట్ పిక్చర్ అంటూ కామెంట్లు చేస్తున్నారు.

ఈ బర్త్ డే సెలబ్రేషన్స్‌లో ప్రియాంక తల్లి మధు చోప్రా, మేనేజర్ అంజులా అచారియా, ఆమె కజిన్ పరిణితి చోప్రా హాజరయ్యారు. ఈ ఏడాది జనవరిలో ప్రియాంక, నిక్ ఓ పండండి ఆడబిడ్డకు జన్మనిచ్చారు. సరోగసి ద్వారా కూతురును తమ జీవితంలోకి ఆహ్వానించారు.