Prabhas | ప్రభాస్ వాలెంటైన్స్ డే గిఫ్ట్ ... ‘రాధేశ్యామ్’ వీడియో గ్లింప్స్ విడుదల

అభిమానులకు వాలెంటైన్స్ డే గిఫ్ట్ ను అందించారు ప్ర‌భాస్‌. సోమవారం ‘రాధేశ్యామ్’ వీడియో గ్లింప్స్ ను విడుదల చేశారు.  ప్రభాస్, పూజాహెగ్డే మధ్యనున్న ప్రేమను ఆవిష్కరిస్తూ ఈ వీడియో గ్లింప్స్ ఆసక్తికరంగా సాగింది. ‘మళ్లీ లైఫ్ లో వాడి ముఖం చూడను’ అంటూ పూజాహెగ్డే చెప్పే డైలాగ్ తో వీడియో గ్లింప్స్ మొదలైంది. ‘మన హాస్పిటల్ లో... మన పేషెంట్స్ ముందు ముద్దు పెడతానండాటా’ అంటూ పూజా హెగ్డే చెప్పడం ఆకట్టుకుంటోంది. ఈ వీడియో గ్లింప్స్ లో పూజాహెగ్డే కు తన ప్రేమను వ్యక్తం చేస్తూ ప్రభాస్ కనిపించారు. ఇందులో ‘కుక్ చేస్తావు, బాగా మాట్లాడుతావు. ఇంత మంచి అబ్బాయికి ఇంకా పెళ్లెందుకు కాలేదు’ అని పూజాహెగ్డే తనను అడిగిన ప్రశ్నకు ప్రభాస్ తడబడటం హైలైట్ నిలుస్తోంది. ఇటలీ అందాలను చూపిస్తూ సాగిన ఈ వీడియో గ్లింప్స్ ప్రభాస్ అభిమానులను ఆకట్టుకుంటోంది. వింటేజ్ లవ్ స్టోరీగా దర్శకుడు రాధాకృష్ణ కుమార్ ఈ సినిమాను తెరకెక్కిస్తున్నారు. మార్చి 11న  ఈ సినిమా విడుదలకానుంది. ఇందులో విక్ర‌మాదిత్య గా ప్ర‌భాస్‌, ప్రేర‌ణ‌గా పూజాహెగ్డే  క‌నిపించ‌బోతున్నారు. ప్రేమ‌కు, విధికి మ‌ధ్య సంఘ‌ర్ష‌ణ‌తో తెర‌కెక్కుతున్న ఈ చిత్రంలో ప్ర‌భాస్ హ‌స్త సాముద్రికుడి పాత్ర‌ను పోషిస్తోన్న‌ట్లు వార్త‌లు వినిపిస్తున్నాయి. తొలుత సంక్రాంతికి ఈ సినిమాను విడుద‌ల‌చేయాల‌ని భావించారు. కానీ క‌రోనా థ‌ర్డ్ వేవ్ కార‌ణంగా మార్చి 11 కు వాయిదా ప‌డింది. తెలుగు, తమిళం, కన్నడ, మలయాళంలో పాటు హిందీలో ఈ సినిమాను ఒకేసారి విడుదలచేయబోతున్నారు. దక్షిణాది భాషలకు జస్టిన్ ప్రభాకరన్ సంగీతాన్ని సమకూర్చగా బాలీవుడ్ లో మిథున్, అను మాలిక్, మనన్ భరద్వాజ్ స్వరకర్తలుగా వ్యవహరించారు. యూవీ క్రియేష‌న్స్‌, గోపీకృష్ణ మూవీస్ ప‌తాకాల‌పై వంశీ, ప్ర‌మోద్‌, ప్ర‌సీద నిర్మిస్తున్నారు.