Pathaan Box Office Collections : కలెక్షన్స్​లో కేజీఎఫ్ 2 రికార్డును బ్రేక్ చేయనున్న పఠాన్

పఠాన్ సినిమా(Pathaan Movie) బాక్సాఫీస్ వద్ద దూసుకెళ్తోంది. ఈ సినిమా కేవలం రెండు రోజుల్లోనే 123 కోట్ల రూపాయలు వసూలు చేసింది. బాక్సాఫీస్ వద్ద అత్యధిక వసూళ్లు రాబట్టిన సినిమాగా నిలిచింది. షారుక్ సినిమా ఇలా రికార్డులు బద్దలు కొడుతోంది. మొదటి, రెండో రోజు కలెక్షన్ల పరంగా ఈ చిత్రం 'KGF చాప్టర్ 2' హిందీ వెర్షన్ రికార్డును బద్దలు కొట్టింది. ఇప్పుడు ఫస్ట్ వీకెండ్ కలెక్షన్స్ లోనూ పఠాన్ 'కేజీఎఫ్ 2' (హిందీ) రికార్డును బద్దలు కొట్టే సూచనలు కనిపిస్తున్నాయి.

కేజీఎఫ్ 2 చిత్రం ఏప్రిల్ 14న విడుదలైంది. ఈ సినిమా హిందీ వెర్షన్ మెుదటి నాలుగు రోజుల్లో రూ.190 కోట్లు రాబట్టింది. 'పఠాన్' చిత్రం రెండో రోజు 123 కోట్లు రాబట్టింది. జనవరి 27న ఈ సినిమా రూ.30 కోట్లు వసూలు చేసింది. దీంతో ఈ సినిమా కలెక్షన్ 150 కోట్ల రూపాయలను దాటేసింది. జనవరి 28, జనవరి 29తో ఓవరాల్ కలెక్షన్ మొదటి వారాంతంలో రూ.250 కోట్లు దాటే అవకాశం ఉంది. దీని ద్వారా హిందీలో 'కేజీఎఫ్ 2' రికార్డును 'పఠాన్' బ్రేక్ చేయనుంది.

'జీరో' సినిమా పరాజయం తర్వాత షారుక్‌ నాలుగేళ్ల విరామం తీసుకున్నాడు. ఇప్పుడు కమ్ బ్యాక్ ఇచ్చాడు. సిద్ధార్థ్ ఆనంద్ దర్శకత్వం వహించిన ఈ సినిమా వసూళ్లలోనూ దూసుకెళ్తోంది. మరోవైపు షారుక్ ఖాన్ మరో రెండు సినిమాల్లో నటిస్తున్నాడు. జవాన్ చిత్రానికి అట్లీ దర్శకత్వం వహిస్తున్నాడు. ఈ సినిమా షూటింగ్ నడుస్తోంది. రాజ్‌కుమార్ హిరానీ 'డంకీ' షూటింగ్ కూడా శరవేగంగా జరుగుతోంది. ఈ రెండు సినిమాలు ఈ ఏడాదిలోనే విడుదల కానున్నాయి.

వచ్చే వారాంతంలోనూ పఠాన్ సినిమా కలెక్షన్లు పెరిగే అవకాశం ఉందని అంచనా వేస్తున్నారు. మొదటి మూడు రోజుల్లో ఇంత బలమైన గణాంకాలు ఉన్నాయి. ఆదివారం చివరి నాటికి రూ. 250 కోట్ల నికర వసూలు చేయవచ్చని ట్రేడ్ నిపుణులు అంటున్నారు. పఠాన్ అలా వసూళ్లు చేస్తే.. అది హిందీ సినిమా బాక్సాఫీస్‌కు మైలురాయి అవుతుంది.

బాలీవుడ్ హంగామా ప్రకారం.., యష్ నటించిన KGF 2 (హిందీ వెర్షన్) ఆకట్టుకునే కలెక్షన్లు ఉన్నాయి. వారాంతంలో రూ.190 కోట్లను రాబట్టగలిగింది. సల్మాన్ ఖాన్ నటించిన సుల్తాన్ ఓపెనింగ్ వీకెండ్ రూ. 180.36 కోట్లు, ఆ తర్వాత సిద్ధార్థ్ ఆనంద్ మునుపటి చిత్రం వార్ రూ.166.25 కోట్లు రాబట్టగలిగింది. ఇప్పుటు పఠాన్ మెుదటి వీకెండ్.. వసూళ్ల సునామీ సృష్టిస్తోంది.