OTT Thriller Web Series: తెలుగులోనూ ఓటీటీలోకి వస్తున్న తమిళ థ్రిల్లర్ వెబ్ సిరీస్.. స్ట్రీమింగ్ డేట్ ఇదే

OTT Thriller Web Series: ఓటీటీలోకి మరో తమిళ థ్రిల్లర్ వెబ్ సిరీస్ వచ్చేస్తోంది. ఇది తమిళంతోపాటు తెలుగు, హిందీ, కన్నడ, మలయాళం భాషల్లోనూ స్ట్రీమింగ్ కానుంది. ఈ సిరీస్ పేరు స్నేక్స్ అండ్ ల్యాడర్స్. ఈ ఏడాది మార్చిలో ప్రైమ్ వీడియో ఈ సిరీస్ ను అనౌన్స్ చేయగా.. తాజాగా స్ట్రీమింగ్ డేట్ ను అనౌన్స్ చేశారు.

స్నేక్స్ అండ్ ల్యాడర్స్ వెబ్ సిరీస్

స్నేక్స్ అండ్ ల్యాడర్స్ గేమ్ తెలుసు కదా. ఇప్పుడిదే పేరుతో తమిళంలో ఓ వెబ్ సిరీస్ రాబోతోంది. అమెజాన్ ప్రైమ్ వీడియోలో రానున్న ఈ సిరీస్ అక్టోబర్ 18 నుంచి స్ట్రీమింగ్ కానుంది. ప్రముఖ డైరెక్టర్ కార్తీక్ సుబ్బరాజ్ ప్రొడ్యూసర్ గా వ్యవహరిస్తున్న ఈ సిరీస్ తమిళంతోపాటు మరో నాలుగు భాషల్లోనూ స్ట్రీమింగ్ చేయనున్నట్లు ప్రైమ్ వీడియో వెల్లడించింది.

ఊహించని ట్విస్టులతో ఓ సస్పెన్స్ థ్రిల్లర్ గా ఈ వెబ్ సిరీస్ తెరకెక్కింది. ఈ ఏడాది మార్చిలో ప్రైమ్ వీడియో ఈ సిరీస్ అనౌన్స్ చేయగా.. మరో పది రోజుల్లో ఓటీటీలోకి అడుగు పెట్టనుంది. ఈ వెబ్ సిరీస్ కు భరత్ మురళీధరన్, అశోక్ వీరప్పన్, కమలా అల్కెమిస్ డైరెక్ట్ చేస్తున్నారు.

స్నేక్స్ అండ్ ల్యాడర్స్ స్టోరీ ఇదీ..

నలుగురు డేరింగ్ పిల్లల చుట్టూ తిరిగే స్టోరీ ఇది. ఓ ప్రమాదాన్ని దాచి పెట్టడానికి వారు చేసిన ప్రయత్నం మరింత ప్రమాదంలోకి నెట్టేస్తుంది. పోలీసులు, దొంగలు వారి వెంట పడతారు. వాళ్ల నుంచి ఈ నలుగురు పిల్లలు ఎలా తప్పించుకుంటారు? చివరికి వాళ్ల జీవితాలు ఎలాంటి మలుపులు తిరుగుతాయి? అన్నది ఈ స్నేక్స్ అండ్ ల్యాడర్స్ వెబ్ సిరీస్ లో చూడొచ్చు.

ఈ వెబ్ సిరీస్ లో నవీన్ చంద్ర, ముత్తు కుమార్, నందా, శ్రిందా, మనోజ్ భారతీరాజాలాంటి వాళ్లు నటించారు. ఇప్పటికే ఇన్‌స్పెక్టర్ రిషి వెబ్ సిరీస్ తో ప్రైమ్ వీడియోతో జతకట్టిన నవీన్ చంద్ర ఇప్పుడు మరో సస్పెన్స్ థ్రిల్లర్ వెబ్ సిరీస్ స్నేక్స్ అండ్ ల్యాడర్స్ తో రాబోతున్నాడు. ఇన్‌స్పెక్టర్ రిషి వెబ్ సిరీస్ ప్రైమ్ వీడియోలో అందుబాటులో ఉంది.