OTT Horror Movie: మూడు నెలల తర్వాత ఓటీటీలోకి ఫ్రీగా వచ్చిన హిట్ హారర్ మూవీ.. బాక్సాఫీస్ దగ్గర రూ.2200 కోట్లు

OTT Horror Movie: ఓటీటీల్లోని హారర్ మూవీస్ జాబితాలోకి ఇప్పుడు మరో సినిమా వచ్చి చేరింది. హాలీవుడ్ లో ఈ ఏడాది రిలీజై బ్లాక్ బస్టర్ హిట్ అయిన ఎ క్వైట్ ప్లేస్: డే వన్ మూవీ ఇప్పుడు ఓటీటీలో స్ట్రీమింగ్ అవుతోంది. నిజానికి మూడు నెలల కిందటే రెంట్ విధానంలో ఈ సినిమా అందుబాటులోకి వచ్చినా.. ఇప్పుడు పూర్తి స్థాయిలో సబ్‌స్కైబర్లందరూ ఫ్రీగా చూడొచ్చు.

ఎ క్వైట్ ప్లేస్: డే వన్ ఓటీటీ స్ట్రీమింగ్

ఎ క్వైట్ ప్లేస్: డే వన్ మూవీ శుక్రవారం (నవంబర్ 22) నుంచి ప్రైమ్ వీడియో ఓటీటీలోకి ఫ్రీగా వచ్చేసింది. ఇదే ఓటీటీలో మూడు నెలలుగా ఈ మూవీ రెంట్ విధానంలో అందుబాటులో ఉంది. మైఖేల్ సర్నోస్కీ డైరెక్ట్ చేసిన ఈ సినిమాలో లుపిటా న్యోంగ్ నటించింది. ఎ క్వైట్ ప్లేస్: డే వన్ గతంలో వచ్చిన ఎ క్వైట్ ప్లేస్ మూవీకి సీక్వెల్. న్యూయార్క్ సిటీపై ఏలియన్స్ దాడి చేసిన తర్వాత ఏం జరగిందన్నది ఈ మూవీలో చూడొచ్చు.

ఎ క్వైట్ ప్లేస్: డే వన్ మూవీ స్టోరీ ఇదీ..

హారర్ మూవీ ఎ క్వైట్ ప్లేస్: డే వన్ గతంలో వచ్చిన ఎ క్వైట్ ప్లేస్ కు కొనసాగింపు. ఆ సినిమాలో సౌండ్ వస్తే చంపేసే వింత జీవులు భూమిపై దాడి చేయడం చూశాం. అయితే అసలు ఆ జీవులు ఎలా వచ్చాయి? తొలి రోజు ఏం జరిగింది అన్నది ఈ సీక్వెల్ లో చూడొచ్చు.

ఇందులో సమీరా పాత్రలో లుపిటా న్యోంగ్ నటించింది. బతకాలంటే అసలు శబ్దం చేయకుండా ఉండటం ఒక్కటే మార్గం అనే పరిస్థితుల్లో ఏం జరిగిందన్నది అన్నది ఈ సినిమాలో చూడొచ్చు.

ఈ హారర్ మూవీని సుమారు రూ.560 కోట్ల బడ్జెట్ తో తెరకెక్కగా.. రూ.2200 కోట్ల వరకూ వసూలు చేసింది. పాజిటివ్ రివ్యూలు రావడంతో బాక్సాఫీస్ దగ్గర కూడా సక్సెస్ సాధించింది.

మరో హాలీవుడ్ హారర్ మూవీ ఏలియెన్: రొములస్ సినిమా కూడా గురువారం (నవంబర్ 21) నుంచి డిస్నీ ప్లస్ హాట్‌స్టార్ లో స్ట్రీమింగ్ అవుతున్న విషయం తెలిసిందే. ఈ సినిమా ఇంగ్లిష్ తోపాటు తెలుగు, హిందీ, తమిళం భాషల్లోనూ అందుబాటులోకి వచ్చింది.