OG Glimpse: గుడ్ న్యూస్.. పవర్ స్టార్ ఓజీ గ్లింప్స్ వచ్చేది ఆ రోజే

OG Glimpse: పవర్ స్టార్ పవన్ కల్యాణ్ ఫ్యాన్స్ కు పండగే. అతని సినిమాలు క్యూ కడుతున్నాయి. ఈ మధ్యే బ్రో మూవీ రిలీజై హిట్ కొట్టగా.. ఇక ఇప్పుడు ఓజీ మూవీ నుంచి కూడా కీలకమైన అప్‌డేట్ వచ్చింది. ఈ సినిమా నుంచి గ్లింప్స్ రాబోతోంది. దీనిని ఓ స్పెషల్ అకేషన్ లో రిలీజ్ చేయాలని మేకర్స్ నిర్ణయించారు. ఆ స్పెషల్ అకేషన్ మరేదో కాదు.. పవర్ స్టార్ పవన్ కల్యాణ్ బర్త్ డే.

పవన్ పుట్టిన రోజు అయిన సెప్టెంబర్ 2న ఓజీ మూవీ నుంచి గ్లింప్స్ లేదా టీజర్ రిలీజ్ చేయడానికి ప్లాన్ చేస్తున్నారు. దె కాల్ హిమ్ ఓజీ (#TheyCallHimOG) అంటూ ఈ గ్లింప్స్ రానుంది. ఇందులో పవన్ ఓజస్ గంభీరాగా నటించనున్నాడు. పవన్ రానున్న సినిమాల్లో ఓజీపైనే ఫ్యాన్స్ ఎక్కువ ఆసక్తి చూపుతున్నారు. హరిహర వీరమల్లు పక్కకెళ్లిపోవడం, ఉస్తాద్ భగత్ సింగ్ మూవీ తెరి రీమేక్ అని తేలడంతో ఓజీ స్పెషల్ అట్రాక్షన్ గా నిలుస్తోంది.

ఓవైపు రాజకీయ కార్యక్రమాల్లో బిజీగా ఉంటూనే మరోవైపు ఈ సినిమాలను షరవేగంగా పూర్తి చేస్తున్నాడు పవన్ కల్యాణ్. ముఖ్యంగా బ్రో సినిమాను ఎంత వేగంగా పూర్తి చేశాడో.. ఓజీని కూడా అలాగే చేస్తున్నాడు. దీని తర్వాత ఉస్తాద్ భగత్ సింగ్ కూడా పూర్తి చేసి ఇక పూర్తిగా రాజకీయాల్లో బిజీ కావాలని చూస్తున్నాడు. సాహో డైరెక్టర్ సుజీత్ ఈ ఓజీ మూవీని డైరెక్ట్ చేస్తున్నాడు.

ఈ ఏడాది డిసెంబర్ లో ఓజీ మూవీ రిలీజ్ కాబోతోంది. ఈ మూవీ నుంచి పవన్ లుక్స్ కు సంబంధించిన ఫొటోలు వైరల్ అయిన విషయం తెలిసిందే. ఇక ఈ మూవీ ఓవర్సీస్ హక్కులు కూడా రికార్డు ధరకు అమ్ముడుపోయినట్లు వార్తలు వచ్చాయి. ఓజీ మూవీలో బాలీవుడ్ నటుడు ఇమ్రాన్ హష్మితోపాటు ప్రకాశ్ రాజ్, శ్రియ రెడ్డి, అర్జున్ దాస్ లాంటి వాళ్లు నటిస్తున్నారు

డీవీవీ ఎంటర్‌టైన్మెంట్స్ బ్యానర్ లో డీవీవీ దానయ్య ఈ సినిమాను నిర్మిస్తున్నాడు. ఇక మ్యూజిక్ తమన్ అందిస్తున్నాడు. ఇప్పటికే వరుసగా మూడు పవన్ సినిమాలకు మ్యూజిక్ అందించిన తమన్.. ఓజీ ఛాన్స్ కూడా కొట్టేశాడు.