Ntr-Prashanth neel |ఎన్టీఆర్, ప్రశాంత్ నీల్ సినిమా ఫస్ట్ లుక్ రిలీజ్...భూమి పుత్రుడి పోరాట కథ ఇది

కేజీఎఫ్ సిరీస్ సినిమాలతో దేశ‌వ్యాప్తంగా ప్రేక్ష‌కుల్ని మెప్పించారు ద‌ర్శ‌కుడు ప్ర‌శాంత్‌నీల్‌. హీరోయిజాన్ని విభిన్నంగా  ఆవిష్క‌రించి కమర్షియల్ సినిమాకు  కొత్త అర్థాన్ని చాటిచెప్పారు . కేజీఎఫ్ త‌ర్వాత అత‌డితో సినిమాలు చేసేందుకు అన్ని భాష‌ల‌కు చెందిన అగ్ర హీరోలు ఆస‌క్తిని ప్ర‌ద‌ర్శిస్తున్నారు. 

సలార్ తో బిజీగా ఉన్న ప్ర‌శాంత్ నీల్ ఈ సినిమా తర్వాత ఎన్టీఆర్ తో ఓ ప్రాజెక్ట్ చేయనున్న సంగతి తెలిసిందే.  ఎన్టీఆర్ హీరోగా న‌టిస్తున్న 31వ సినిమా ఇది. ఎన్టీఆర్ పుట్టిన‌రోజు సంద‌ర్భంగా శుక్రవారం ఈ సినిమాకు సంబంధించిన లుక్ ను విడుదలచేశారు. ఇందులో గడ్డం, పొడవైన మీసకట్టుతో రఫ్ లుక్ లో ఎన్టీఆర్ ఇంటెన్స్ గా కనిపిస్తున్నారు. 

రక్తంతో తడిసిన నేలను ఎక్కువగా గుర్తుపెట్టుకుంటాం... అతడు ఆ భూమి పుత్రుడు.. అక్కడే పెరిగాడు. కానీ అతడి రక్తం మాత్రం అక్కడ చిందలేదు అంటూ ఈ ఫస్ట్ లుక్ పోస్టర్ కు ప్రశాంత్ నీల్ క్యాప్షన్ ను జోడించారు. క్యాప్షన్ తోనే ఎన్టీఆర్ రోల్ పవర్ ఫుల్ గా ఉంటుందని ప్రశాంత్ నీల్ చాటిచెప్పారు. 

ఈ లుక్ కు ఎన్టీఆర్ అభిమానుల నుంచి చక్కటి స్పందన లభిస్తోంది. గత సినిమాలకు పూర్తి భిన్నంగా ఎన్టీఆర్ లుక్ ఉందని చెబుతున్నారు.  సంబంధించిన ఇంట్రెస్టింగ్ అప్‌డేట్‌ను చిత్ర‌యూనిట్ వెల్ల‌డించింది.  మైత్రీ మూవీ మేక‌ర్స్ సంస్థ ఈ చిత్రాన్ని నిర్మిస్తోంది. ప్ర‌స్తుతం ప్ర‌భాస్‌తో స‌లార్ సినిమాను తెర‌కెక్కిస్తున్నారు ప్ర‌శాంత్ నీల్‌. ప్రస్తుతం హైదరాబాద్ లో ఈ సినిమా షూటింగ్ జరుగుతోంది.