Nikhil Siddhartha: సక్సెస్‌ను సెలబ్రేట్ చేసుకున్న కార్తికేయ-2 టీమ్

టాలీవుడ్ యంగ్ హీరో నిఖిల్ సిద్ధార్థ నటించిన తాజా చిత్రం కార్తికేయ-2.ఈ సినిమా 2014లో వచ్చిన కార్తికేయ సినిమాకు సీక్వెల్‌గా తెరకెక్కింది. చందూ మొండేటి దర్శకత్వం వహించిన ఈ చిత్రం శనివారం ప్రేక్షకుల ముందుకు వచ్చి పాజిటివ్ టాక్ తెచ్చుకుంది. అనుపమ పరమేశ్వరన్ హీరోయిన్‌గా నటించిన ఈ చిత్రం మిస్టికల్ థ్రిల్లర్ జోనర్ తెరకెక్కింది. తొలి షో నుంచి మంచి రెస్పాన్స్ అందుకుందీ చిత్రం. దీంతో కార్తికేయ-2 చిత్రబృందం ఈ సక్సెస్‌ను సెలబ్రేట్ చేసుకుంటున్నారు.

హీరో నిఖిల్, డైరెక్టర్ చందూ మొండేటి, నిర్మాత అభిషేక్ అగర్వాల్ తదితరులు ఈ సక్సెస్‌లో భాగమయ్యారు. ప్రేక్షకులు తమ చిత్రాన్ని ఇంత బ్లాక్ బాస్టర్ విజయాన్ని అందించినందుకు వారికి ధన్యవాదాలు తెలిపారు. సినిమా విడుదల వాయిదా పడిన ఘనమైన విజయాన్ని అందించారని స్ఫష్టం చేశారు.

చందూ మొండేటి ఈ సినిమాకు దర్శకత్వం వహించారు. అభిషేక్ అగర్వాల్ ఆర్ట్స్, పీపుల్ మీడియా ఫ్యాక్టరీ పతాకాలపై అభిషేక్ అగర్వాల్, టీజీ విశ్వప్రసాద్ ఈ సినిమాను నిర్మిస్తున్నారు. నిఖిల్ సరసన అనుపమ పరమేశ్వరన్ హీరోయిన్‌గా చేస్తుంది. ఇందులో బాలీవుడ్ నటుడు అనుపమ్ ఖేర్ కూడా కీలక పాత్రలో నటించారు. కాలభైరవ సంగీతాన్ని సమకూరుస్తున్నారు. ఈ సినిమా ప్రపంచ వ్యాప్తంగా ఆగస్టు మొదటి వారంలో ప్రేక్షకుల ముందుకు తీసుకొచ్చేందుకు చిత్రబృందం సన్నాహాలు చేస్తోంది.

హ్యాపీ డేస్ చిత్రంతో తెలుగులో అరంగేట్రం చేసిన నిఖిల్.. అనంతరం వైవిధ్యమైన చిత్రాలు చేస్తూ తనకంటూ ఓ గుర్తింపు తెచ్చుకున్నాడు. ప్రస్తుతం కార్తీకేయ-2 సినిమా సక్సెస్‌ను ఎంజాయ్ చేస్తున్నాడు. ఇది కాకుండా 18 పేజేస్ అనే చిత్రంలో నటిస్తున్నాడు. దీంతో పాటు స్పై అనే టైటిల్‌తో ఓ పాన్ ఇండియా చిత్రానికి శ్రీకారం చుట్టాడు. కెరీర్ పరంగా మంచి సక్సెస్ ట్రాక్‌లో వెళ్తున్నాడీ యంగ్ హీరో.