OTT Horror Movie: ఓటీటీలోకి వణుకుపుట్టించే పిల్ల దెయ్యం హారర్ మూవీ.. స్ట్రీమింగ్ డేట్ ఇదే!

Munjya OTT Release: హారర్ సినిమాలకు ఉండే క్రేజ్ అంతా ఇంతా కాదు. కరెక్ట్‌గా థ్రిల్లింగ్ అండ్ భయపెట్టే సన్నివేశాలతో గ్రిప్పింగ్ స్క్రీన్‌ ప్లేతో తెరకెక్కిస్తే ఇలాంటి సినిమాలకు ప్రేక్షకులు ఫిదా అవుతారు. ఎప్పటికప్పుడు కొత్త కాన్సెప్టుతో హారర్ మూవీస్ వచ్చినప్పటికీ వాటిలో కొన్నిమాత్రమే ఆడియెన్స్‌కు బాగా రీచ్ అవుతున్నాయి.

అలాంటి కోవకు చెందిన సరికొత్త కాన్సెప్ట్ హారర్ అండ్ కామెడీ మూవీనే మంజ్యా. బాలీవుడ్‌లో వచ్చిన ఈ సినిమా హిందీ బాక్సాఫీస్ వద్ద మంచి వసూళ్లు రాబట్టింది. రూ. 30 కోట్ల బడ్జెట్‌తో తెరకెక్కిన ఈ హారర్ కామెడీ చిత్రం మంజ్యా జూన్ 7న విడుదలై దాదాపుగా రూ. 131.57 కోట్ల బాక్సాఫీస్ కలెక్షన్స్ రాబట్టింది.

మంజ్యా సినిమా విడుదలైన రోజే రూ.4 కోట్లు కలెక్ట్ చేసి.. తొలి నాలుగు రోజుల్లో రూ. 23 కోట్లు రాబట్టింది. ఆ తర్వాత కలెక్షన్లలో తగ్గుదల, పెరుగుదల ఉన్నప్పటికీ టోటల్ లాంగ్ రన్‌లో 130 కోట్లకుపైగా కలెక్షన్స్ వసూలు చేసింది. ప్రముఖ నిర్మాణ సంస్థ మడోక్ ఫిల్మ్స్ బ్యానర్‌పై దినేష్ విజన్ సమర్పణలో అమర్ కౌశిక్ ఈ చిత్రాన్ని నిర్మించారు.

ఆదిత్య సర్పోత్‌దార్ దర్శకత్వం వహించిన మంజ్యా సినిమాలో బాలీవుడ్ హాట్ బ్యూటి శర్వారి వాఘ్, అభయ్ వర్మ, మోనా సింగ్, సత్య రాజ్ (బాహుబలి కట్టప్ప) ప్రధాన పాత్రలు పోషించారు. మంజ్యా అంటే ఒక ఉపనయనం. ఇది మరాఠీ భాషకు చెందిన పదం. హిందువులలో మగ పిల్లలకు కౌమార దశ కంటే ముందు అంటే వేదాభ్యాసానికి కంటే ముందు చేసే ఉపనయనాన్ని మరాఠీలో మంజ్యా అంటారు.

ఈ ఉపనయనం మధ్యలో ఆగిపోయి ఓ పిల్లవాడు దెయ్యంగా మారుతాడు. ఆ పిల్ల దెయ్యం చేసే చేష్టలు ఓవైపు నవ్వు తెప్పిస్తూనే.. మరోవైపు వణుకుపుట్టించేల భయ పెడతాయి. ఆ పిల్ల దెయ్యం కూడా కొందరికే కనిపిస్తుంది. సినిమాలో హీరోకు మాత్రమే ఆ పిల్ల దెయ్యం కనిపిస్తుంది. ఈ క్రమంలో వచ్చే కామెడీ, హారర్ సన్నివేశాలు ఎంతో ఆకట్టుకుంటాయి.

ఇలాంటి డిఫరెంట్ కాన్సెప్ట్‌తో వచ్చిన ఈ మంజ్యా సినిమా ఓటీటీలోకి వచ్చేయనుంది. మంజ్యా ఓటీటీ హక్కులను ప్రముఖ డిజిటల్ స్ట్రీమింగ్ ప్లాట్‌ఫామ్ డిస్నీ ప్లస్ హాట్‌స్టార్ మంచి ధరకు సొంతం చేసుకుంది. డిస్నీ ప్లస్ హాట్‌స్టార్ ఆగస్ట్ నెలలో మంజ్యా మూవీ ఓటీటీ స్ట్రీమింగ్ కానుంది. అది కూడా ఆగస్ట్ రెండో వారంలో డిజిటల్ ప్రీమియర్ కానుందని సమాచారం.

ప్రస్తుతం ఉన్న సమాచరం మేరకు డిస్నీ ప్లస్ హాట్‌స్టార్‌లో మంజ్యా ఆగస్ట్ 15న ఓటీటీ రిలీజ్ కానుందని తెలుస్తోంది. హిందీ భాషలోనే స్ట్రీమింగ్‌కు వచ్చే ఈ సినిమా తెలుగులో అందుబాటులో ఉంటుందా లేదా అనేది మాత్రం ఇంకా స్పష్టత రాలేదు. అలాగే మంజ్యా ఓటీటీ రిలీజ్ డేట్‌పై ఇప్పటివరకు ఎలాంటి అధికారిక ప్రకటన రాలేదు.

ఆగస్ట్‌లో ఎప్పుడైనా మంజ్యా ఓటీటీ రిలీజ్ కావొచ్చు. లేదా సెప్టెంబర్ నెలకు పోస్ట్‌పోన్ అయ్యే అవకాశాలు కూడా ఉన్నట్లు బాలీవుడ్ మీడియా వర్గాలు చెబుతున్నాయి. కాకపోతే ఇంకొన్ని రోజుల్లో మంజ్యా ఓటీటీ రిలీజ్ డేట్‌పై మేకర్స్ అధికారిక ప్రకటన ఇచ్చే అవకాశం ఉంది.