Suspense Thriller OTT: ఓటీటీలోకి మ‌ల‌యాళం స‌స్పెన్స్ థ్రిల్ల‌ర్ మూవీ - ప్ర‌తి ప‌ది నిమిషాల‌కు ఓ ట్విస్ట్‌తో థ్రిల్‌

Suspense Thriller OTT: ధ్యాన్ శ్రీనివాస‌న్‌, అప‌ర్ణ దాస్ హీరోహీరోయిన్లుగా న‌టించిన మ‌ల‌యాళం స‌స్పెన్స్ థ్రిల్ల‌ర్ మూవీ సీక్రెట్ ఓటీటీలోకి వ‌స్తోంది మ‌నోర‌మా మాక్స్ ఓటీటీలో న‌వంబ‌ర్ 15 నుంచి ఈ థ్రిల్ల‌ర్ మూవీ స్ట్రీమింగ్ కానున్న‌ట్లు స‌మాచారం. మ‌నోర‌మా మ్యాక్స్‌తో పాటు అమెజాన్ ప్రైమ్‌లో ఈ మూవీ విడుద‌ల‌య్యే అవ‌కాశం ఉన్న‌ట్లు చెబుతోన్నారు.

పాజిటివ్ టాక్‌...

ఈ ఏడాది జూలైలోథియేట‌ర్ల‌లో విడుద‌లైన సీక్రెట్‌ మూవీ పాజిటివ్ టాక్‌ను సొంతం చేసుకున్న‌ది. ఐఎమ్‌డీబీలో ప‌దికిగాను 7.3 రేటింగ్‌ను సొంతం చేసుకున్న‌ది. సీక్రెట్ మూవీకి ఎస్‌.ఎన్ స్వామి ద‌ర్శ‌క‌త్వం వ‌హించాడు. దేవుడు, జాత‌కాల‌పై న‌మ్మ‌కం లేని ఓ వ్య‌క్తి విధిని ఎదురించి ఎలాంటి పోరాటం చేశాడ‌నే అంశాల‌తో స‌స్పెన్స్ థ్రిల్ల‌ర్ జాన‌ర్‌లో సీక్రెట్ మూవీని ద‌ర్శ‌కుడు స్వామి పొందించాడు.

సీక్రెట్ క‌థ ఇదే...

మిథున్, శ్రేయ ప్రేమించుకుంటారు. పెద్ద‌ల అంగీకారంతో పెళ్లి ప్ర‌య‌త్నాల్లో ఉంటారు. వారి పెళ్లి జ‌ర‌గ‌ద‌ని, శ్రేయ తొంద‌ర‌లోనే చ‌నిపోతుంద‌ని ఓ జ్యోతిష్యుడు మిథున్‌తో చెబుతాడు. జాత‌కాల‌పై న‌మ్మ‌కం లేని మిథున్ అత‌డి మాట‌ల్ని కొట్టేప‌డేస్తాడు. జ్యోతిష్యుడు చెప్పిన టైమ్ నుంచే శ్రేయ‌కు వ‌రుస‌గా ప్ర‌మాదాలు జ‌రుగుతుంటాయి. శ్రేయ‌ను మిథున్ కాపాడుకున్నాడా? జ్యోతిష్యుడు చెప్పిందే జ‌రిగిందా? అస‌లు శ్రేయ‌ను చంప‌డానికి ప్ర‌య‌త్నిస్తున్న‌ది ఎవ‌రు? ఈ మిస్ట‌రీని మిథున్ ఎలా సాల్వ్ చేశాడు అన్న‌దే ఈ మూవీ క‌థ‌.

కీల‌క పాత్ర‌లో డైరెక్ట‌ర్లు...

సీక్రెట్ మూవీలో మ‌ల‌యాళ సీనియ‌ర్ డైరెక్ట‌ర్లు రంజిత్‌, రెంజీ ఫ‌ణిక్క‌ర్ కీల‌క పాత్ర‌ల్లో న‌టించారు. మ‌ల‌యాళంలో న‌టుడిగా, డైరెక్ట‌ర్‌గా, స్టోరీ రైట‌ర్‌గా బ‌హుముఖ ప్ర‌జ్ఞాశాలిగా పేరుతెచ్చుకున్నాడు ధ్యాన్ శ్రీనివాస‌న్‌. హీరోగా, క్యారెక్ట‌ర్‌గా మ‌ల‌యాళంలో ఫుల్ బిజీగా ఉన్నాడు.

ఈ ఏడాది ప‌ద‌కొండు సినిమాలు...

2024లో ప‌ద‌కొండు నెల‌ల టైమ్‌లోనే ధ్యాన్ శ్రీనివాస‌న్ న‌టించిన ప‌ద‌కొండు సినిమాలు రిలీజ‌య్యాయి. ధ్యాన్ శ్రీనివాస్ హీరోగా ఈ ఏడాది ఆరంభంలో రిలీజైన వ‌ర్షంగులుక్క శేషం మూవీ 80 కోట్ల‌కుపైగా క‌లెక్ష‌న్స్ రాబ‌ట్టి బిగ్గెస్ట్ హిట్‌గా నిలిచింది. ధ్యాన్ శ్రీనివాస్ అన్న‌య్య వినీత్ శ్రీనివాస‌న్ మ‌ల‌యాళంలో పాపుల‌ర్ హీరోగా డైరెక్ట‌ర్‌గా పేరుతెచ్చుకున్నాడు.

మెగా హీరో మూవీలో...

సీక్రెట్ మూవీలో హీరోయిన్‌గా న‌టించిన అప‌ర్ణ‌దాస్ తెలుగులో మెగాహీరో వైష్ణ‌వ్‌తేజ్ ఆదికేశ‌వ‌లో న‌టించింది. త‌మిళం, మ‌ల‌యాళం భాష‌ల్లో ప‌లు సినిమాలు చేసింది. మంజుమ్మేల్ బాయ్స్ యాక్ట‌ర్ దీప‌క్ ప‌రంబోల్‌తో చాలా కాలంగా ప్రేమ‌లో ఉన్న అప‌ర్ణ దాస్ ఇటీవ‌లే అత‌డిని పెళ్లాడింది.