Janhvi Kapoor - Devara: దేవర నుంచి జాన్వీ కపూర్ నయా లుక్ వచ్చేసింది.. ఆమె క్యారెక్టర్ పేరేంటంటే!

Janhvi Kapoor - Devara: యంగ్ టైగర్ ఎన్టీఆర్ హీరోగా నటిస్తున్న దేవర సినిమాపై అంచనాలు భారీగా ఉన్నాయి. ఆర్ఆర్ఆర్ గ్లోబల్ హిట్ తర్వాత ఎన్టీఆర్ చేస్తున్న చిత్రం ఇదే. భారీ బడ్జెట్‍తో సముద్రం బ్యాక్‍డ్రాప్‍లో దేవర సినిమా రూపొందుతోంది. కొరటాల శివ ఈ చిత్రానికి దర్శకత్వం వహిస్తున్నారు. రెండు పార్ట్‌లుగా దేవర సినిమా రానుందని ఇటీవలే మూవీ యూనిట్ అధికారికంగా ప్రకటించింది. దేవర-1 మూవీని వచ్చే ఏడాది ఏప్రిల్ 5న రిలీజ్ చేయనున్నట్టు తెలిపింది. ఈ చిత్రంలో ఎన్టీఆర్ సరసన బాలీవుడ్ బ్యూటీ జాన్వీ కపూర్ హీరోయిన్‍గా నటిస్తున్నారు. దేవర సినిమా నుంచి జాన్వీ కొత్త లుక్‍ను మూవీ యూనిట్ నేడు రివీల్ చేసింది.

దేవర సినిమాలో జాన్వీ కపూర్ నయా పోస్టర్‌ను మేకర్స్ రిలీజ్ చేశారు. ఈ చిత్రంలో జాన్వీ క్యారెక్టర్ పేరు తంగం (Thangam) అని వెల్లడించారు. “దేవర సెట్స్ నుంచి ‘తంగం’గా అందమైన జాన్వీ కపూర్” అని ఎన్టీఆర్ ఆర్ట్స్ బ్యానర్ ట్వీట్ చేసింది. దేవర పార్ట్ 1.. 2024 ఏప్రిల్ 5వ తేదీ రానుందని మరోసారి స్పష్టం చేసింది.

ఈ లుక్‍లో లంగా వోణీలో జాన్వీకపూర్ చాలా అందంగా కనిపిస్తున్నారు. పల్లెటూరి అమ్మాయిగా బాగా సూటయ్యారు. క్యూట్ స్మైల్‍తో ఈ లుక్‍లో ఆకట్టుకుంటున్నారు. ప్రస్తుతం ఈ సినిమా షూటింగ్ నుంచి చిన్న బ్రేక్ తీసుకున్నారు జాన్వీ కపూర్. త్వరలోనే గోవాలో జరిగే దేవర తదుపరి షెడ్యూల్‍లో జాన్వీ కపూర్ పాల్గొననున్నారు.

దేవర సినిమాలో అండర్ వాటర్ సీక్వెన్స్, యాక్షన్ సీన్లు హైలైట్ ఉండనున్నాయని తెలుస్తోంది. సముద్ర తీర ప్రాంతంలో తన ప్రజలను రక్షించే యోధుడి పాత్రను ఎన్టీఆర్ ఈ సినిమాలో పోషిస్తున్నారని తెలుస్తోంది. చాలా పవర్ ఫుల్‍గా ఆయన క్యారెక్టర్ ఉండనుంది.

దేవర సినిమాలో బాలీవుడ్ స్టార్ సైఫ్ అలీ ఖాన్ విలన్‍గా నటిస్తున్నారు. ప్రకాశ్ రాజ్, శ్రీకాంత్, షైన్ టామ్ చాకో, నరైన్ కీలకపాత్రలు పోషిస్తున్నారు. సెన్సేషనల్ మ్యూజిక్ డైరెక్టర్ అనిరుధ్ రవిచందర్ ఈ చిత్రానికి సంగీతం అందిస్తున్నారు. ఎన్‍టీఆర్ ఆర్ట్స్, యువసుధ ఆర్ట్స్ బ్యానర్లు సంయుక్తంగా దేవర సినిమాను నిర్మిస్తున్నాయి. సుమారు రూ.300కోట్ల బడ్జెట్‍తో దేవర రూపొందనుందని సమాచారం. తెలుగుతో పాటు హిందీ, తమిళం, కన్నడ, మలయాళంలో దేవర పార్ట్-1.. వచ్చే ఏడాది ఏప్రిల్ 5న విడుదల కానుంది.