Ileana baby bump: రెడ్ డ్రెస్‌లో బేబీ బంప్ చూపిస్తూ మురిసిపోతున్న ఇలియానా

Ileana baby bump: ఒకప్పుడు టాలీవుడ్ ను ఏలిన జీరో సైజ్ బ్యూటీ ఇలియానా ఇప్పుడు తల్లి కాబోతున్న విషయం తెలుసు కదా. పెళ్లి కాకుండానే తన పార్ట్‌నర్ తో మాతృత్వపు అనుభూతిని పొందడానికి ఆమె రెడీ అవుతోంది. తాజాగా బుధవారం (జులై 26) ఇల్లీ బేబీ తన బేబీ బంప్ ను మరోసారి అభిమానులకు చూపించింది. రెడ్ డ్రెస్ లో ఇలియానా బేబీ బంప్ చూపిస్తూ దిగిన సెల్ఫీని ఇన్‌స్టాగ్రామ్ లో షేర్ చేసుకుంది.

మై లిటిల్ పై అంటూ ఆమె ఈ ఫొటో పోస్ట్ చేసింది. ఈ ఫొటో చూసిన ఫ్యాన్స్ హార్ట్ ఎమోజీలతో తమ ప్రేమను కురిపించారు. గత ఏప్రిల్ నెలలో తాను ప్రెగ్నెంట్ అయిన విషయాన్ని ఇలియానా తొలిసారి ఇన్‌స్టా పోస్టు ద్వారా వెల్లడించింది. అప్పటి నుంచీ ఎప్పటికప్పుడు తన ప్రెగ్నెన్సీ హెల్త్ గురించి చెబుతూ వస్తోంది. ఈ మధ్యే ఇలియానా తన పార్ట్‌నర్ ఎవరు అన్న విషయాన్ని వెల్లడించిన విషయం తెలిసిందే.

ఇలియానా పార్ట్‌నర్ పేరు ఏంటన్నది మాత్రం తెలియలేదు. తన ప్రెగ్నెన్సీ అనౌన్స్‌మెంట్ సందర్భంగా ఆమె ఓ పెద్ద నోట్ కూడా రాసింది. తన జీవితంలో తాను మాతృత్వపు ఆనందాన్ని పొందుతానని అనుకోలేదని, ఇప్పుడా కల నెరవేరడంతో తానెంతో అదృష్టవంతురాలినని భావిస్తున్నట్లు చెప్పింది.

ఇలియానా గతేడాది కత్రినా కైఫ్ సోదరుడు సెబాస్టియన్ లారెంట్ తో డేటింగ్ లో ఉన్నట్లు వార్తలు వచ్చాయి. అతనితోపాటు కత్రినా కైఫ్, విక్కీ కౌశల్ తో కలిసి ఇలియానా మాల్దీవ్స్ టూర్ కు కూడా వెళ్లింది. ఆ ఫొటోలు అప్పట్లో వైరల్ అయ్యాయి. అయితే తాము రిలేషన్‌షిప్ లో ఉన్నట్లు ఇటు ఇలియానా కానీ, అటు సెబాస్టియన్ గానీ ఎప్పుడూ చెప్పలేదు.