Sankranthi Movies Clash: ఎవ‌రు పోటీకొచ్చిన‌ ప్రాబ్లెం లేదు - సంక్రాంతి క్లాష్‌పై గుంటూరు కారం ప్రొడ్యూస‌ర్ కామెంట్స్‌

Mahesh Babu Guntur Kaaram: టాలీవుడ్‌లో సంక్రాంతి పోరు ఆస‌క్తిక‌రంగా మారింది. ఈ సంక్రాంతికి మ‌హేష్ బాబు గుంటూరుకారంతో పాటు నాగార్జున నా సామిరంగ‌, వెంక‌టేష్ సైంధ‌వ్‌, ర‌వితేజ ఈగిల్‌తో పాటు హ‌నుమాన్ సినిమాలు ప్రేక్ష‌కుల ముందుకు రాబోతున్నాయి.

ఈ సంక్రాంతి క్లాష్‌పై గుంటూరు కారం ప్రొడ్యూస‌ర్ సూర్య‌దేవ‌ర నాగ‌వంశీ బుధ‌వారం ఆస‌క్తిక‌ర కామెంట్స్ చేశాడు. సంక్రాంతి రిలీజ్‌ల‌లో ఆడియెన్స్ అంద‌రూ గుంటూరుకారం సినిమాకు ఫ‌స్ట్ ఫ్రిఫ‌రెన్స్‌ ఇచ్చే అవ‌కాశం ఉంద‌ని, అందుకే మా సినిమాకు పోటీగా ఎంత మంది రిలీజ్ డేట్స్‌ను అనౌన్స్ చేసిన స‌మ‌స్య లేద‌ని తెలిపాడు.

ఈ సంక్రాంతి క్లాష్‌పై టాలీవుడ్ ప్రొడ్యూస‌ర్ల మ‌ధ్య ఎలాంటి డిస్క‌ష‌న్ జ‌ర‌గ‌లేద‌ని సూర్య దేవ‌ర నాగ‌వంశీ అన్నాడు. సంక్రాంతి సినిమాల‌కు సంబంధించి ఏ ప్రొడ్యూస‌ర్‌కైనా ఇబ్బంది ఉంటే న‌న్ను అడ‌గాలి కానీ నాకు నేనుగా వెళ్లి ఎవ‌రిని అడ‌గాల్సిన అవ‌స‌రం త‌న‌కు లేద‌ని సూర్య‌దేవ‌ర నాగ‌వంశీ చెప్పాడు. సంక్రాంతికి ఎన్ని సినిమాలొచ్చిన రెవెన్యూ ప‌రంగా ఇబ్బంది ఉండ‌ద‌ని సూర్య‌దేవ‌ర నాగ‌వంశీ చెప్పాడు.

గుంటూరు కారం ఫ‌స్ట్ సింగిల్‌ను న‌వంబ‌ర్ ఫ‌స్ట్ వీక్‌లో త‌ప్ప‌కుండా రిలీజ్ చేస్తామ‌ని తెలిపాడు. పాట బాగా రావాల‌నే ఫ‌స్ట్ సింగిల్ రిలీజ్‌కు టైమ్ తీసుకుంటున్న‌ట్లు సూర్య‌దేవ‌ర నాగ‌వంశీ చెప్పాడు. గుంటూరు కారం సినిమాకు త్రివిక్ర‌మ్ ద‌ర్శ‌క‌త్వం వ‌హిస్తున్నాడు. అత‌డు, ఖ‌లేజా త‌ర్వాత మ‌హేష్‌బాబు, త్రివిక్ర‌మ్ కాంబినేష‌న్‌లో రూపొందుతోన్న మూవీ ఇది. ఈ సినిమాలో శ్రీలీల‌, మీనాక్షి చౌద‌రి హీరోయిన్లుగా న‌టిస్తున్నారు.