Fahadh Fasil: ఫహాద్ 'మాలిక్' తెలుగు ట్రైలర్ చూశారా? ఓ లుక్కేయండి

విలక్షణ నటుడిగా గుర్తింపు తెచ్చుకున్న మలయాళ హీరో ఫహాద్ ఫాజిల్. పుష్ప సినిమాలో విలన్‌గా తెలుగు ప్రేక్షకులకు చేరువైనప్పటికీ ఓటీటీ ద్వారా అంతకుముందే సుపరిచితులు. కరోనా కాలంలో ఓటీటీల్లో ఆయన సినిమాలు విడుదలై మంచి రెస్పాన్స్ అందుకున్నాయి. గతేడాది ఈ మల్లూ స్టార్ కీలక పాత్రలో నటించిన పొలిటికల్ థ్రిల్లర్ మాలిక్. కరోనా కాలంలో ఓటీటీ వేదికగా విడుదలైన ఈ చిత్రం విశేష ఆదరణ సొంతం చేసుకుంది. తాజాగా ఈ సినిమా తెలుగు ప్రేక్షకుల ముందుకు రాబోతుంది. ఇందుకు సంబంధించిన ట్రైలర్‌ను విడుదల చేశారు.

ఆహా వేదికగా మాలిక్ చిత్రాన్ని ప్రేక్షకులు ముందుకు తీసుకురానున్నారు మేకర్స్. ఆగస్టు 12 నుంచి మాలిక్ స్ట్రీమింగ్ కానుంది. ఈ సినిమాలో ఫహాద్ నటనకు విమర్శకుల ప్రశంసలు కూడా లభించాయి. ఇందులో ఆయన నటన సినిమాకే హైలెట్‌గా నిలుస్తుంది.

మహేశ్ నారాయణన్ దర్శకత్వం వహించిన ఈ సినిమాలో నిమిషా సంజయన్, వినయ్ ఫోర్ట్, జోజూ జార్జ్ తదితరులు ముఖ్య భూమికలు పోషించారు. ఇందుకు సంబంధించిన ట్రైలర్‌ను ఆహా విడుదల చేసింది. ఈ చిత్రానికి సుశిన్ శ్యామ్ సంగీతం అందించారు.

ఈ ఏడాది విక్రమ్ సినిమాతో ప్రేక్షకుల ముందుకు వచ్చిన ఫహాద్.. సూపర్ సక్సెస్ అందుకున్నాడు. ప్రస్తుతం మలయాళంతో పాటు తమిళ చిత్రాల్లోనూ నటిస్తున్నాడు ఈ నటుడు. ఇవి కాకుండాపుష్ప-2 ది రూల్ సినిమా కూడా చేస్తున్నాడు.