Deepika in Pathaan: 'పఠాన్‌'లో దీపికా అందాల విందు.. సాంగ్ అంతా బికినీలోనే

Deepika in Pathaan: చాలా కాలం గ్యాప్ తర్వాత షారుఖ్ ఖాన్ నటిస్తున్న సరికొత్త చిత్రం పఠాన్. ఇందులో దీపికా పదుకునే హీరోయిన్‌గా చేస్తోంది. సిద్ధార్థ్ ఆనంద్ దర్శకత్వం వహించిన ఈ సినిమా జనవరి 23న ప్రపంచ వ్యాప్తంగా ప్రేక్షకుల ముందుకు రానుంది. ఇప్పటికే విడుదలైన టీజర్, గ్లింప్స్ సినిమాపై అంచనాలను భారీగా పెంచేసింది. ఇదిలా ఉంటే ఇప్పటికే ఈ సినిమాలో దీపికా తన అందాల ఆరబోతతో ప్రేక్షకులను ఉర్రూతలూగించింది. బికినీలో ఆమె ఎక్స్‌పోజింగ్ కాస్త శృతి మించినప్పటికీ.. యువతను మాత్రం విపరీతంగా ఆకట్టుకుంటున్నాయి. ఇటీవల కాలంలో ఆ ఫొటోలు సోషల్ మీడియాలో విపరీతంగా వైరల్ అయ్యాయి. ఓ పాట కోసం దీపిక ఈ విధంగా అందాల ప్రదర్శన చేసింది. తాజాగా ఆ వీడియో సాంగ్‌ను విడుదల చేసింది చిత్రబృందం.

బేషరమ్ రంగ్ అంటూ సాగే ఈ పాట ఆకట్టుకుంటోంది. బికినీ అందాలతో దీపికా పదుకునే కుర్ర హీరోయిన్లకు సవాలు విసురుతోంది. ముఖ్యంగా టూ పీస్ బికినీలో పాటకు తగినట్లుగా స్టెప్పులెస్తూ కుర్రకారుకు నిద్రలేకుండా చేస్తోంది. ఎంతలా అంటే ఈ పాట విడుదలైన గంటలోనే ఒక మిలియన్‌పైగా వ్యూస్ రావడం విశేషం. షారుఖ్‌తో ఆమె కెమిస్ట్రీ అదిరిపోయింది. కైపెక్కించే కళ్లతో చూస్తూ.. యువత హృదయాలను బంధించేస్తోంది.

విశాల్-శేఖర్ సంగీతాన్ని సమకూర్చిన ఈ పాటను శిల్పా రావు, కరాలిసా మోంటారియో ఆలపించారు. వైభవ్ మర్చెంట్ ఈ పాటను కొరియోగ్రాఫర్‌గా పనిచేశారు. కుమార్ సాహిత్యాన్ని అందించారు. సాంగ్ కంటే కూడా దీపిక అందాల ఆరబోతతోనే ప్రేక్షకులను ఆకట్టుకుటోంది. ఈ సాంగ్ విడుదలైన క్షణం నుంచే ట్రేండింగ్‌గా మారింది.

బాలీవుడ్ ప్రముఖ నిర్మాణ సంస్థ యశ్ రాజ్ ఫిల్మ్స్ పఠాన్ సినిమాను నిర్మిస్తోంది. ఇది ఈ బ్యానర్‌లో వస్తున్న 50వ చిత్రం. ఆదిత్యా చోప్రా నిర్మాతలుగా వ్యవహరిస్తున్నారు. షారుఖ్ ఖాన్, దీపికా పదుకుణే హీరో, హీరోయిన్లుగా చేస్తోన్న ఈ సినిమాలో జాన్ అబ్రహం కీలక పాత్ర పోషిస్తున్నారు. సిద్ధార్థ్ ఆనంద్ దర్శకత్వం వహిస్తున్నారు. ప్రపంచ వ్యాప్తంగా ఈ చిత్రం జనవరి 23న ప్రేక్షకుల ముందుకు రానుంది. హిందీతో పాటు తెలుగు, తమిళంలోనూ ఏకకాలంలో విడుదల కానుంది.