Crime Thriller OTT: ఓటీటీలోకి మూడు నెలల తర్వాత వస్తున్న తెలుగు క్రైమ్ థ్రిల్లర్ మూవీ.. స్ట్రీమింగ్ ప్లాట్‌ఫామ్, డేట్ ఇదే

Crime Thriller OTT: క్రైమ్ థ్రిల్లర్ జానర్ మూవీస్ ఇష్టపడే వారికి గుడ్ న్యూస్. ఈ వీకెండ్ మీకోసం మరో తెలుగు మూవీ రాబోతోంది. జులై 26న థియేటర్లలో రిలీజైన ఆపరేషన్ రావణ్ మూవీ.. మొత్తానికి సుమారు మూడున్నర నెలల తర్వాత డిజిటల్ ప్రీమియర్ కు సిద్ధమైంది. నిజానికి సెప్టెంబర్ లోనే వస్తుందనుకున్న ఈ సినిమా.. ఇప్పుడు ప్లాట్‌ఫామ్ కూడా మారి ఆహా వీడియోలో స్ట్రీమింగ్ కాబోతోంది.

ఆపరేషన్ రావణ్ ఓటీటీ రిలీజ్ డేట్

పలాస 1978 మూవీ ఫేమ్ రక్షిత్ అట్లూరి లీడ్ రోల్లో నటించిన ఈ మూవీ పేరు ఆపరేషన్ రావణ్. ఇదొక క్రైమ్ థ్రిల్లర్ సినిమా. ఈ మూవీ శనివారం (నవంబర్ 2) నుంచి స్ట్రీమింగ్ కానున్నట్లు ఆహా వీడియో అధికారికంగా వెల్లడించింది. ఈ సందర్భంగా ఓ ఇంట్రెస్టింగ్ ట్రైలర్ కూడా రిలీజ్ చేసింది.

వెంకట సత్య డైరెక్ట్ చేసిన ఈ మూవీ ఓ సైకో కిల్లర్ చుట్టూ తిరుగుతుంది. ఇందులో సంకీర్తన విపిన్, రఘు కుంచె, రాధికా శరత్ కుమార్ లాంటి వాళ్లు నటించారు. నిజానికి ఈటీవీ విన్ ఓటీటీలో వస్తుందని భావించినా.. ఇప్పుడు ఆహా వీడియోలోకి అడుగుపెడుతుండటం విశేషం.

ఆపరేషన్ రావణ్ స్టోరీ ఇదీ..

అమ్మాయిల‌ను కిడ్నాప్ చేసే ఓ సైకో క‌థ‌తో ద‌ర్శ‌కుడు వెంక‌ట స‌త్య ఆప‌రేష‌న్ రావ‌ణ్ సినిమాను తెర‌కెక్కించాడు. ఆమ‌ని (సంకీర్త‌న‌) ఓ ఇన్వెస్టిగేటివ్ జ‌ర్న‌లిస్ట్‌. సిటీలో వ‌రుస‌గా అమ్మాయిల‌ను కిడ్నాప్ చేస్తూ హ‌త్య‌ల‌కు పాల్ప‌డుతోన్న ఈ సీరియ‌ల్ కిల్ల‌ర్ కేసుపై పని చేస్తుంటుంది. ఈ ఇన్వెస్టిగేష‌న్‌లో ఆమ‌నికి అసిస్టెంట్‌గా రామ్ (ర‌క్షిత్ అట్లూరి) ప‌నిచేస్తుంటాడు.

ఆమ‌నిని ప్రేమిస్తుంటాడు రామ్‌. త‌న ప్రేమ‌ను ఆమెకు వ్య‌క్తం చేసేలోపు ఆమ‌నిని కూడా సీరియ‌ల్ కిల్ల‌ర్ కిడ్నాప్ చేస్తాడు. ఆ కిల్ల‌ర్‌ను రామ్ ఎలా ప‌ట్టుకున్నాడు? సుజాత (రాధికా శ‌ర‌త్‌కుమార్‌) కూతురి మిస్సింగ్‌కు ఈ సీరియ‌ల్ కిల్ల‌ర్‌కు ఏమైనా సంబంధం ఉందా? కిల్ల‌ర్ గురించి ఆమ‌ని, రామ్‌ల‌కు ఎలాంటి షాకింగ్ నిజాలు తెలిశాయి అన్న‌దే ఆప‌రేష‌న్ రావ‌ణ్ మూవీ క‌థ‌.

ప‌లాస 1978 మూవీతో హీరోగా టాలీవుడ్‌లోకి ఎంట్రీ ఇచ్చాడు ర‌క్షిత్ అట్లూరి. సామాజిక అస‌మాన‌త‌ల‌ను చ‌ర్చిస్తూ క‌రుణ కుమార్ ద‌ర్శ‌క‌త్వంలో రూపొందిన ఈ మూవీ క‌మ‌ర్షియ‌ల్ హిట్‌గా నిలిచింది. లండ‌న్ బాబులు, న‌ర‌కాసుర‌తో పాటు మ‌రికొన్ని సినిమాల్లో హీరోగా న‌టించాడు. కాన్సెప్ట్‌లు బాగున్నా ఈ సినిమాలు విజ‌యాల్ని మాత్రం అందుకోలేదు. ర‌క్షిత్ అట్లూరి హీరోగా న‌టిస్తోన్న శ‌శివ‌ద‌నే రిలీజ్‌కు సిద్ధంగా ఉంది. విలేజ్ ల‌వ్‌స్టోరీగా తెర‌కెక్కుతోన్న ఈ సినిమాలో కోమ‌లి ప్ర‌సాద్ హీరోయిన్‌గా న‌టిస్తోంది.