BTS groove on pathaan song: బేషరమ్ సాంగ్‌కు బీటీఎస్ స్టెప్పులు.. షారుఖ్-దీపిక కంటే బాగా పర్ఫార్మ్ చేశారట..!

BTS groove on pathaan song: సౌత్ కొరియన్ పాప్ కల్చర్ బ్యాండ్ BTS( Bangtan Boys) ప్రభావంతో ప్రపంచవ్యాప్తంగా ఎంతో మంది తమ ఆటపాటలతో నెట్టింట దుమ్మురేపుతున్నారు. లక్షలాది మంది అభిమానులు బీటీఎస్‌ను ఆదర్శంగా తీసుకుని పాప్ వీడియోలను రూపొందిస్తున్నారు. అంతేకాకుండా పాటలను అనుకరిస్తూ అదిరిపోయే స్టెప్పులతో ఆకట్టుకుంటున్నారు. వీరి అభిమానం ఆర్మీగా (Adorable Representative M.C. For Youth-ARMY)గా మారి పాపులరవూతూ వచ్చింది. బీటీఎస్ వీడియోలకు బాలీవుడ్, సౌత్ ఇండియన్ మూవీ సాంగ్స్‌కు ఎడిట్ చేస్తూ ప్రేక్షకులను అలరిస్తున్నారు. తాజాగా బాలీవుడ్ కింగ్ ఖాన్ షారుఖ్ నటించిన పఠాన్ సినిమాలోని బేషరమ్ రంగ్ సాంగ్‌ను బీటీఎస్ బ్యాండ్‌ స్టెప్పులకు ఎటాచ్ చేశారు. ప్రస్తుతం ఇది వైరల్‌గా మారాయి.

బేషరమ్ రంగ్ పాటను పర్ఫెక్టుగా ఎడిట్ చేసి, బీట్స్‌ను బీటీఎస్ బాయ్స్ స్టెప్పులకు సింక్ చేశారు. దీంతో షారుఖ్, దీపికా పదుకొణె నటించిన ఈ సాంగ్ ఓ రేంజ్‌లో ఆకట్టుకుంటోంది. ఈ పాటను ఈ విధంగా కూడా చేయవచ్చా అనేంతగా డ్యాన్సులుతో ఆకట్టుకున్నాయి. ఈ వీడియోను క్వాలిటేపోస్ట్స్ అనే ఇన్‌స్టాగ్రామ్ యూజర్ షేర్ చేయడంతో వైరల్‌గా మారింది. నెటిజన్లు కూడా ఈ వీడియోపై విశేషంగా స్పందిస్తున్నారు.

ఈ వీడియోను చూసిన ఓ యూజర్ దీపిక, షారుఖ్ కంటే చాలా మెరుగ్గా చేశారని కామెంట్ పెట్టగా.. బీటీఎస్ బాయ్స్ చేయలేదని ఏమైనా ఉందా? అంటూ మరొకరు స్పందించారు. నేను ఇప్పటికే చెప్పాను బీటీఎస్ బీట్స్‌ను అనుసరించదు.. బీట్‌లే బీటీఎస్‌ను అనుకరిస్తాయి అని ఇంకొకరు పోస్ట్ పెట్టారు.

షారుఖ్, దీపికా పదుకొణె నటించిన పఠాన్ సినిమాలోని బేషరమ్ రంగ్ సాంగ్ ఇటీవలే ప్రేక్షకుల ముందుకు వచ్చింది. ఇందులో దీపికా వస్త్రధారణపై పలువురు బహిరంగంగానే విమర్శలు సంధించగా.. ఈ అంశం వివాదాస్పదమైంది. ముఖ్యంగా దీపిక పైభాగంలో కాషాయ వస్త్రాన్ని ధరించడం, షారుఖ్‌తో ఆమె కెమిస్ట్రీని అసభ్యకరంగా ఉండటాన్ని బీజేపీ నేతలు మండిపడుతున్నారు. సిద్ధార్థ్ ఆనంద్ నటించిన పఠాన్ చిత్రం జనవరిలో విడుదల కానుంది. యశ్ రాజ్ ఫిల్మ్స్‌తో నిర్మించిన ఈ సినిమాలో జాన్ అబ్రహం కీలక పాత్రలో మెరిశారు.

.