Bigg Boss Telugu 7 finalists: బిగ్‍బాస్‍లో ఆరుగురు ఫైనలిస్టులు వీరే.. ట్విస్ట్ ఉండనుందా!

Bigg Boss Telugu 7 finalist: బిగ్‍బాస్ తెలుగు 7వ సీజన్ తుది వారానికి రెడీ అయింది. ఈ సీజన్‍లో చివరిదైన 15వ వారంలోకి ఆరుగురు కంటెస్టెంట్లు అడుగుపెట్టారు. ఈ ఫైనలిస్టులను నేటి ఆదివారం (నవంబర్ 10) ఎపిసోడ్‍లో హోస్ట్ కింగ్ నాగార్జున ప్రకటించారు. 14వ వారానికి గాను బిగ్‍బాస్ హౌస్ నుంచి శోభా శెట్టి ఎలిమినేట్ అయ్యారు. ఆ వివరాలివే..

ఫినాలే అస్త్రను గెలుచుకున్న అంబటి అర్జున్ ఇదివరకే ఫైనలిస్టుగా ఖరారయ్యారు. ప్రియాంక జైన్, ప్రిన్స్ యావర్, అమర్ దీప్, పల్లవి ప్రశాంత్, శివాజీలను ఫైనలిస్టులుగా నేటి ఎపిసోడ్‍లో ప్రకటించారు నాగార్జున. ఇలా ఈ ఆరుగురు ఫైనల్ వీక్‍కు చేరుకున్నారు. ఇది క్రమ పద్ధతిలో జరిగింది.

ముందుగా ప్రియాంక జైన్‍ను ఫైనలిస్టుగా ప్రకటించారు నాగార్జున. ఆ తర్వాత ఏ వారం గురించి ఎక్కువగా చింతిస్తున్నారని కంటెస్టెంట్లను అడిగారు నాగార్జున. ఇందుకోసం ఓ వీల్‍ను ఇచ్చారు. ఏ వారంలో దేని గురించి తాము చింతిస్తున్నామో కంటెస్టెంట్లు తెలిపారు. ఆ తర్వాత తదుపరి ఫైనలిస్టుగా ప్రిన్స్ యావర్‌ను నాగ్ అనౌన్స్ చేశారు. ఆ తర్వాత సినిమాల పేర్లు చూపించి ఓ కంటెస్టెంట్ యాక్షన్ చేస్తే.. మిగిలిన వారు టైటిల్ చెప్పేలా ఆ గేమ్ జరిగింది.

అనంతరం అమర్‌దీప్ చౌదరి ఫైనలిస్టుగా ఖరారయ్యారు. ఆ తర్వాత ఆస్కార్ అవార్డు విన్నింగ్ మ్యూజిక్ డైరెక్టర్ ఎంఎం కీరవాణి.. బిగ్‍బాస్ స్టేజ్‍పైకి అతిథిగా వచ్చారు. నాగార్జున ప్రస్తుతం హీరోగా నటిస్తున్న నా సామిరంగ మూవీకి ఆయనే సంగీతం అందిస్తున్నారు. ఈ చిత్రం నుంచి తొలి పాటను ఈ స్టేజీపై లాంచ్ చేశారు కీరవాణి.

పల్లవి ప్రశాంత్‍ను తదుపరి ఫైనలిస్టుగా కీరవాణి ప్రకటించారు. అలాగే, రైతుబిడ్డగా బిరుదు ఉన్న ప్రశాంత్‍కు భూమిబిడ్డ అని కొత్త పేరు పెట్టారు. భూమిబిడ్డ అంటే బీబీ అని వస్తుందని.. బిగ్‍బాస్ అనేది కూడా దానికి కలిసి వస్తుందని కీరవాణి సూచించారు. దీంతో పల్లవి ప్రశాంత్ సంబరపడ్డారు.

చివరగా డేంజర్ జోన్‍లో శోభా శెట్టి, శివాజీ నిలిచారు. ఆ తర్వాత శోభా శెట్టి ఎలిమినేట్ అయినట్టు హోస్ట్ నాగార్జున ప్రకటించారు. దీంతో హౌస్ నుంచి బయటికి వచ్చారు శోభ. ఎమోషనల్‍గా కన్నీరు పెట్టుకున్నారు.

మిడ్ వీక్‍లో ట్విస్ట్ ఉంటుందా!

బిగ్‍బాస్ తెలుగు 7వ సీజన్‍లో అర్జున్, యావర్, శివాజీ, పల్లవి ప్రశాంత్, అమర్, ప్రియాంక ఫైనలిస్టులుగా డిసైడ్ అయ్యారు. ఫైనల్ వీక్‍లో అడుగుపెట్టారు. అయితే, చివరిదైన 15వ వారంలో మిడ్ వీక్ ఎలిమినేషన్ ట్విస్ట్ ఉంటుందని రూమర్స్ వస్తున్నాయి. వారం మధ్యలో ఓ కంటెస్టెంట్ ఎలిమినేట్ అవుతారని తెలుస్తోంది. మొత్తంగా గ్రాండ్ ఫినాలే డేకు ఐదుగురు కంటెస్టెంట్లు వెళతారని సమాచారం. బిగ్‍బాస్ తెలుగు 7వ సీజన్ ఫైనల్ డిసెంబర్ 17న ఉండనుంది.