Aata Sandeep: ఆట సందీప్ అమ్మకు హెల్త్ సమస్య.. ఫస్ట్ టైమ్ ఏడ్చిన కమెడియన్.. ఇది అన్యాయం బిగ్ బాస్!

Bigg Boss 7 Telugu October 5th Episode Promo: బిగ్ బాస్ 7 తెలుగు సీజన్‌లో ప్రస్తుతం 10 మంది కంటెస్టెంట్స్ మాత్రమే మిగిలారు. హౌజ్‌మేట్స్ అయిన శోభా, ఆట సందీప్, ప్రశాంత్ నుంచి పవరాస్త్రను తీసుకున్న బిగ్ బాస్ కెప్టెన్సీ టాస్క్ నిర్వహించాడు. మొత్తంగా ఐదు జంటలు ఈ కెప్టెన్సీ టాస్కులో పాల్గొంటున్నాయి. ఇప్పటికీ మూడు టాస్కులు జరగ్గా శివాజీ, ప్రశాంత్ పెయిర్ లీడింగ్‌లో ఉంది. తాజాగా బిగ్ బాస్ చివరి టాస్క్ ఇచ్చినట్లు తెలుస్తోంది.

బిగ్ బాస్ 7 తెలుగు డే 32 ప్రోమోలోకి వెళితే.. ఫైనల్ కెప్టెన్సీ కంటెండర్ అవ్వడానికి బిగ్ బాస్ ఇస్తున్న టాస్క్ చీటి ఆయుధం అని బిగ్ బాస్ చెప్పాడు. దీంతో యాక్టివిటీ రూమ్‌లో కలర్ ఫుల్ డెకరేషన్ తో అందంగా, ఆహ్లాదంగా ఉంది. అందులోకి ఒక టీమ్ సభ్యులు వెళ్లారు. అయితే, అక్కడ వారి కుటుంబాల నుంచి వచ్చిన లెటర్స్ ఉన్నట్లు తెలుస్తోంది. ఒక్కొక్కరు తగిన కారణాలు చెప్పి ఆ లెటర్స్ చదివే అవకాశం పొందాల్సినట్లుగా బిగ్ బాస్ చెప్పినట్లు అర్థం అవుతోంది.

గెలిచినవాళ్లు లెటర్ చదవితే.. ఓడిపోయిన వాళ్లు ఆ లెటర్‌ను మెషీన్ ద్వారా చింపేయాల్సిందిగా టాస్క్ ఇచ్చినట్లున్నాడు బిగ్ బాస్. అయితే, ఈ పేరు చూసి చాలా రోజులు అయిపోయింది మాస్టర్ అని అమర్ ఎమోషనల్‌గా అన్నాడు. ఇక సందీప్ అయితే లెటర్ పట్టుకుని తెగ ఏడ్చేశాడు. లెటర్స్ చూసి శుభ శ్రీ, గౌతమ్ కూడా కన్నీటి పర్యంతం అయ్యారు. నాకు ఇది కావాలి అని శుభ శ్రీ అంది. మరోవైపు నా వల్ల కాదు బిగ్ బాస్, నేను చదవలేను అని తేజ సైతం కన్నీళ్లు పెట్టుకున్నాడు.

మూడు వారాల నుంచి అమ్మ హెల్త్ గురించి అడుగుతున్నారా అని సందీప్ ఎమోషనల్‌గా అన్నాడు. అంటే లెటర్‌లో వాళ్ల అమ్మ ఆరోగ్యానికి సంబంధించిన విషయం ఉండొచ్చని అమర్ ను ఒప్పించే ప్రయత్నం చేసినట్లున్నాడు సందీప్. అమ్మా అంటే నేను ఏం మాట్లాడలేకపోతున్నాను మాస్టర్ నేను అంటూ ఎటు తేల్చుకోలేక బాధపడిపోయాడు అమర్.

నేను ఏడిస్తే మా ఫ్యామిలీ చూడలేదు. నేను ఏడవనూ అంటూ తేజ చెప్పే మాటలు కన్నీళ్లు తెప్పించేలా ఉన్నాయి. దీంతో యావర్ వచ్చి తేజను గట్టిగా హగ్ చేసుకున్నాడు. హౌజ్‌లోకి ఎంట్రీ అయినప్పటి నుంచి ఒక శోభా, దామిని, శుభ తప్పా మిగతా వాళ్లు ఎవరూ అంతగా ఏడవలేదు. అందరినీ నవ్వించే తేజ సైతం గద్గద స్వరంతో మాట్లాడుతూ ఏడ్చేసరికి కన్నీళ్లు రాక తప్పేలా లేదు. మొత్తానికి లేటెస్ట్ ప్రోమోతో అందరినీ ఏడిపించేశాడు బిగ్ బాస్. ఇలా టాస్క్ ఇచ్చి అందరినీ ఏడిపించడం నీకు న్యాయం కాదు బిగ్ బాస్ అని నెటిజన్స్ కామెంట్స్ పెడుతున్నారు.