Animal third song: యానిమల్ నుంచి మూడో పాటకు డేట్ ఖరారు.. తండ్రీకొడుకుల సెంటిమెంట్‍తో!

Animal third song: బాలీవుడ్ స్టార్ రణ్‍బీర్ కపూర్, నేషనల్ క్రష్ రష్మిక మందన్న హీరోహీరోయిన్లుగా నటిస్తున్న యానిమల్ సినిమాపై భారీ క్రేజ్ ఉంది. అర్జున్ రెడ్డి ఫేమ్ సందీప్ రెడ్డి వంగా ఈ చిత్రానికి దర్శకత్వం వహిస్తుండటంతో భారీ అంచనాలు ఉన్నాయి. డిసెంబర్ 1న ఈ మూవీ రిలీజ్ కానుంది. ఈ క్రమంలో వరుసగా పాటలను రిలీజ్ చేస్తోంది యానిమల్ టీమ్. ఇప్పటికే రెండు సాంగ్స్ రాగా.. ఇప్పుడు మూడో పాటను కూడా రెడీ అయింది. యానిమల్ మూడో పాట రిలీజ్ డేట్‍ను చిత్రయూనిట్ నేడు అధికారికంగా ప్రకటించింది.

యూనిమల్ సినిమా నుంచి మూడో పాట రేపు (నవంబర్ 14) రిలీజ్ కానుంది. ‘నాన్న నువ్వే నా ప్రాణం’ అంటూ ఈ పాట ఉండనుంది. ఈ విషయాన్ని యానిమల్ మూవీ యూనిట్ అధికారికంగా ప్రకటించింది. ఓ కొత్త పోస్టర్‌ను కూడా పోస్ట్ చేసింది.

రణ్‍బీర్ కపూర్ తీవ్రంగా ఆలోచిస్తుండగా తండ్రి పాత్ర పోషించిన అనిల్ కపూర్ అతడి భుజంపై చేయివేసినట్టు ఈ పోస్టర్ ఉంది. ఈ పోస్టర్లో అనిల్ కపూర్ ఛాతిపై గాయం కూడా ఉంది. మొత్తంగా ఈ పోస్టర్ ఇంటెన్స్‌గా కనిపిస్తుంది. ‘నాన్న నువ్వే నా ప్రాణం’ అంటూ తండ్రీకొడుకుల సెంటిమెంట్ సాంగ్‍గా ఇది ఉండనునుంది.

ఈ మూడో పాట హిందీలో ‘పాపా మేరీ జాన్’, తమిళంలో ‘నీ ఇన్ ఉలగమ్’, మలయాళంలో ‘నీయనఖిలమ్ థాతా’, కన్నడలో ‘నా రవి నీనే’ పేరుతో రానుంది.

యానిమల్ చిత్రానికి ప్రీతమ్, విశాల్ మిశ్రా సహా మరికొందరు మ్యూజిక్ డైరెక్టర్లు పని చేస్తున్నారు. ఇప్పటికే ఈ చిత్రం నుంచి వచ్చిన రెండు పాటలు బాగా పాపులర్ అయ్యాయి.

యానిమల్ సినిమాలో బాబీ డియోల్ విలన్‍గా నటిస్తున్నారు. తృప్తి దిమ్రి, శక్తి కపూర్, ప్రేమ్ చోప్రా, సురేశ్ ఒబెరాయ్, రవి గుప్త కీలకపాత్రలు చేస్తున్నారు. టీ సిరీస్ ఫిల్మ్స్, భద్రకాళి పిక్చర్స్, సినీ 1 స్టూడియోస్ పతాకాలపై భూషణ్ కుమార్, కృష్ణన్ కుమార్, మురాద్ ఖేతానీ, ప్రణయ్ రెడ్డి వంగా ఈ చిత్రాన్ని సంయుక్తంగా నిర్మిస్తున్నారు. డిసెంబర్ 1న హిందీ, తెలుగు, తమిళం, కన్నడ, మలయాళం భాషల్లో యానిమల్ విడుదల కానుంది.