Allu Arjun Surender Reddy Movie: మ‌రోసారి రేసుగుర్రం కాంబో - అల్లు అర్జున్‌తో సురేంద‌ర్‌రెడ్డి సినిమా

Allu Arjun Surender Reddy Movie: అల్లు అర్జున్ ద‌ర్శ‌కుడు సురేంద‌ర్‌రెడ్డి కాంబినేష‌న్‌లో వ‌చ్చిన రేసుగుర్రం సినిమా టాలీవుడ్‌ బిగ్గెస్ట్ క‌మ‌ర్షియ‌ల్ హిట్‌ల‌లో ఒక‌టిగా నిలిచింది. తాజాగా ఈ కాంబినేష‌న్‌లో మ‌రో సినిమా రాబోతున్న‌ట్లు స‌మాచారం. అల్లు అర్జున్‌తో సురేంద‌ర్‌రెడ్డి ఓ సినిమా చేయ‌నున్న‌ట్లు చెబుతున్నారు.

అల్లు అర్జున్ కోసం ప‌వ‌ర్‌ఫుల్ స్క్రిప్ట్‌ను రెడీ చేసే ప‌నిలో సురేంద‌ర్‌రెడ్డి ఉన్న‌ట్లు చెబుతున్నారు. రేసుగుర్రం త‌ర‌హాలోనే యాక్ష‌న్‌, ఫ‌న్ మేళ‌వించి ఈ సినిమా ఉండ‌బోతున్న‌ట్లు ప్ర‌చారం జ‌రుగుతోంది.

ప్ర‌స్తుతం అఖిల్‌తో ఏజెంట్ సినిమాను రూపొందిస్తున్నాడు సురేంద‌ర్‌రెడ్డి. ఈ సినిమా షూటింగ్ తుది ద‌శ‌కు చేరుకున్న‌ట్లు స‌మాచారం. స్పై యాక్ష‌న్ థ్రిల్ల‌ర్ క‌థాంశంతో తెర‌కెక్కుతోన్న ఏజెంట్ సినిమాలో మ‌మ్ముట్టి కీల‌క పాత్ర పోషిస్తున్నాడు. ఏప్రిల్‌లో ఈ సినిమా రిలీజ్ చేసే అవ‌కాశం ఉన్న‌ట్లు స‌మాచారం.

మ‌రోవైపు అల్లు అర్జున్ పుష్ప -2 షూటింగ్‌లో బిజీగా ఉన్నాడు. ప్ర‌స్తుతం హైద‌రాబాద్‌లో ఈ సినిమా షూటింగ్ జ‌రుగుతోంది. టాలీవుడ్‌లో గ‌త ఏడాది హ‌య్యెస్ట్ క‌లెక్ష‌న్స్ సాధించిన పుష్ప సినిమాకు సీక్వెల్‌గా పుష్ప -2 తెర‌కెక్కుతోంది.

ఈ సీక్వెల్ షూటింగ్ పూర్త‌యిన త‌ర్వాత అల్లు అర్జున్ - సురేంద‌ర్‌రెడ్డి సినిమా సెట్స్‌పైకి రానున్న‌ట్లు తెలిసింది. త్వ‌ర‌లోనే ఈ సినిమాపై క్లారిటీ వ‌చ్చే అవ‌కాశం ఉన్న‌ట్లు చెబుతున్నారు.