Rishabh Pant ban : ఐపీఎల్లో నిషేధానికి అడుగు దూరంలో రిషభ్ పంత్.. కారణం ఇదే!
05 April 2024, 6:35 IST
- Rishabh Pant DC : ఐపీఎల్ 2024లో ఒక మ్యాచ్ నిషేధానికి అడుగు దూరంలో ఉన్నాడు దిల్లీ క్యాపిటల్స్ కెప్టెన్ రిషభ్ పంత్. ఇదే జరిగితే.. ఇప్పటికే కష్టాల్లో ఉన్న డీసీకి షాక్ తగిలినట్టే!
డీసీ కెప్టెన్ రిషభ్ పంత్పై నిషేధం తప్పదా?
Rishabh Pant IPL ban : కోల్కతా నైట్ రైడర్స్తో బుధవారం జరిగిన మ్యాచ్లో ఓటమి పాలైన దిల్లీ క్యాపిటల్స్కి మరో షాక్ తగిలేడట్టు ఉంది! ఐపీఎల్ 2024లో వరుస ఓటములతో పాయింట్స్ టేబుల్లో చివరి నుంచి రెండో స్థానంలో ఉన్న ఈ జట్టు కెప్టెన్ రిషభ్ పంత్పై నిషేధం పడే సూచనలు కనిపిస్తున్నాయి. దిల్లీ క్యాపిటల్స్ జట్టు స్లో ఓవర్ రేట్ వ్యవహారమే ఇందుకు కారణం. ఇదే విషయంలో పంత్పై భారీగా ఫైన్ పడింది.
RCB vs CSK : ధోనీ కోపం.. కోహ్లీ ఎమోషనల్- ట్రెండింగ్లో ‘డెఫినెట్లీ నాట్’! క్రికెట్ అంటే ఇదే..
Virat Kohli: అంపైర్‌తో గొడవకు దిగిన విరాట్ కోహ్లీ.. అలా చేయమంటూ ఒత్తిడి.. చివరికీ..!
CSK vs RCB: ప్లేఆఫ్స్ చేరిన బెంగళూరు.. చిన్నస్వామిలో అద్భుత విజయం.. వరుసగా ఆరో గెలుపు.. చెన్నై ఎలిమినేట్
RCB vs CSK: బాదేసిన బెంగళూరు.. డుప్లెసిస్, కోహ్లీ, పాటిదార్ మెరుపులు.. చెన్నై ముందు భారీ టార్గెట్.. ప్లేఆఫ్స్ చేరాలంటే..
రిషభ్ పంత్పై నిషేధం తప్పదా..?
ఘోర రోడ్డు ప్రమాదం నుంచి కోలుకుని ఐపీఎల్ 2024లో ఎంట్రీ ఇచ్చాడు రిషభ్ పంత్. ప్లేయర్గా పర్లేదు అనిపిస్తున్నాడు. కానీ డీసీని స్లో ఓవర్ రేట్ సమస్య వెంటాడుతోంది. బుధవారం కేకేఆర్తో జరిగిన మ్యాచ్ ముగిసిన తర్వాత.. పంత్పై రూ. 24 లక్షల ఫైన్ పడింది. స్లో ఓవర్ రేట్ కారణంగా పంత్పై ఇలాంటి ఫైన్ పడటం.. ఐపీఎల్ 2024లో ఇది రెండోసారి. ఇక మిగిలిన జట్టు సభ్యులపై 25శాతం ఫైన్ పడింది.
"టాటా ఐపీఎల్ 2024లో కేకేఆర్ మ్యాచ్లో స్లో ఓవర్ రేట్ కారణంగా దిల్లీ క్యాపిటల్స్ కెప్టెన్ రిషభ్ పంత్పై ఫైన్ పడింది," అని ఓ స్టేట్మెంట్ ఇచ్చింది ఇపీఎల్.
DC vs KKR highlights : "రెండో స్లో ఓవర్ రేట్ ఫైన్ కావడంతో పంత్పై రూ. 24 లక్షల జరిమానా పడింది. ఇంపాక్ట్ ప్లేయర్ సహా జట్టులోని మిగిలిన వారిపై రూ. 6 లక్షలు లేదా 25శాతం ఫైన్ పడింది," అని ఐపీఎల్ పేర్కొంది.
కేకేఆర్తో జరిగిన మ్యాచ్లో దిల్లీ క్యాపిటల్స్ 106 పరుగుల భారీ తేడాతో ఓటమి పాలైంది. కేకేఆర్ జట్టు 272 పరుగులు చేసింది. ఐపీఎల్ చరిత్రలో ఇది రెండో అత్యధికం. ఇది.. రిషభ్ పంత్ నేతృత్వంలోని దిల్లీ క్యాపిటల్స్కి 4 మ్యాచ్లలో మూడో ఓటమి.
ఇక ఐపీఎల్ రూల్స్ ప్రకారం.. మూడోసారి కూడా స్లో ఓవర్ రేట్ కనిపిస్తే.. సంబంధిత జట్టు కెప్టెన్పై రూ. 30లక్షల ఫైన్తో పాటు ఒక మ్యాచ్లో నిషేధం పడుతుంది. జట్టులోని ఇతర సభ్యులపై రూ. 12లక్షలు లేదా మ్యాచ్ ఫీజులో 50శాతం ఫైన్ పడుతుంది.
Rishabh Pant IPL 2024 : ఐపీఎల్ 2024లో ఇప్పటికే పీకల్లోతు కష్టాల్లో ఉన్న డీసీ జట్టుకు.. రిషభ్ పంత్ దూరమైతే మరిన్ని కష్టాలు తప్పవు. అందుకే.. పంత్, రానున్న మ్యాచ్లలో ఈ స్లో ఓవర్ రేట్ వ్యవహారాన్ని కచ్చితంగా దృష్టిలో పెట్టుకుని ఆడాలి.
ముంబై ఇండియన్స్తో దిల్లీ క్యాపిటల్స్ తదుపరి మ్యాచ్ ఉంటుంది. ముంబై వేదికగా.. ఆదివారం మధ్యాహ్నం ఈ మ్యాచ్ జరుగుతుంది.