హైదరాబాద్ లో ట్రాన్స్ జెండర్లను ట్రాఫిక్ అసిస్టెంట్లుగా నియమించనున్న ప్రభుత్వం

హైదరాబాద్ ట్రాఫిక్ పోలీస్ డిపార్ట్ మెంట్ లో ట్రాఫిక్ అసిస్టెంట్లుగా ఎంపికయ్యేందుకు నిర్వహించిన ఫిజికల్ ఎఫిషియెన్సీ టెస్టుల్లో 44 మంది ట్రాన్స్ జెండర్లు ఉత్తీర్ణత సాధించారు. సమాజంలో ట్రాన్స్జెండర్ కమ్యూనిటీకి గుర్తింపు ఇచ్చేందుకు వారిని ట్రాఫిక్ వాలంటీర్లుగా నియమించాలని ముఖ్యమంత్రి ఎ.రేవంత్ రెడ్డి అధికారులను ఆదేశించడంతో తెలంగాణ ప్రభుత్వం ట్రాన్స్జెండర్లను ట్రాఫిక్ అసిస్టెంట్లుగా నియమించే ప్రక్రియను ప్రారంభించింది.

ప్రభుత్వ ఆదేశాల మేరకు గోషామహల్ పోలీస్ గ్రౌండ్ లో సాంఘిక సంక్షేమ శాఖ ఇచ్చిన అభ్యర్థుల జాబితా ప్రకారం ట్రాన్స్‌జెండర్లకు పరీక్షలు నిర్వహించినట్లు హైదరాబాద్ పోలీసులు ఒక ప్రకటనలో తెలిపారు.

59 మంది హాజరు

నియామక ప్రక్రియకు 58 మంది ట్రాన్స్ జెండర్లు హాజరయ్యారని, వారిలో 44 మంది 800 మీటర్ల పరుగు పందెం, లాంగ్ జంప్, షాట్ పుట్ పోటీల్లో ఎంపికయ్యారని తెలిపింది.

ఈ సందర్భంగా హైదరాబాద్ పోలీస్ కమిషనర్ సీవీ ఆనంద్ మాట్లాడుతూ మీరు మీ కమ్యూనిటీకి ఆదర్శంగా నిలిచి హైదరాబాద్ పోలీసులకు, తెలంగాణ రాష్ట్ర పోలీస్ శాఖకు మంచి పేరు తీసుకురావాలని అన్నారు.

మరో సీనియర్ పోలీసు అధికారి మాట్లాడుతూ "44 మంది ట్రాన్స్ జెండర్లు శారీరక సామర్థ్య పరీక్షల్లో ఉత్తీర్ణత సాధించారు. వారి ఎంపిక పూర్తి ప్రమాణాలకు (వైద్య మరియు నేపథ్య తనిఖీ) లోబడి ఉంటుంది. తరువాత వారిని షార్ట్ లిస్ట్ చేస్తారు. వారు ఆరు నెలల పాటు ప్రయోగాత్మకంగా శిక్షణలో, విధుల్లో పాల్గొంటారు..’ అని వివరించారు.

ట్రాన్స్‌జెండర్ల నియామకంలో 18-40 ఏళ్ల మధ్య వయస్సు గల అభ్యర్థులు, ఎస్సెస్సీ విద్యార్హతతో అర్హులు. వారు కూడా ప్రభుత్వం జారీ చేసిన వ్యక్తిగత గుర్తింపు కార్డు కలిగి ఉండాలని, హైదరాబాద్ కమిషనరేట్ పరిధిలో నివాసం ఉండాలని తెలిపింది.