Vivo T3 Ultra 5G: పవర్ ఫుల్ చిప్ సెట్ తో వివో టీ3 అల్ట్రా 5జీ స్మార్ట్ ఫోన్ లాంచ్; ధర ఎంతంటే?

టీ3 సిరీస్ స్మార్ట్ ఫోన్ లో నాలుగో మోడల్ ను వివో భారత్ లో లాంచ్ చేసింది. వివో టీ-సిరీస్ స్మార్ట్ ఫోన్ లలో "అల్ట్రా" వేరియంట్ ను ప్రవేశపెట్టడం ఇదే మొదటిసారి. వివో టీ3 అల్ట్రా 5జీలో శక్తివంతమైన మీడియాటెక్ చిప్సెట్, ఐపీ68 రేటింగ్, 3డీ కర్వ్డ్ అమోఎల్ఈడీ డిస్ప్లే వంటి పలు అధునాతన ఫీచర్లు ఉన్నాయి. రూ.35,000 లోపు యూజర్ల కోసం వివో టీ3 అల్ట్రా ను తీసుకువచ్చారు.

వివో టీ3 అల్ట్రా 5జీ స్పెసిఫికేషన్లు, ఫీచర్లు

వివో టీ3 అల్ట్రా 5జీలో 120 హెర్ట్జ్ రిఫ్రెష్ రేట్, 4500 నిట్స్ పీక్ బ్రైట్ నెస్ తో 6.78 అంగుళాల 3డీ కర్వ్డ్ అమోఎల్ఈడీ డిస్ ప్లే ఉంది. ఇది మెరుగైన వీక్షణ అనుభవం కోసం 1.5 కె రిజల్యూషన్, 1.07 బిలియన్ రంగులను కూడా అందిస్తుంది. డిజైన్ పరంగా, ఈ స్మార్ట్ ఫోన్ వివో వీ 40 ప్రో ను పోలి ఉంటుంది. అయితే, హార్డ్ వేర్ మాత్రం పూర్తిగా భిన్నంగా ఉంటుందని కంపెనీ పేర్కొంది. వివో టీ3 అల్ట్రా 5జీ లో మీడియాటెక్ డైమెన్సిటీ 9200+ ప్రాసెసర్ తో పాటు 12 జిబి ర్యామ్, 256 జిబి స్టోరేజ్ ఉన్నాయి.

డ్యూయల్ కెమెరా సెటప్

ఫోటోగ్రఫీ కోసం, వివో టీ 3 అల్ట్రా 5 జీ స్మార్ట్ ఫోన్ లో డ్యూయల్ కెమెరా సెటప్ ఉంది. ఇందులో సోనీ ఐఎంఎక్స్ 921 సెన్సార్, ఓఐఎస్ సపోర్ట్ తో 50 ఎంపీ ప్రధాన కెమెరా ఉంది. సెల్ఫీల కోసం 8 మెగాపిక్సెల్ అల్ట్రావైడ్ కెమెరా, 50 మెగాపిక్సెల్ ఫ్రంట్ ఫేసింగ్ కెమెరా ఉన్నాయి. ఈ స్మార్ట్ ఫోన్ (smartphone) లో ఏఐ ఎరేజర్, ఏఐ ఫోటో ఎన్హాన్స్మెంట్ వంటి ఏఐ కెమెరా ఫీచర్లు కూడా ఉన్నాయి. వివో టీ 3 అల్ట్రా లో 5500 ఎంఏహెచ్ బ్యాటరీని అందించారు. ఇది 80 వాట్ ఫాస్ట్ ఛార్జర్ ను సపోర్ట్ చేస్తుంది. ఆండ్రాయిడ్ 14 ఆధారిత ఫన్ టచ్ ఓఎస్ 14 ఆపరేటింగ్ సిస్టంపై ఈ స్మార్ట్ ఫోన్ పనిచేస్తుంది.

వివో టి3 అల్ట్రా 5 జి ధర, లభ్యత

వివో (VIVO) టి 3 అల్ట్రా 5 జి 8 జిబి + 128 జిబి స్టోరేజ్ వేరియంట్ ప్రారంభ ధర రూ.31,999 లుగా ఉంది. లూనార్ గ్రే, ఫారెస్ట్ గ్రీన్ అనే రెండు రంగుల్లో ఈ ఫోన్ అందుబాటులో ఉండనుంది. వివో టీ3 అల్ట్రా 5జీ అధికారిక సేల్ ఫ్లిప్ కార్ట్, వివో వెబ్సైట్, ఇతర ఆఫ్లైన్ రిటైల్ స్టోర్లలో సెప్టెంబర్ 19 రాత్రి 7 గంటలకు ప్రారంభమవుతుంది. లాంచ్ ఆఫర్లో భాగంగా వివో టీ3 అల్ట్రా 5జీపై రూ.3000 డిస్కౌంట్ (Discount) పొందొచ్చు.