Triumph Speed 400 vs Royal Enfield Guerilla 450 : ఈ రెండు బైక్స్​ ధర ఒకటే- కానీ ఏది వాల్యూ ఫర్​ మనీ?

2025 ట్రయంఫ్ స్పీడ్ 400, రాయల్ ఎన్​ఫీల్డ్​ గెరిల్లా 450 వంటి కొత్త ఎంట్రీలతో 400-450 సీసీ సెగ్మెంట్​లో పోటీ మరింత పెరిగింది. ఈ నేపథ్యంలో ఈ రెండింటినీ పోల్చి, ఏది బెస్ట్​? ఏది వాల్యూ ఫర్​ మనీ? వంటి వివరాలను ఇక్కడ తెలుసుకుందాము..

ట్రయంఫ్ స్పీడ్ 400 వర్సెస్ రాయల్ ఎన్​ఫీల్డ్​ గెరిల్లా 450: ఇంజిన్- పర్ఫార్మెన్స్​

ట్రయంఫ్ స్పీడ్ 400 అనేది 398 సీసీ, సింగిల్ సిలిండర్, లిక్విడ్-కూల్డ్ ఇంజిన్​ను కలిగి ఉంది. ఇది 8,000 ఆర్​పీఎమ్ వద్ద 39 బీహెచ్​పీ పవర్​ని, 6,500 ఆర్​పీఎమ్ వద్ద 37.5 ఎన్ఎమ్ టార్క్​ని ఉత్పత్తి చేస్తుంది. స్లిప్పర్ క్లచ్​తో 6-స్పీడ్ ట్రాన్స్​మిషన్ ఈ బైక్​లో ఉంది.

రాయల్ ఎన్​ఫీల్డ్​ గెరిల్లా 450 సీసీ, సింగిల్ సిలిండర్, లిక్విడ్-కూల్డ్ ఇంజిన్​ని పొందుతుంది. ఇది 8,000 ఆర్​పీఎమ్ వద్ద 39 బిహెచ్​పీ పవర్​ని, 5,500 ఆర్​పీఎమ్ వద్ద 40 ఎన్ఎమ్ టార్క్​ని జనరేట్​ చేస్తుంది. ఇక్కడ 6 స్పీడ్​ గేర్ బాక్స్​లో స్లిప్, అసిస్ట్ క్లచ్​ ఉంటాయి.

ట్రయంఫ్ స్పీడ్ 400 వర్సెస్ రాయల్ ఎన్​ఫీల్డ్​ గెరిల్లా 450: సస్పెన్షన్- బ్రేకింగ్​..

స్పీడ్ 400 ముందు భాగంలో 43 ఎంఎం అప్​సైడ్ డౌన్ ఫోర్కులను ట్రయంఫ్​ అందిస్తోంది. 140 ఎంఎం ట్రావెల్, వెనుక భాగంలో మోనోషాక్ సస్పెన్షన్ 130 ఎంఎంని అందిస్తుంది. బ్రేకులు డ్యూయెల్-ఛానల్ ఏబీఎస్​ని కలిగి ఉన్నాయి. ముందు భాగంలో 300 ఎంఎం డిస్క్, వెనుక భాగంలో 230 ఎంఎం డిస్క్ ఉన్నాయి. ట్రయంఫ్ ఈ మోటార్ బైక్​లో రోడ్ టైర్లతో కూడిన 17 ఇంచ్​ వీల్స్​ని అందిస్తుంది.

రాయల్​ ఎన్​ఫీల్డ్​ గెరిల్లా 450 బైక్ ముందు భాగంలో 140 ఎంఎం ట్రావెల్​తో 43 ఎంఎం అప్​సైడ్ డౌన్ ఫోర్కులు, వెనుక భాగంలో 150 ఎంఎం లింకేజ్ టైప్ మోనోషాక్​ని కలిగి ఉంది. ముందు భాగంలో 310 ఎంఎం డిస్క్​లు, వెనుక భాగంలో 270 ఎంఎం బ్రేకులు, వెనుక భాగంలో డ్యూయెల్ ఛానల్ ఏబీఎస్ ఉన్నాయి. ఏదేమైనా, గెరిల్లా 450లోని టైర్లు ఆఫ్-రోడ్ స్పోక్డ్ వీల్స్​తో ఉంటాయి. 

ట్రయంఫ్ స్పీడ్ 400 వర్సెస్ రాయల్ ఎన్​ఫీల్డ్​గెరిల్లా 450: ఫీచర్లు..

స్పీడ్ 400 యూఎస్బి-సీ ఛార్జర్ వంచి మంచి అదనపు ఫీచర్లను పొందుతుంది. ఇది హీట్​ గ్రిప్లను యాక్ససరీగా జోడించడానికి, వివిధ రైడింగ్ పరిస్థితులకు స్విచ్చెబుల్ ట్రాక్షన్ కంట్రోల్​ని కూడా అందిస్తుంది. కానీ ట్రిప్పర్ డాష్, గూగుల్ మ్యాప్స్, వైఫై కనెక్టివిటీతో కూడిన పూర్తి డిజిటల్ డిస్ప్లే పరంగా గెరిల్లా ఫీచర్స్​ బాగున్నాయి. గెరిల్లా బైక్​ వివిధ రైడింగ్ మోడ్లను కూడా పొందుతుంది. ఎల్ఈడీ లైటింగ్ వంటి ప్రాథమిక సౌకర్యాల పరంగా ఈ రెండు బైకులు బాగుంటాయి..

ట్రయంఫ్ స్పీడ్ 400 వర్సెస్ రాయల్ ఎన్​ఫీల్డ్​ గెరిల్లా 450: ధర

ట్రయంఫ్ స్పీడ్ 400 ధర రూ .2.4 లక్షలు (ఎక్స్-షోరూమ్). రాయల్ ఎన్ఫీల్డ్ గెరిల్లా 450 ధర రూ .2.39 లక్షలు (ఎక్స్-షోరూమ్).