Tecno Camon 20 series : టెక్నో కామెన్​ 20 సిరీస్​ లాంచ్​.. హైలైట్స్​ ఇవే..!

Tecno Camon 20 series launch : స్మార్ట్​ఫోన్​ తయారీ సంస్థ టెక్నో.. కామెన్​ 20 సిరీస్​ను ఇండియాలో లాంచ్​ చేసింది. ఈ సిరీస్​లో కామెన్​ 20, 20 ప్రో 5జీ, 20 ప్రీమియర్​ 5జీ స్మార్ట్​ఫోన్స్​ ఉన్నాయి. వీటి ఫీచర్స్​, ధరతో పాటు ఇతర వివరాలు ఇక్కడ తెలుసుకుందాము..

టెక్నో కామెన్​ 20 సిరీస్​ లాంచ్​..

ఇండియాలో మార్కెట్​ షేరు పెంచుకునేందుకు తీవ్రంగా కృషి చేస్తోంది టెక్నో. ఇందులో భాగంగానే.. ప్రీమియం సెగ్మెంట్​తో పాటు ఇతర విభాగాల్లో ఆకర్షణీయమైన గ్యాడ్జెట్స్​ను లాంచ్​ చేస్తోంది. ఇక ఇప్పుడు కామెన్​ 20 సిరీస్​తో మిడ్​ 4జీ, మిడ్​ 5జీ సెగ్మెంట్స్​ను టార్గెట్​ చేసింది.

కామెన్​ 20 సిరీస్​లోని మూడు స్మార్ట్​ఫోన్స్​లో టాప్​ సెంటర్డ్​ పంచ్​ హోల్​ కటౌట్​, ఇన్​ డిస్​ప్లే ఫింగర్​ప్రింట్​ సెన్సార్​లు ఉంటాయి. వీటిలో 6.67 ఇంచ్​ ఫుల్​ హెచ్​డీ+ అమోలెడ్​ డిస్​ప్లే ఉంటుంది. ప్రో మోడల్​లో 120 హెచ్​జెడ్​ రిఫ్రెష్​ రేట్​తో స్క్రీన్​ ఉంటుంటే.. ఇతర డివైజ్​లకు అది 60హెచ్​జెడ్​గా ఉంది.

టెక్నో కామెన్​ 20 సిరీస్​- ఫీచర్స్​..

Tecno Camon 20 pro pic : కామెన్​ 20లో 64ఎంపీ ప్రైమరీ, 2ఎంపీ డెప్త్​తో పాటు మరో కెమెరా లెన్స్​ ఉంది. ఇక 20 ప్రో 5జీలో 64ఎంపీ ప్రైమరీ, 2ఎంపీ సెకండరీతో పాటు బొకేహ్​ కెమెరా లెన్స్​లు వస్తున్నాయి. 20 ప్రీమియం 5జీ వేరియంట్​లో 50ఎంపీ ప్రైమరీ, 108ఎంపీ అల్ట్రా వైడ్​, 2ఎంపీ బొకేహ్​ సెన్సార్​లు వస్తున్నాయి. ఇక సెల్ఫీల కోసం ఈ మూడు గ్యాడ్జెట్స్​లోనూ 32ఎంపీ కెమెరా లభిస్తుండటం విశేషం.

కామెన్​ 20లో హీలియో జీ85 చిప్​సెట్​ ఉంటుంది. 8జీబీ ర్యామ్​- 256 జీబీ స్టోరేజ్​ దీని సొంతం. ఇక 20 ప్రో, 20 ప్రీమియర్​లో డైమెన్సిటీ 8050 ఎస్​ఓసీ చిప్​సెట్​ ఉంటుంది. టెక్నో కామెన్​ 20 ప్రోలో 8జీబీ ర్యామ్​- 128జీబీ స్టోరజ్​/ 8జీబీ ర్యామ్​- 256జీబీ స్టోరేజ్​ వస్తుండగా.. 20 ప్రీమియర్​లో 8జీబీ ర్యామ్​- 512 జీబీ స్టోరేజ్​ లభిస్తోంది.

ఈ మూడు డివైజ్​లలోనూ 5000ఎంఏహెచ్​ బ్యాటరీ వస్తోంది. టెక్నో కామెన్​ 20, 20 ప్రోకు 33 వాట్​ ఫాస్ట్​ ఛార్జింగ్​ సపోర్ట్​ లభిస్తుండగా.. 20 ప్రీమియర్​కు అది 44వాట్​గా ఉంది.

టెక్నో కామెన్​ 20 సిరీస్​- ధర..

Tecno Camon 20 premier 5G price : టెక్నో కామెన్​ 20 ధర రూ. 14,999గా ఉంది. నేటి నుంచి ఇది అమెజాన్​లో అందుబాటులో ఉంటుంది. ఇక 20 ప్రో 5జీ ధరలు రూ. 19,999- రూ. 21,999గా ఉన్నాయి. ఇవి జూన్​ రెండో వారంలో అందుబాటులోకి వస్తాయి. 20 ప్రీమియర్​ 5జీ ధరతో పాటు ఇతర వివరాలు జూన్​ 3 వారంలో సంస్థ ప్రకటించనుంది.