Tata Motors share price : నెల రోజుల్లో 12శాతం పతనం- ఈ రోజు 3% డౌన్​.. టాటా మోటార్స్​ షేర్స్​కి ఏమైంది?

టాటా మోటార్స్​ షేర్లు గత కొన్నిరోజులుగా పతనమవుతున్నాయి. మరీ ముఖ్యంగా నెల రోజుల వ్యవధిలో టాటా మోటార్స్​ స్టాక్​ ఏకంగా 12.5శాతం పడింది. ఇక మంగళవారం ఉదయం ట్రేడింగ్​ సెషన్​లోనూ ఈ సంస్థ షేర్లు దాదాపు 3శాతం క్షీణించాయి. 52 వీక్​ హై అయిన రూ. 1,179 నుంచి టాటా మోటార్స్​ షేరు ఇప్పుడు రూ. 906 వద్దకు చేరింది. దీనికి ప్రధాన కారణంగా ఇటు దేశీయంగా సంస్థ సేల్స్​ తగ్గడం, అటు జేల్​ఆర్​ అమ్మకాలు కూడా పతనం అవ్వడం!

టాటా మోటార్స్​ షేర్లు ఎందుకు పడుతున్నాయి?

మంగళవారం ట్రేడింగ్​ సెషన్​లో టాటా మోటార్స్ షేరు ధర బీఎస్​ఈలో రూ .918.10 వద్ద ప్రారంభమైంది. ఇది మునుపటి ముగింపు రూ .928.10 తో పోలిస్తే 1% ఎక్కువ. ఆ తర్వాత టాటా మోటార్స్ షేరు ధర రూ.893.90కు పడిపోయింది. అనంతరం కాస్త పుంజుకుంది.

2025 ఆర్థిక సంవత్సరం రెండొవ త్రైమాసికంలో జేఎల్ఆర్ హోల్​సేల్స్​ డేటా 87,303 యూనిట్లుగా నమోదైంది. 2024 ఆర్థిక సంవత్సరం రెండొవ త్రైమాసికంతో పోల్చితే ఇది 10% తక్కువ. సరఫరా పరిమితులే ఈ తగ్గుదలకు కారణమని విశ్లేషకులు చెబుతున్నారు.

ప్రీమియం అల్యూమినియం సరఫరాదారుల నుంచి సరఫరా సమస్యల ఫలితంగా జాగ్వార్ ల్యాండ్ రోవర్ (జేఎల్ఆర్) ఉత్పత్తి 86,000 యూనిట్లకు (7% తగ్గింది) పరిమితమైంది. ఇది అనేక ఒరిజినల్ పరికరాల తయారీదారులను సైతం ప్రభావితం చేసింది.

దాదాపు 6,500 వాహనాలు అడిషనల్​ క్వాలిటీ చెక్స్​ కారణంగా హోల్డ్​లో ఉన్నాయి. వీటిల్లో యూకే, యూరోపియన్​ ప్రాంతాలకు చెందిన వాహనాలే అధికం.

మరోవైపు, టాటా మోటార్స్ ప్రకారం రెండొవ త్రైమాసికంలో 103,108 యూనిట్ల రిటైల్ అమ్మకాలు (చెర్రీ జాగ్వార్ ల్యాండ్ రోవర్ చైనా జేవీతో సహా).. ఏడాది క్రితం ఇదే త్రైమాసికంతో పోలిస్తే 3% తగ్గాయి.

అయితే అల్యూమినియం సరఫరా పరిస్థితి సాధారణ స్థీతికి వస్తే ఈ ఆర్థిక సంవత్సరం ద్వితీయార్థంలో ఉత్పత్తి, హోల్​సేల్ వాల్యూమ్స్ మెరుగుపడతాయని, బలంగా పుంజుకుంటాయని జేఎల్​ఆర్ అంచనా వేస్తోంది. మొత్తం హోల్​సేల్స్​లో అత్యంత లాభదాయకమైన రేంజ్ రోవర్, రేంజ్ రోవర్ స్పోర్ట్, డిఫెండర్ మోడళ్ల వాటా 67శాతంగా ఉండటం సానుకూల విషయం.

క్యూ2 అంచనాలు కట్​..

జేఎల్​ఆర్​ క్యూ2 హోల్​సేల్​ వాల్యూమ్స్​ని దృష్టిలో పెట్టుకుని, మోతీలాల్​ ఓస్వాల్​ ఫైనాన్షియల్​ సర్వీసెస్​ నిపుణులు దాని ఎఫ్​వై25 క్యూ2 రెవెన్యూ, ఇంట్రెస్ట్​ ట్యాక్స్​ డిప్రిసియేషన్​కి ముందు ఆదాయం, నెట్​ ప్రాఫిట్​ అంచనాలను వరుసగా 5.8శాతం, 3.03శాతం, 8.2శాతానికి తగ్గించారు.

కన్సాలిడేటెడ్ రెవెన్యూ, ఎబిటా, నికరలాభం క్యూ2 ఎఫ్​వై25 అంచనాలు ప్రస్తుతం సుమారు రూ.96240 కోట్లు, రూ.12950 కోట్లు, రూ.404 కోట్లుగా ఉన్నాయి. ఇవి మునుపటి అంచనాలతో పోలిస్తే వరుసగా 4 శాతం, 2.4 శాతం, 5.3 శాతం తక్కువ.

మోతీలాల్ ఓస్వాల్ ఫైనాన్షియల్ సర్వీసెస్ విశ్లేషకుల అభిప్రాయం ప్రకారం.. డిమాండ్ ఉత్పత్తి, పోర్ట్​ఫోలియో మిక్స్​, ఈవీల తయారీపై దృష్టి పెట్టడం వల్ల పెరుగుతున్న వ్యయ ఒత్తిడి కారణంగా జేఎల్ఆర్ మార్జిన్లు డైల్యూట్​ అయ్యే అవకాశం ఉంది.

భారతీయ ఆటో పరిశ్రమ డిమాండ్ తగ్గుముఖం పట్టింది. విశ్లేషకుల అభిప్రాయం ప్రకారం కమర్షియల్ వెహికిల్ సేల్స్​కు డిమాండ్ కూడా ఓ మోస్తరుగానే ఉంది. తద్వారా ఎంఓఎఫ్​ఎస్​ఎల్​ విశ్లేషకులు.. భారతీయ వ్యాపారానికి ఫ్లాట్ మార్జిన్లను తమ అంచనా కాలానికి (ఎఫ్​వై24-26) పరిగణనలోకి తీసుకున్నారు.

(గమనిక:- ఇది కేవలం సమాచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా ఇన్​వెస్ట్​మెంట్​ నిర్ణయం తీసుకునే ముందు సెబీ రిజిస్టర్డ్​ ఫైనాన్షియల్​ అడ్వైజర్​ని సంప్రదించడం శ్రేయస్కరం.)