Stock market today: నష్టాల్లో ముగిసిన స్టాక్ మార్కెట్; కారణాలు ఇవే..

sudStock market today: బలహీన అంతర్జాతీయ సంకేతాల మధ్య ఐసీఐసీఐ బ్యాంక్, ఇన్ఫోసిస్, లార్సెన్ అండ్ టుబ్రో (L and T) వంటి దిగ్గజాల షేర్లలో ప్రాఫిట్ బుకింగ్ తో భారత స్టాక్ మార్కెట్ సూచీలు సెన్సెక్స్, నిఫ్టీ 50 బుధవారం నష్టాల్లో ముగిశాయి. రిలయన్స్ ఇండస్ట్రీస్, హిందుస్థాన్ యూనిలీవర్, ఏషియన్ పెయింట్స్ షేర్ల లాభాలతో సూచీలు కొంతమేరకు నష్టాల నుంచి కోలుకున్నాయి.

రోజంతా ఎరుపులోనే..

710 పాయింట్ల నష్టంతో 81,845.50 వద్ద ప్రారంభమైన సెన్సెక్స్ సెషన్ అంతటా ఎరుపు రంగులోనే కొనసాగి, 722 పాయింట్ల నష్టంతో 81,833.69 వద్ద ఇంట్రాడే కనిష్టాన్ని తాకింది. నిఫ్టీ 25,089.95 పాయింట్ల వద్ద ప్రారంభమై 25,083.80 పాయింట్ల వద్ద ఇంట్రాడే కనిష్టాన్ని తాకింది. చివరకు 30 షేర్ల ప్యాక్ సెన్సెక్స్ 203 పాయింట్లు లేదా 0.25 శాతం క్షీణించి 82,352.64 వద్ద ముగిసింది. నిఫ్టీ 81 పాయింట్ల నష్టంతో 25,198.70 వద్ద ముగిసింది. బీఎస్ఈ మిడ్ క్యాప్ ఇండెక్స్ 0.12 శాతం క్షీణించగా, స్మాల్ క్యాప్ ఇండెక్స్ 0.32 శాతం పెరిగింది.

ఈ రోజు భారత స్టాక్ మార్కెట్ పతనానికి కారణమేంటి?

బలహీనమైన అంతర్జాతీయ సంకేతాలు దేశీయ మార్కెట్ సెంటిమెంట్ ను దెబ్బతీశాయి. ఎంపిక చేసిన హెవీవెయిట్స్ లో ప్రాఫిట్ బుకింగ్ ను ప్రేరేపించాయి. ఆగస్టులో అమెరికా తయారీ మందగమనంలో ఉందని మంగళవారం గణాంకాలు వెల్లడించడంతో మార్కెట్ సెంటిమెంట్ మరింత దెబ్బతింది. నాస్ డాక్ 3 శాతానికి పైగా పతనం తర్వాత జపాన్ కు చెందిన నిక్కీ, కొరియాకు చెందిన కోస్పి వంటి పలు ఆసియా మార్కెట్లు 4 శాతం వరకు పతనమయ్యాయి. యూరోపియన్ మార్కెట్లలో యూకేకు చెందిన ఎఫ్ టిఎస్ ఇ, ఫ్రాన్స్ కు చెందిన సిఎసి, జర్మనీకి చెందిన డాక్స్ లు దాదాపు ఒక శాతం చొప్పున క్షీణించాయి.

కొత్త ట్రిగ్గర్లు లేవు

దేశీయంగా మార్కెట్ ను సానుకూలంగా ప్రేరేపించే కొత్త ట్రిగ్గర్లు లేవు. అందువల్ల, ప్రపంచ సంకేతాలు మార్కెట్ కదలికను నిర్దేశిస్తాయి. బలహీనమైన యుఎస్ తయారీ డేటా నుండి హెచ్చరిక సంకేతాలు యుఎస్ ఆర్థిక వ్యవస్థలో మందగమనం గురించి ఆందోళనలను జోడించాయి, ఇది దేశీయ సూచీలను కిందకు లాగింది. దీనికి తోడు చైనా లోనూ మందగమనం, చమురు ధరల క్షీణతను సెంటిమెంట్ ను మరింత దెబ్బతీశాయి.

నిఫ్టీ లో టాప్ లూజర్స్

నిఫ్టీ 50 ఇండెక్స్ లో విప్రో, కోల్ ఇండియా, ఓఎన్జీసీ షేర్లు టాప్ లూజర్స్ గా ముగిశాయి. మరోవైపు ఏషియన్ పెయింట్స్, గ్రాసిమ్, హిందుస్థాన్ యూనిలీవర్ సూచీలో టాప్ గెయినర్స్ గా నిలిచాయి. ఇండెక్స్ కంట్రిబ్యూషన్స్ పరంగా చూస్తే ఐసీఐసీఐ బ్యాంక్, ఇన్ఫోసిస్, లార్సెన్ అండ్ టర్బో, యాక్సిస్ బ్యాంక్, కోల్ ఇండియా, ఎస్బీఐ టాప్-10 లూజర్స్ లో ఉన్నాయి. రంగాలవారీగా చూస్తే నిఫ్టీ పీఎస్యూ బ్యాంక్ (1.69 శాతం), ఐటీ (0.94 శాతం), మెటల్ (0.75 శాతం) టాప్ లూజర్లుగా నిలిచాయి. నిఫ్టీ బ్యాంక్ 0.56 శాతం నష్టంతో ముగియగా, ప్రైవేట్ బ్యాంక్ ఇండెక్స్ 0.65 శాతం క్షీణించింది.

సూచన: పై అభిప్రాయాలు, సిఫార్సులు వ్యక్తిగత విశ్లేషకులు, నిపుణులు, బ్రోకరేజీ సంస్థలవి. హిందుస్తాన్ టైమ్స్ తెలుగు వి కాదు. ఏదైనా పెట్టుబడి నిర్ణయాలు తీసుకునే ముందు సర్టిఫైడ్ నిపుణులను సంప్రదించాలని మేము పెట్టుబడిదారులకు సలహా ఇస్తున్నాము.