Samsung Galaxy S24: ఇలా చేస్తే.. నమ్మలేనంత తక్కువ ధరకు శాంసంగ్ గెలాక్సీ ఎస్ 24 ను సొంతం చేసుకోవచ్చు..
21 September 2024, 21:00 IST
Share
శాంసంగ్ నుంచి వచ్చిన ఫ్లాగ్ షిప్ స్మార్ట్ ఫోన్ గెలాక్సీ ఎస్ 24 ధర భారీగా తగ్గింది. వినియోగదారులు ఇప్పుడు ఈ ప్రీమియం స్మార్ట్ ఫోన్ మునుపెన్నడూ లేనంత తక్కువ ధరకు సొంతం చేసుకోవచ్చు. అందుకు మీరేం చేయాలంటే..?
నమ్మలేనంత తక్కువ ధరకు శాంసంగ్ గెలాక్సీ ఎస్ 24
తమ ఫ్లాగ్ షిప్ ప్రీమియం స్మార్ట్ ఫోన్ గెలాక్సీ ఎస్ 24 ధరను శాంసంగ్ భారీగా తగ్గించింది. భారతదేశంలో ఈ ప్రీమియం ఫోన్ ఇప్పుడు రూ.59,999 ధరకు లభిస్తుంది. క్యాష్ బ్యాక్స్, బ్యాంక్స్ డిస్కౌంట్స్ అదనం. ఇది లిమిటెడ్ టైమ్ ఫెస్టివల్ ఆఫర్ అని శామ్సంగ్ చెబుతోంది.
రూ. 12 వేల ఇన్ స్టంట్ క్యాష్ బ్యాక్
ఈ ప్రమోషనల్ డీల్ లో భాగంగా శాంసంగ్ రూ.12,000 ఇన్ స్టంట్ క్యాష్ బ్యాక్ ను అందిస్తోంది. అదనంగా, వినియోగదారులు అప్ గ్రేడ్ బోనస్ లేదా రూ .3,000 బ్యాంక్ క్యాష్ బ్యాక్ (CASH BACK) పొందవచ్చు. ఈ శాంసంగ్ గెలాక్సీ ఎస్ 24 స్మార్ట్ ఫోన్ 24 నెలల నో-కాస్ట్ ఈఎంఐ ఆప్షన్ లో కూడా లభిస్తుంది. ఈ స్మార్ట్ ఫోన్ ధరను శాంసంగ్ ప్రారంభంలో రూ.74,999 గా నిర్ణయించింది. ఇటీవల శాంసంగ్ గెలాక్సీ ఎస్ 24 అల్ట్రా ధరను కూడా తగ్గించింది.
శాంసంగ్ గెలాక్సీ ఎస్ 24 స్పెసిఫికేషన్లు, ఫీచర్లు
శాంసంగ్ గెలాక్సీ ఎస్ 24 లో 2,340×1,080 పిక్సెల్స్ రిజల్యూషన్ తో, 120 హెర్ట్జ్, హెచ్డిఆర్ 10+ రిఫ్రెష్ రేటుతో 6.2 అంగుళాల ఎఫ్ హెచ్ డీ+ డైనమిక్ అమోలెడ్ 2ఎక్స్ డిస్ ప్లే ఉంది. ఈ రిఫ్రెష్ రేటు 1 హెర్ట్జ్, 120 హెర్ట్జ్ మధ్య డైనమిక్ గా అడ్జస్ట్ అవుతుంటుంది. 2600 నిట్స్ గరిష్ట బ్రైట్ నెస్, గొరిల్లా గ్లాస్ విక్టస్ 2 కవర్ తో ఈ స్మార్ట్ ఫోన్ డిస్ ప్లే మరింత మన్నికను, స్పష్టతను అందిస్తుంది.
శాంసంగ్ గెలాక్సీ ఎస్ 24 కెమెరా
శాంసంగ్ (SAMSUNG) గెలాక్సీ ఎస్ 24 లో మల్టీ-డైరెక్షనల్ పిడిఎఎఫ్, ఆప్టికల్ ఇమేజ్ స్టెబిలైజేషన్ (OIS) వంటి ఫీచర్లతో 50 మెగాపిక్సెల్ ప్రైమరీ వైడ్ సెన్సార్ ఉంది. 3ఎక్స్ ఆప్టికల్ జూమ్, ఓఐఎస్ తో కూడిన 10 మెగాపిక్సెల్ టెలిఫోటో లెన్స్, 12 మెగాపిక్సెల్ అల్ట్రా-వైడ్ సెన్సార్ ఉన్నాయి. సెల్ఫీల కోసం ఇందులో 12 మెగాపిక్సెల్ ఫ్రంట్ కెమెరా ఉంది. శాంసంగ్ గెలాక్సీ ఎస్ 24 ఎక్సినోస్ 2400 చిప్ సెట్ పై పనిచేస్తుంది. యుఎస్, కెనడా మోడళ్లు మాత్రం స్నాప్ డ్రాగన్ 8 జెన్ 3 ప్రాసెసర్ తో పనిచేస్తాయి. 128 జీబీ, 256 జీబీ లేదా 512 జీబీ స్టోరేజ్ ఆప్షన్లను వినియోగదారులు ఎంచుకోవచ్చు. 25వాట్ వైర్డ్, 15వాట్ వైర్ లెస్ ఛార్జింగ్ సామర్థ్యాలతో పాటు 4000 ఎంఏహెచ్ బ్యాటరీతో ఈ స్మార్ట్ ఫోన్ (smartphone) పనిచేస్తుంది. ఇందులో డాల్బీ అట్మాస్ తో డ్యూయల్ స్పీకర్లు, ఐపీ68 డస్ట్ అండ్ వాటర్ రెసిస్టెన్స్, వై-ఫై 6ఈ, 5జీ, ఎల్టీఈ, ఎన్ఎఫ్సీ, బ్లూటూత్ 5.3, వై-ఫై డైరెక్ట్ వంటి కనెక్టివిటీ ఆప్షన్లు ఉన్నాయి.