Redmi Smart TV : బొమ్మ అదిరిపోయే పిక్చర్ క్వాలిటీతో రెడ్‌మీ నుంచి 4 స్మార్ట్‌ టీవీలు.. మీ బడ్జెట్‌లోనేలేండి!

చైనాకు చెందిన టెక్ కంపెనీ రెడ్‌మీ కొత్త స్మార్ట్ టీవీలను లాంచ్ చేసింది. రెడ్‌మీ స్మార్ట్ టీవీ ఎక్స్ 2025 సిరీస్ కింద 4 స్మార్ట్ టీవీలను మార్కెట్లోకి తీసుకొచ్చింది. ఈ టీవీలు 55 అంగుళాలు, 65 అంగుళాలు, 75 అంగుళాలు, 85 అంగుళాల సైజుల్లో లభిస్తాయి. ఈ టీవీలన్నీ చైనాలో లాంచ్ అయ్యాయి. అల్ట్రా హై స్క్రీన్ టు బాడీ రేషియోతో వస్తాయి. స్మూత్ గేమ్ యాక్సిలరేషన్, ఎంఈఎంసీ మోషన్ కాంపెన్సేషన్ కోసం 240 హెర్ట్జ్ అల్ట్రా-హై రిఫ్రెష్ రేట్, 4కె 144 హెర్ట్జ్ హై రిఫ్రెష్ రేట్ స్క్రీన్, మిల్లీసెకన్ల స్థాయి ఫ్రేమ్ ఇన్సర్షన్ అల్గారిథమ్ ఉన్నాయి.

ఈ టీవీల్లో అవుట్ పుట్ కోసం హెచ్‌డీఎంఐ 2.1 సపోర్ట్, వేరియబుల్ రిఫ్రెష్ రేట్, ఏఎండీ ఫ్రీసింక్ సపోర్ట్ ఉన్నాయి. ఏఐ-ఎస్ఆర్ సూపర్ రిజల్యూషన్ అల్గారిథమ్‌తో 4కె హెచ్‌డీఆర్ డీకోడింగ్‌ను ఈ టీవీ సపోర్ట్ చేస్తుంది. ఈ టీవీలో మెటల్ స్టాండ్, మెటల్ ఫ్రేమ్ ఉన్నాయి.

మీడియాటెక్ ఎంటీ9655 క్వాడ్ కోర్ కార్టెక్స్ ఏ73 ప్రాసెసర్, మాలి-జీ71 ఎంసీ1 జీపీయూ ఈ టీవీల్లో ఉన్నాయి. ఈ టీవీలో 4 జీబీ ర్యామ్, 64 జీబీ స్టోరేజ్ ఉంది. రెడ్ మీ టీవీలు హైపర్ ఓఎస్ 2తో పనిచేస్తాయి. 4కె వీడియో ప్లేబ్యాక్, 25వాట్ స్పీకర్లను సపోర్ట్ చేస్తాయి.

రెడ్ మీ 55, 65, 75, 85 అంగుళాల స్మార్ట్ టీవీలను చైనాలో ప్రవేశపెట్టారు. 55 అంగుళాల టీవీ ధర సుమారు రూ.25,390, 65 అంగుళాల టీవీ ధర సుమారు రూ.32,600గా నిర్ణయించారు. లార్జ్ స్క్రీన్ 75 అంగుళాల టీవీ ధర సుమారు రూ.44,245, 85 అంగుళాల టీవీ ధర సుమారు రూ.55,895గా నిర్ణయించారు. ఈ టీవీలన్నీ చైనాలో అమ్మకానికి అందుబాటులో ఉన్నాయి.