Realme Narzo 60 5G : రియల్​మీ నార్జో 60 సిరీస్​ లాంచ్​.. 100ఎంపీ కెమెరా, 1టీబీ స్టోరేజ్​!

Realme Narzo 60 5G : నార్జో 60 5జీ సిరీస్​ను తాజాగా ఇండియాలో లాంచ్​ చేసింది దిగ్గజ స్మార్ట్​ఫోన్​ తయారీ సంస్థ రియల్​మీ. ఈ సిరీస్​లో నార్జో 60 5జీ, నార్జో 60 ప్రో 5జీ వంటి మొబైల్స్​ ఉన్నాయి. వీటి ఫీచర్స్​, ధరలు వంటి వివరాలు ఇక్కడ తెలుసుకుందాము..

రియల్​మీ నార్జో 60 5జీ సిరీస్​..

నార్జో 60, నార్జో 60 ప్రోలో సెంటర్​- అలైన్డ్​ పంచ్​ హోల్​ కటౌట్​, కర్వ్​డ్​ ఎడ్జెస్​, అండర్​ డిస్​ప్లే ఫింగర్​ప్రింట్​ స్కానర్​లు ఉన్నాయి. రియల్​మీ నార్జో 60లో 90 హెచ్​జెడ్​ 6.43 ఇంచ్​ ఫుల్​ హెచ్​డీ ప్లస్​ అమోలెడ్​ డిస్​ప్లే లభిస్తోంది. ప్రో వేరియంట్​కు 120 హెచ్​జెడ్​ 6.7 ఇంచ్​ ఫుల్​ హెచ్​డీ ప్లస్​ అమోలెడ్​ స్క్రీన్​ వస్తోంది.

ఇక రియల్​మీ నార్జో 60లో 64ఎంపీ సింగిల్​ మెయిన్​ కెమెరా ఉంటుంది. ప్రో మోడల్​లో 100ఎంపీ ప్రైమరీ, 2ఎంపీ సెకెండరీ కెమెరా సెటప్​ ఉంటుంది. సెల్ఫీల కోసం ఈ రెండు స్మార్ట్​ఫోన్స్​లోనూ 16ఎంపీ ఫ్రెంట్​ కెమెరా వస్తోంది.

ఇదీ చూడండి:- Meta Launches Threads: ‘థ్రెడ్స్’ ను లాంచ్ చేసిన మెటా; యుద్ధం మొదలైంది.. ట్విటర్ కు కష్టమే ఇక..

నార్జో 60లో డైమెన్సిటీ 6020 చిప్​సెట్, 8జీబీ ర్యామ్​- 128జీబీ/ 256జీబీ స్టోరేజ్​​ లభిస్తుండగా.. ప్రోలో డైమెన్సిటీ 7050 ప్రాసెసర్​స 12జీబీ ర్యామ్​- 1టీబీ స్టోరేజ్​​ వస్తోంది.

ఈ రెండు స్మార్ట్​ఫోన్స్​ కూడా ఆండ్రాయిడ్​ 13 ఆధారిత రియల్​మీ యూఐ 4.0పై పనిచేస్తాయి. 5000ఎంఏహెచ్​ బ్యాటరీ వీటిల్లో ఉంటుంది. 33వాట్​, 67వాట్​ ఫాస్ట్​ ఛార్జింగ్​ సపోర్ట్​ లభిస్తోంది.

రియల్​మీ నార్జో 60 సిరీస్​ ధరలు..

Realme Narzo 60 5G price in India : నార్జో 60 ధరలు రూ. 17,999- రూ. 19,999గా ఉన్నాయి. ఇవి మార్స్​ ఆరెంజ్​, కాస్మిక్​ బ్లాక్​ రంగుల్లో అందుబాటులో ఉంటాయి. ఇక నార్జో 60 ప్రో ధరలు రూ. 23,999- రూ. 26,999- రూ. 29,999గా ఉన్నాయి. కాస్మిక్​ నైట్​, మార్టియన్​ సన్​రైజ్​ షేడ్స్​లో వీటిని కొనుగోలు చేసుకోవచ్చు.

ప్రస్తుతం ఈ స్మార్ట్​ఫోన్స్​ను సంస్థ అఫీషియల్​ వెబ్​సైట్​లో ప్రీ బుకింగ్​ చేసుకోవచ్చు. ఇందుకోసం రూ. 999 టోకెన్​ అమౌంట్​ చెల్లించాలి. రానున్న అమెజాన్​ ప్రైమ్​ డే 2023 సేల్​లో కూడా బుక్​ చేసుకోవచ్చు. మరోవైపు ప్రో మోడల్​పై ఐసీఐసీఐ బ్యాంక్​, ఎస్​బీఐ క్రెడిట్​ కార్డులపై రూ. 1,500 వరకు ఇన్​స్టెంట్​ డిస్కౌంట్​ను ఇస్తోంది రియల్​మీ సంస్థ.