Oneplus Nord CE 3 Lite vs Redmi Note 12 : ఈ రెండు స్మార్ట్​ఫోన్స్​లో.. వాల్యూ ఫర్​ మనీ ఏది?

Oneplus Nord CE 3 Lite vs Redmi Note 12 : ఇండియా స్మార్ట్​ఫోన్​ మార్కెట్​లో వన్​ప్లస్​ నార్డ్​ సీఈ3 లైట్​ మొబైల్​ త్వరలోనే అందుబాటులోకి రానుంది. ఇది.. ఇటీవలే లాంచ్​ అయిన రెడ్​మీ నోట్​ 12కు గట్టిపోటీనిస్తుందని మార్కెట్​లో అంచనాలు ఉన్నాయి. ఈ నేపథ్యంలో ఈ రెండింటినీ ఓసారి పోల్చి.. వాల్యూ ఫర్​ మనీ మోడల్​ ఏది? అన్నది తెలుసుకుందాము..

వన్​ప్లస్​ నార్డ్​ సీఈ 3 లైట్​ వర్సెస్​ రెడ్​మీ నోట్​ 12- స్పెసిఫికేషన్స్​..

Oneplus Nord CE 3 Lite features : వన్​ప్లస్​ నార్డ్​ సీఈ 3 లైట్​, రెడ్​మీ నోట్​ 12లో టాప్​ సెంటర్డ్​ పంచ్​ హోల్​ కట్​ ఔట్​, సైడ్​ ఫేసింగ్​ ఫింగర్​ప్రింట్​ స్కానర్​ వంటివి ఉన్నాయి. వన్​ప్లస్​ మోడల్​లో 6.72 ఇంచ్​ ఫుల్​ హెచ్​డీ+ ఎల్​సీడీ స్క్రీన్​ ఉండగా.. రెడ్​మీలో 6.67 ఇంచ్​ ఫుల్​ హెచ్​డీ+ సూపర్​ అమోలెడ్​ డిస్​ప్లే ఉంది. ఈ రెండు గ్యాడ్జెట్స్​లోనూ 120హెచ్​జెడ్​ రిఫ్రెష్​ రేట్​ ఉంటుంది.

వన్​ప్లస్​ డివైజ్​లో స్నాప్​డ్రాగన్​ 695 ప్రాసెసర్​ ఉంటుంది. 8జీబీ ర్యామ్​, 256 జీబీ స్టోరేజ్​ కెపాసిటీ దీని సొంతం. ఇందులో ఆండ్రాయిడ్​ 13 ఆధారిత ఆక్సీజెన్​ఓఎస్​ 13.1 ఉంది.

Redmi Note 12 features : మరోవైపు.. రెడ్​మీ నోట్​ 12లో స్నాప్​డ్రాగన్​ 4 జెన్​ 1 చిప్​ ఉంటుంది. 8జీబీ ర్యామ్​, 256జీబీ స్టోరేజ్​ దీని సొంతం. ఈ డివైజ్​లో ఆండ్రాయిడ్​ 12 ఆధారిత ఎంఐయూఐ 13 ఉంటుంది.

ఇదీ చదవండి :- Redmi 12C vs Realme C55 : రెడ్​మీ 12సీ వర్సెస్​ రియల్​మీ సీ55.. ఏది కొంటే బెటర్?

వన్​ప్లస్​ నార్డ్​ సీఈ 3 లైట్​ వర్సెస్​ రెడ్​మీ నోట్​ 12- ఫీచర్స్​..

Oneplus Nord CE 3 Lite specifications : వన్​ప్లస్​ నార్డ్​ సీఈ 3 లైట్​లో 108ఎంపీ, 2ఎంపీ కెమెరాలు ఉన్నాయి. సెల్ఫీ కోసం 16 ఎంపీ కెమెరా లభిస్తోంది. ఇందులో 5000ఎంఏహెచ్​ బ్యాటరీ ఉంది. 67డబ్ల్యూ ఫాస్ట్​ ఛార్జింగ్​ ఆప్షన్స్​ ఉంది.

రెడ్​మీ నోట్​ 12లో 48ఎంపీ, 8ఎంపీ, 2ఎంపీ కెమెరా సెటప్​ ఉంటుంది. 13ఎంపీ సెల్ఫీ కెమెరా వస్తొంది. ఇందులో 5000ఎంఏహెచ్​ బ్యాటరీ ప్యాక్​ ఉండగా.. ఇది 33డబ్ల్యూ ఫాస్ట్​ ఛార్జింగ్​ను సపోర్ట్​ చేస్తుంది.

ఈ రెండు స్మార్ట్​ఫోన్స్​ కూడా.. 1080పీ వీడియో రికార్డింగ్​ను సపోర్ట్​ చేస్తాయి.

వన్​ప్లస్​ నార్డ్​ సీఈ 3 లైట్​ వర్సెస్​ రెడ్​మీ నోట్​ 12- ధర..

Oneplus Nord CE 3 Lite price : వనప్లస్​ నార్డ్​ సీఈ 3 లైట్​ 8జీబీ/128జీబీ వేరియంట్​ ధర రూ. 19,999. 8జీబీ/ 256జీబీ వేరియంట్​ ధర రూ. 21,999. ఏప్రిల్​ 11 నుంచి ఇది సేల్​కు వెళుతుంది.

Redmi Note 12 price : ఇక రెడ్​మీ నోట్​ 12 4జీబీ/ 128జీబీ మోడల్​ ధర రూ. 17,999. 8జీబీ/ 128జీబీ వేరియంట్​ ధర రూ. 19,999. 8జీబీ/ 256జీబీ వేరియంట్​ ధర రూ. 21,999గా ఉంది.