Ola Electric scooter : ఓలా ఎలక్ట్రిక్​ స్కూటర్​కు మంటలు.. కారణం చెప్పిన సంస్థ

Ola Electric scooter : ఓలా ఎలక్ట్రిక్​ స్కూటర్​కు మంటలు అంటుకున్న ఘటన మహారాష్ట్రలో చోటుచేసుకుంది. ఈ ప్రమాదంలో వాహనం దగ్ధమైంది. ఈ వీడియో సోషల్​ మీడియాలో వైరల్​గా మారింది.

కారణం ఏంటి..?

పుణెలోని పింప్రి- చించ్​వాడ్​ ప్రాంతంలో ఈ నెల 28న ఈ ఘటన చోటుచేసుకుంది. ఓలా ఎలక్ట్రిక్​ స్కూటర్​ కాలిపోతుండగా.. స్థానికులు అనేక వీడియోలు తీశారు. అవి ఇప్పుడు వైరల్​గా మారాయి. అగ్నిమాపక సిబ్బంది.. మంటలను ఆపడానికి చేసిన ప్రయత్నాలు కూడా కొన్ని వీడియోల్లో రికార్డు అయ్యాయి.

అయితే.. ఈ విషయంపై ఓలా ఎలక్ట్రిక్​ సంస్థ స్పందించింది. వెహికిల్​కి మంటలు అంటుకోవడానికి గల కారణాలను వెల్లడించింది.

Ola Electric scooter fire accident : "ఈ నెల 28న పుణెలోని డీవై పాటిల్​ కాలేజ్​ పార్కింగ్​ లాట్​లో ఓలా ఎలక్ట్రిక్​ స్కూటర్​కు మంటలు అంటుకున్నట్టు మా దృష్టికి వచ్చింది. కస్టమర్​కు ఎలాంటి హానీ జరగలేదు. ఈ ఘటనపై మేము వెంటనే దర్యాప్తు చేపట్టాము. వెహికిల్​ బ్యాటరీకి ఏం అవ్వలేదని, సరిగ్గానే పనిచేస్తోందని తేలింది. అయితే.. ఒరిజినల్​ భాగాలను వాడకుండా.. బయట నుంచి వేరే పార్ట్స్​ తీసుకొచ్చి వాడటమే.. ఈ ప్రమాదానికి కారణం," అని ఓలా ఎలక్ట్రిక్​ సంస్థ ట్విట్టర్​ వేదికగా వివరణ ఇచ్చింది.

కాగా ఈ ఘటనపై పీసీఎంసీ (పింప్రి చించ్​వాడ్​ మిన్సిపల్​ కార్పొరేషన్​) కూడా దర్యాప్తు చేపట్టింది. బ్యాటరీకి సంబంధించిన సమస్యతో ప్రమాదం చోటుచేసుకుని ఉండొచ్చని ప్రాథమిక దర్యాప్తులో వెల్లడించింది.

Ola Electric latest news : ఓలా ఎలక్ట్రిక్​ స్కూటర్లకు మంటలు అంటుకున్నట్టు వార్తలు రావడం ఇది కొత్త విషయమేమీ కాదు. గతంలో అనేకసార్లు ఇలాంటి వార్తలు వచ్చాయి. దేశవ్యాప్తంగా ఈ ఘటనలు చోటుచేసుకున్నాయి.

భారత్​ ఈవీ ఫెస్ట్​..

Ola Bharat EV fest : భారతీయులకు క్రేజీ న్యూస్​ ఇచ్చింది ఓలా ఎలక్ట్రిక్​. సరికొత్త ఓలా ఎస్​1 ఎక్స్​+ మోడల్​ను మీరు ఉచితంగా పొందే అవకాశాన్ని ఇస్తోంది ఓలా ఎలక్ట్రిక్​.

పండుగ సీజన్​లో కస్టమర్లను ఆకర్షించేందుకు.. ఆటోమొబైల్​ సంస్థలు వివిధ మార్గాలు ఎంచుకుంటున్నాయి. కొన్ని సంస్థలు, తమ వాహనాలపై ఆఫర్స్​, డిస్కౌంట్స్​ ఇస్తుంటో.. ఓలా ఎలక్ట్రిక్​ సంస్థ ఏకంగా ఓ పెద్ద క్యాంపైన్​నే మొదలుపెట్టింది. అదే.. 'భారత్​ ఈవీ ఫెస్ట్​'. ఇందులో భాగంగా పలు క్రేజీ ఆఫర్స్​ ఇస్తోంది సంస్థ.

భారత్​ ఈవీ ఫెస్ట్​లో భాగంగా.. ఎక్స్​టెండెడ్​ వారెంటీలపై 50శాతం వరకు డిస్కౌంట్​ ఇస్తోంది ఓలా ఎలక్ట్రిక్​. అంతేకాకుండా.. ఓలా ఎస్​1 ప్రో సెకెండ్​ జనరేషన్​ ఈ-స్కూటర్​ను టెస్ట్​ డ్రైవ్​ చేసే వారికి.. సరికొత్త ఓలా ఎస్​1 ఎక్స్​+ ఎలక్ట్రిక్​ వెహికిల్​ను దక్కించుకునే అవకాశాన్ని ఇవ్వాలని ఫిక్స్​ అయ్యింది. పూర్తి వివరాల కోసం ఇక్కడ క్లిక్​ చేయండి.