Nissan Magnite facelift : నిస్సాన్​ మాగ్నైట్​ ఫేస్​లిఫ్ట్​లో కనిపించే మార్పులు ఇవే..

ఇండియా ఆటోమొబైల్​ మార్కెట్​లో నిస్సాన్​కి బెస్ట్​ సెల్లింగ్​ ఎస్​యూవీగా కొనసాగుతోంది నిస్సాన్​ మాగ్నైట్​. ఇక ఇప్పుడు మాగ్నైట్​కి ఫేస్​లిఫ్ట్​ వర్షెన్​ని తీసుకొచ్చింది సంస్థ. కస్టమర్లు ఈ కొత్త వర్షెన్​పై ఆసక్తి చూపిస్తున్నారు. ఈ నేపథ్యంలో ఈ నిస్సాన్​ మాగ్నైట్​ ఫేస్​లిఫ్ట్​లో కనిపించే 5 మార్పుల గురించి ఇక్కడ తెలుసుకుందాము..

కొత్త ఎక్స్​టీరియర్..

మాగ్నైట్​ ఎక్స్​టీరియర్​లో​ పియానో బ్లాక్, క్రోమ్ ఇన్సర్ట్​లను ఉపయోగించే కొత్త బోల్డ్ గ్రిల్​ను అప్డేట్ చేశారు. ఫ్రంట్ బంపర్ ఇప్పుడు కొంచెం అగ్రెసివ్​గా కనిపిస్తుంది. ఫ్రంట్ ఫాగ్ ల్యాంప్స్ స్థానాన్ని రివైజ్​ చేసింది. ఎల్ఈడీ హెడ్​ల్యాంప్స్, డేటైమ్​ రన్నింగ్ ల్యాంప్స్ ఒకేలా ఉంటాయి.సైడ్లలో డ్యూయెల్ టోన్ ఫినిషింగ్ పొందే 16 ఇంచ్​ అల్లాయ్ వీల్స్ ఉన్నాయి. వెనుక భాగంలో మైల్డ్​ రివైజ్​డ్​ ఎల్ఈడీ టెయిల్ ల్యాంప్స్ మాత్రమే ఉన్నాయి.

కొత్త ఇంటీరియర్..

ఎక్స్​టీరియర్​ మాదిరిగానే, నిస్సాన్​ మాగ్నైట్​ ఎస్​యూవీ ఫేస్​లిఫ్ట్​ ఇంటీరియర్ కూడా మారింది. డ్యాష్​బోర్డ్ లేఅవుట్ మాత్రం పాత మాగ్నైట్​ని పోలి ఉంటుంది. నిస్సాన్ దీనిని సన్ సెట్ ఆరెంజ్ అని పిలుస్తున్న కొత్త కలర్ స్కీమ్​కు మార్చింది. అంతేకాక, ఇప్పుడు లెథరెట్ ఫినిష్ కూడా అందుబాటులో ఉంది.

ఇదీ చూడండి:- Hyundai cars : పండగ సీజన్​లో ఈ హ్యుందాయ్​ కార్లపై బంపర్​ ఆఫర్లు.. త్వరపడండి!

కొత్త ఫీచర్లు..

మాగ్నైట్ ఫేస్​లిఫ్ట్ వైర్​లెస్ ఆండ్రాయిడ్ ఆటో, యాపిల్ కార్ ప్లేలను సపోర్ట్ చేసే అదే టచ్​స్క్రీన్ ఇన్ఫోటైన్​మెంట్ సిస్టెమ్​తో వస్తోంది. అయితే 7 ఇంచ్​ డ్రైవర్ డిస్​ప్లే ఇప్పుడు కాన్ఫిగర్ చేయగల కొత్త గ్రాఫిక్స్​తో అప్డేట్ అయ్యింది. నిస్సాన్ వైర్ లెస్ ఫోన్ ఛార్జర్​తో పాటు యాంబియంట్ లైటింగ్, ఆటోమేటిక్ క్లైమేట్ కంట్రోల్ కోసం వివిధ కలర్స్​ని అందిస్తోంది.

కొత్త వేరియంట్ లైనప్..

నిస్సాన్ మాగ్నైట్ వేరియంట్ల పేర్లను మార్చింది. సబ్ కాంపాక్ట్ ఎస్​యూవీని ఇప్పుడు విసియా, విసియా+, అసెంటా, ఎన్-కనెక్టా, టెక్నా, టెక్నా+ లలో విక్రయించనున్నారు. ఇంతకు ముందు, వేరియంట్ల పేర్లు ఎక్స్​ఈ, ఎక్స్ఎల్, ఎక్స్​వీ, ఎక్స్​వీ ప్రీమియం. ఎస్​వీ కురో ఎడిషన్.

మెరుగైన భద్రత..

భద్రత పరంగా, నిస్సాన్ మాగ్నైట్ ఫేస్​లిఫ్ట్​ ఇప్పుడు 6 ఎయిర్ బ్యాగులను ప్రామాణికంగా తీసుకురానుంది. ఫ్రేమ్​లెస్ డిజైన్​తో కొత్త ఆటో-డిమ్మింగ్ ఐఆర్​వీఎమ్ కూడా ఉంది. ఇది కాకుండా, మాగ్నైట్ 360-డిగ్రీ పార్కింగ్ కెమెరా, ఫ్రంట్​- రేర్​ పార్కింగ్ సెన్సార్లు, హిల్ హోల్డ్ అసిస్ట్, టీపీఎంఎస్​తో వస్తుంది.

నిస్సాన్​ మాగ్నైట్​ ఫేస్​లిఫ్ట్​పై సంస్థ భారీ ఆశలు పెట్టుకుంది. గట్టి పోటీ మధ్య బిజినెస్​ సాగించాలంటే ఈ మాగ్నైట్​ ఫేస్​లిఫ్ట్​ వర్షెన్​ కూడా క్లిక్​ అవ్వడం చాలా ముఖ్యం. ఈ మోడల్​కి టాటా పంచ్​, మారుతీ సుజుకీ బ్రెజా, హ్యుందాయ్​ వెన్యూ వంటి బెస్ట్​ సెల్లింగ్​ ఎస్​యూవీల నుంచి పోటీ ఎదురువుతోంది.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. అటోమొబైల్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..