MG Hector Plus : ఈ బెస్ట్​ సెల్లింగ్​ 7 సీటర్​ ఎస్​యూవీలో 2 కొత్త వేరియంట్లు- ధర, ఫీచర్స్​ చెక్​ చేయండి..

ఇండియాలో బెస్ట్​ సెల్లింగ్​ 7 సీటర్​ ఎస్​యూవీల్లో ఎంజీ మోటార్​ హెక్టర్​ ప్లస్​ ఒకటి. ఇప్పుడు ఈ పాప్యులర్​ ఎస్​యూవీలో రెండు కొత్త వేరియంట్లను తీసుకొచ్చింది జేఎస్​డబ్ల్యూ ఎంజీ మోటార్​. అవి.. సెలెక్ట్ ప్రో, స్మార్ట్ ప్రో. వీటి ధర రూ .19.71 లక్షల(ఎక్స్-షోరూమ్) వద్ద ప్రారంభమవుతుంది. ఈ రెండు కొత్త వేరియంట్ల చేరికతో, హెక్టర్ ప్లస్ ఇప్పుడు స్నోస్టార్మ్, బ్లాక్​స్టార్మ్​ వంటి ప్రత్యేక ఎడిషన్లతో సహా దాదాపు 30 విభిన్న వేరియంట్లను కలిగి ఉంది!

ఎంజీ హెక్టర్ ప్లస్ ఎస్​యూవీ ప్రారంభ ధర రూ .17.50 లక్షలు (ఎక్స్-షోరూమ్).  మహీంద్రా ఎక్స్ యూవీ 700, టాటా సఫారీ, హ్యుందాయ్ అల్కాజర్ వంటి మోడళ్లకు ఈ ఎస్​యూవీ గట్టి పోటీనిస్తుంది.

ఎంజీ హెక్టర్ ప్లస్: కొత్త పెట్రోల్ వేరియంట్..

హెక్టర్ ప్లస్ ఎస్​యూవీ 1.5-లీటర్ 7 సీటర్​ వర్షెన్​కు రెండు కొత్త వేరియంట్లలో సెలెక్ట్ ప్రో యాడ్​ అయ్యింది. ఈ వేరియంట్ ఇప్పుడు సీవీటీ గేర్​బాక్స్​కు కనెక్ట్​ చేసిన టర్బోఛార్జ్​డ్ ఇంజిన్​ను అందిస్తుంది. ఇంతకుముందు ఇది మాన్యువల్ ట్రాన్స్మిషన్ యూనిట్​తో వచ్చింది. దీని ధర రూ .18.48 లక్షలు (ఎక్స్-షోరూమ్), కొత్త వేరియంట్ కంటే రూ .1 లక్షకు పైగా తక్కువ!

ఎంజీ హెక్టర్ ప్లస్: కొత్త డీజిల్ వేరియంట్..

హెక్టర్ ప్లస్ లైనప్​లో రెండవ కొత్త వేరియంట్ స్మార్ట్ ప్రో! రూ .20.64 లక్షలు (ఎక్స్-షోరూమ్) ధర కలిగిన ఈ కొత్త వేరియంట్ గతంలో ఆరు సీట్లను ఆఫర్ చేయగా, ఇప్పుడు ఏడు సీట్లను ఆప్షన్​గా ఇస్తోంది. ఆరు సీట్ల ఆప్షన్లతో ఉన్న అదే వేరియంట్ ధర రూ .21.53 లక్షలు (ఎక్స్-షోరూమ్), కొత్త వేరియంట్ కంటే సుమారు రూ .1 లక్ష ఎక్కువ.

హెక్టర్ ప్లస్ కొత్త వేరియంట్లు: ఫీచర్లు, ఇంజిన్ వివరాలు..

ఎంజీ మోటార్ కొత్త వేరియంట్లలో హెక్టర్ ప్లస్ ఎస్​యూవీ ఫీచర్ లిస్ట్ లేదా మరే ఇతర స్పెసిఫికేషన్​ మారలేదు. రెండు వేరియంట్లలో 18 ఇంచ్​ అల్లాయ్ వీల్స్ ఉన్నాయి. పనోరమిక్ సన్​రూఫ్, 14 ఇంచ్​ టచ్​స్క్రీన్ ఇన్ఫోటైన్​మెంట్ సిస్టెమ్, ఫుల్ ఎల్ఈడీ డిజిటల్ డ్రైవర్ డిస్​ప్లే, వైర్​లెస్ యాపిల్ కార్​ప్లే, ఆండ్రాయిడ్ ఆటో కనెక్టివిటీ, వైర్ లెస్ ఛార్జింగ్ వంటి ఫీచర్లను ఈ ఎస్​యూవీ అందిస్తోంది.

హెక్టర్ ప్లస్ ఎస్​యూవీలో 1.5-లీటర్ పెట్రోల్ ఇంజిన్ ఉంది. ఇది 141 బీహెచ్​పీ పవర్, 250 ఎన్ఎమ్ గరిష్ట టార్క్​ను ఉత్పత్తి చేస్తుంది. డీజిల్ వేరియంట్లు 2.0-లీటర్ యూనిట్​తో 168 బీహెచ్​పీ పవర్, 350 ఎన్ఎమ్ గరిష్ట టార్క్​ను ఉత్పత్తి చేస్తాయి.

మరిన్ని వివరాల కోసం మీ సమీపంలోని డీలర్​షిప్​ షోరూమ్​ని సందర్శించండి.