ఏడాదిన్నరలో 2లక్షల మంది కొన్న కారు ఇది- మైలేజ్​లో ది బెస్ట్​!

దిగ్గజ ఆటోమొబైల్​ సంస్థ మారుతీ సుజుకీకి ఫ్రాంక్స్ వెహికిల్​ బెస్ట్​ సెల్లింగ్​ మోడల్​గా మారింది! ఈ సబ్ కాంపాక్ట్ కూపే ఎస్​యూవీ ఇప్పుడు కొత్త మైలురాయిని సాధించింది. మారుతీ సుజుకీ ఫ్రాంక్స్ ఏప్రిల్ 2023 లో లాంచ్ అయిన 17 నెలల్లోనే రెండు లక్షల సేల్స్​ మైల్​స్టోన్​ని టచ్​ చేసింది. ఈ బలెనో ఆధారిత క్రాసోవర్.. దేశీయ మార్కెట్లోనే కాకుండా ఇతర దేశాల్లో బలమైన డిమాండ్​తో భారీ విజయాన్ని సాధించింది. ఫ్రాంక్స్​ మరికొద్ది రోజుల్లో సుజుకి సొంత మార్కెట్ జపాన్​లో సైతం లాంచ్ కానుంది!

మారుతీ సుజుకీ ఫ్రాంక్స్ సేల్స్​..

లాంచ్ అయిన కేవలం రెండున్నర నెలల్లోనే 50,000 యూనిట్లు అమ్ముడుపోయాయి. 10 నెలల్లోనే మారుతీ సుజుకీ ఫ్రాంక్స్​ 1 లక్ష అమ్మకాల మార్కును దాటింది. అయితే కేవలం 14 నెలల్లో 1.50 లక్షల మైలురాయిని సాధించింది. స్పోర్టీ, బచ్ స్టైలింగ్​తో పాటు కూపే రూఫ్ లైన్ జనాలకు బాగా నచ్చింది.

దీనికితోడు 1.2-లీటర్ నేచురల్ ఆస్పిరేటెడ్ పెట్రోల్ కూడా హిట్ అయింది! పెప్పీ స్వభావం, పొదుపుకు ప్రసిద్ధి చెందిన కే-సిరీస్ ఇంజిన్ పనితీరు, సామర్థ్యం మధ్య ఆరోగ్యకరమైన సమతుల్యతను అందిస్తుంది. అంతేకాకుండా, 1.0-లీటర్ బూస్టర్ జెట్ ఇంజిన్ మాన్యువల్, టార్క్ కన్వర్టర్ ఆటోమేటిక్ ఆప్షన్స్​తో స్పోర్టియర్ పర్ఫర్మెన్స్​ని అందిస్తుంది.

ఈ మారుతీ సుజుకీ ఫ్రాంక్స్​ మైలేజ్​ 20-23 కేఎంపీఎల్​ మధ్యలో ఉంటుంది.

మారుతీ సుజుకీ ఫ్రాంక్స్ ఫీచర్లు..

మారుతీ సుజుకీ పోర్ట్​ఫోలియోలో వేగంగా సేల్​ అవుతున్న వెహికిల్స్​లో ఈ ఫ్రాంక్స్​ ఒకటి. యాపిల్ కార్​ప్లే, ఆండ్రాయిడ్ ఆటోతో కూడిన టచ్​స్క్రీన్ ఇన్ఫోటైన్​మెంట్ సిస్టెమ్​, పుడిల్ ల్యాంప్స్, హెచ్​యూడీ యూనిట్, డీఆర్​ఎల్​లతో కూడిన ఎల్​ఈడీ హెడ్​ల్యాంప్స్, ఎంఐడీ యూనిట్​తో మరెన్నో ఫీచర్లతో ఈ మోడల్​లో కనిపిస్తాయి.

మారుతీ సుజుకీ ఫ్రాంక్స్ ధర రూ .7.46 లక్షల (ఎక్స్-షోరూమ్) నుంచి ప్రారంభమవుతుంది. బ్రాండ్ ప్రీమియం నెక్సా అవుట్​లెట్స్​ ద్వారా కొనుగోలు చేసుకోవచ్చు. 2 లక్షల అమ్మకాల మైలురాయిని చేరుకున్న వేగవంతమైన నెక్సా మోడల్​గా ఫ్రాంక్స్ నిలిచింది. ఈ సబ్ కాంపాక్ట్ ఎస్​యూవీ ఈ సెగ్మెంట్​లోని నిస్సాన్ మాగ్నైట్, రెనో కిగర్, టయోటా అర్బన్ క్రూయిజర్ వంటి ప్రత్యర్థులకు గట్టి పోటీనిస్తుంది.

50 లక్షల మందికిపైగా కొనుగోలు చేసిన ఏకైక కారు..

ఇండియాలో మారుతీ సుజుకీకి మంచి గుర్తింపు ఉంది. ఈ కంపెనీలో చాలా బెస్ట్​ సెల్లింగ్​ మోడల్స్​ ఉన్నాయి. మారుతీ ఆల్టో దేశంలో అత్యధికంగా అమ్ముడవుతున్న కారుగా నిలిచింది. ఇప్పటి వరకూ 50 లక్షల యూనిట్లు అమ్ముడయ్యాయి! ఈ అద్భుత ఘనత సాధించిన ఏకైక మోడల్ ఇదే. విశేషమేమిటంటే ఇన్నేళ్ల తర్వాత కూడా దాని డిమాండ్ అలాగే ఉంది! టాప్-10 కార్ల జాబితాలో ఇది లేకపోయినప్పటికీ, ప్రతి నెలా 10 వేలకు పైగా వినియోగదారులు దీనిని కొనుగోలు చేస్తున్నారు. ఇది కంపెనీ ఎంట్రీ లెవల్ కారు కూడా. దేశంలోనే అత్యంత చౌకైన కారు కూడా ఇదే. దీని ప్రారంభ ఎక్స్-షోరూమ్ ధర రూ.3.99 లక్షలు. పూర్తి వివరాల కోసం ఇక్కడ క్లిక్​ చేయండి.