Lenovo Tab P12 : లెనోవో ట్యాబ్​ పీ12 వచ్చేస్తోంది.. అదిరిపోయే ఫీచర్స్​తో!

Lenovo Tab P12 : లెనోవో ట్యాబ్​ పీ12 గ్యాడ్జెట్​ గత నెలలో యూరోప్​ మార్కెట్​లో లాంచ్​ అయ్యింది. ఇక ఇప్పుడు.. ఈ ట్యాబ్లెట్​ ఇండియా మార్కెట్​లోకి కూడా వస్తోంది. ఈ మేరకు ఫ్లిప్​కార్ట్​లో ఓ పోస్టర్​ దర్శనమిచ్చింది. ఫ్లిప్​కార్ట్​లో ఈ లెనోవో ట్యాబ్​ పీ12.. సెప్టెంబర్​ 5 మధ్యాహ్నం 12 గంటలకు సేల్​కు వెళుతుంది. ఈ నేపథ్యంలో ఈ మోడల్​ విశేషాలను ఇక్కడ తెలుసుకుందాము..

ఈ కొత్త ట్యాబ్​ స్పెసిఫికేషన్స్​ ఏంటి?

లెనోవో ట్యాబ్​ పీ12లో.. 60 హెచ్​జెడ్​ రిఫ్రెష్​ రేట్​తో కూడిన 12.7 ఇంచ్​ ఎల్​టీపీఎస్​ ఎల్​సీడీ డిస్​ప్లే ఉంటుంది. పిక్సెల్​ డెన్సిటీ 273పీపీఐగా ఉంది. క్వాడ్​ జేబీఎల్​ స్పీకర్స్​ వస్తున్నాయి. ఇక 13ఎంపీ ఫ్రెంట్​ ఫేసింగ్​ కెమెరా, ఆర్​జీబీ సెన్సార్​, వైడ్​ ఫీల్డ్​ వ్యూ వంటివి లభిస్తున్నాయి. రేర్​లో 8ఎంపీ ఆటోఫోకస్​ కెమెరా, ఎల్​ఈడీ ఫ్లాష్​ లైట్​లు వస్తున్నాయి.

Lenovo Tab P12 price : ఈ సరికొత్త ట్యాబ్​లో మీడియాటెక్​ డైమెన్సిటీ 7050 ప్రాసెసర్​ ఉంటుంది. ఆండ్రాయిట్​ 13 సాఫ్ట్​వేర్​పై పనిచేస్తుంది. రెండేళ్ల ఓఎస్​ అప్డేట్స్​, నాలుగేళ్ల సెక్యూరిటీ వారెంటీ ఈ గ్యాడ్జెట్​ సొంతం. 4జీబీ ర్యామ్​- 128జీబీ స్టోరేజ్​, 8జీబీ ర్యామ్​- 128జీబీ/256జీబీ వేరియంట్స్​ ఇందులో ఉన్నాయి. మైక్రోఎస్​డీ కార్డ్​ స్లాట్​ కూడా లభిస్తోంది.

ఇదీ చూడండి:- OnePlus Pad: ‘వన్‍ప్లస్ ప్యాడ్’ ట్యాబ్ ధర ఇదే.. అధికారికంగా ప్రకటించిన వన్‍ప్లస్: సేల్ డేట్, ఆఫర్ల వివరాలు

ఈ లెనోవో ట్యాబ్​ పీ12లో యాక్సలరోమీటర్​ జీ సెన్సార్​, ఆర్​జీబీ సెన్సార్​, గైరోస్కోప్​, ఈ-కంపాస్​, హాల్​ సెన్సార్​తో పాటు వివిధ సెన్సార్​లు ఉన్నాయి. సెక్యూరిటీ కోసం.. ఫింగర్​ ప్రింట్​ స్కానర్​ ఉంటుంది. వైఫై-6, డ్యూయెల్​ బ్యాండ్​ వైఫై, బ్లూటూత్​ వీ5.1, యూఎస్​బీ టైప్​-సీ 2.0 పోర్ట్​, 10,2000ఎంఏహెచ్​ బ్యాటరీ దీని సొంతం. ఒక్కసారి ఛార్జ్​ చేస్తే.. ఈ గ్యాడ్జెట్​ 10 గంటల పాట పనిచేస్తుందని సంస్థ చెబుతోంది. స్టార్మ్​ గ్రే, ఓట్​ కలర్స్​లో ఈ ట్యాబ్​ అందుబాటులోకి రానుంది.

Lenovo Tab P12 price in India : లెనోవో ట్యాబ్​ పీ12 ధరకు సంబంధించిన వివరాలు అందుబాటులో లేవు. త్వరలోనే ఈ విషయంపై ఓ క్లారిటీ వచ్చే అవకాశం ఉంది. కాగా.. యూరోప్​లో దీని ప్రారంభ ధర 399 యూరోలుగా ఉంది. అంటే ఇండియన్​ కరెన్సీలో దాదాపు రూ. 36వేలు!