Recharge Plan : ఈ రిఛార్జ్ చేసుకుంటే ఈ ఓటీటీలు కూడా ఫ్రీ.. ప్లాన్ వాలిడిటీ 84 రోజులు

జియో తన వినియోగదారులకు సోనీ లివ్, జీ5 సబ్‌స్క్రిప్షన్‌లతో అద్భుతమైన ప్లాన్‌ను అందిస్తోంది. ఈ ప్లాన్‌లో అపరిమిత 5జీ డేటా లభిస్తుంది. ప్రతిరోజూ 100 ఉచిత ఎస్ఎంఎస్‌లు, అన్‌లిమిటెడ్ కాలింగ్ లభిస్తాయి. ఈ ప్లాన్ గురించి వివరంగా తెలుసుకుందాం.

జియో పోర్ట్ ఫోలియోలో ప్రతి కేటగిరీలో బెస్ట్ ప్లాన్స్ అందించేందుకు ప్రయత్నిస్తోంది. అపరిమిత 5జీ డేటా, ఉచిత కాలింగ్‌, ఓటీటీ బెనిఫిట్స్‌తో పలు గొప్ప ప్లాన్స్‌ను యూజర్లకు అందిస్తోంది. జియో ప్రీపెయిడ్ ప్లాన్ ధర రూ .1049గా ఉంది. ఇందులో సోనీ లివ్, జీ5లకు ఉచిత యాక్సెస్ ఇస్తోంది. ఇది కాకుండా మీరు ఈ ప్లాన్‌లో మరికొన్ని ప్రయోజనాలు పొందుతారు.

జియో ఈ ప్లాన్ వాలిడిటీ 84 రోజులుగా అందిస్తోంది. ఈ ప్లాన్‌లో ప్రతిరోజూ 2 జీబీ డేటా లభిస్తుంది. అర్హులైన యూజర్లకు అపరిమిత 5జీ డేటాను కూడా జియో అందిస్తోంది. ఈ ప్లాన్‌తో దేశవ్యాప్తంగా ఉన్న అన్ని నెట్‌వర్క్‌లకు అపరిమిత కాలింగ్, ప్రతిరోజూ 100 ఉచిత ఎస్ఎంఎస్‌లు లభిస్తాయి. సోనీ లివ్, జీ5 ఉచిత సబ్‌స్క్రిప్షన్ దొరుకుతుంది. ఇందులో జియో సినిమాకి ఉచిత యాక్సెస్ కూడా ఉంటుంది. అయితే జియో సినిమా ప్రీమియం ఉచిత యాక్సెస్ లభించదని గుర్తుంచుకోండి.

జియో తన రూ .1029 ప్రీపెయిడ్ ప్లాన్లో వినియోగదారులకు అమెజాన్ ప్రైమ్ లైట్ ఉచిత యాక్సెస్‌ను కూడా అందిస్తోంది. ఇంటర్నెట్ వాడుకునేందుకు రోజుకు 2 జీబీ డేటాను ఇస్తుంది. జియో టీవీ, జియో సినిమాలకు ఉచిత యాక్సెస్ కూడా పొందుతారు.

మీరు జియో సబ్‌స్క్రైబర్ అయితే ఉచిత నెట్‌ఫ్లిక్స్‌ వచ్చే ప్లాన్ కోసం చూస్తున్నట్లయితే రూ .1299 ప్లాన్ మీకు బెటర్. 84 రోజుల వ్యాలిడిటీ ఉన్న ఈ ప్లాన్‌లో ప్రతిరోజూ 2 జీబీ డేటా లభిస్తుంది. ఈ ప్లాన్ ద్వారా అపరిమిత 5జీ డేటా కూడా దొరుకుతుంది. ఇందులో రోజుకు 100 ఉచిత ఎస్ఎంఎస్, అన్‌లిమిటెడ్ కాలింగ్ లభిస్తుంది. ఈ ప్లాన్ ద్వారా నెట్‌ఫ్లిక్స్ (మొబైల్)తో పాటు జియో టీవీ, జియో సినిమాలకు ఉచిత యాక్సెస్ ఉంటుంది.